士师记 8章13节 到 8章28节   背景资料  上一笔  下一笔
Chit段经文记载基甸凯旋tńg来途中,伊用「刺phè」惩罚疏割城ê人,mā亲像以前对比努伊勒城人所警告ê,beh拆毁hit-ê城,伊án-ne做。

第13到17节,基甸活掠了一位疏割青年,ài伊列出hit-ê城重要首领kah长老名单,共计七十七人,然后照前所讲过ê用「刺phè」惩罚hit-ê城ê chiah-ê领导者,并且拆毁了比努伊勒城,并且杀了hit-ê城ê人。

第18到21节,chit段经文thang明显看出用血报仇ê古老社群生活态度。因为米甸领导者西巴kah撒慕拿 bat杀害基甸宗族ê人,因为án-ne,基甸原本ài伊ê kiáⁿ亲手替宗族ê人报仇,m̄-koh伊太少年下不了手,最后是由基甸亲手报仇,kā西巴kah撒慕拿刣死。

第22到23节,以色列人民因为基甸带领in phah败米甸盟军,因为án-ne,请求基甸kah伊ê家族当in ê王,m̄-koh基甸拒绝chit项请求。第23节清楚讲出基甸心中ê想法,伊kā以色列人民讲:「上主beh统治lín。」这是一句真重要ê话。伊无愿意当以色列人民ê士师,甚至伊ê kiáⁿ mā无妥当士师,真正以色列人民ê王、领导者是上帝!chit种信仰告白chiah是siōng重要ê。

第24到27节,chit段经文讲出当时以色列人民tī迦南地ê宗教思想,已经会失去本来摩西、约书亚时代,带领in kah上帝立落来「永远之约」ê基本信仰精神。基甸知影伊ē-tàng带领以色列人民用siōng少ê三百名军队击溃敌方超过十二万人以上ê大军,而家己连一个损伤ê mā无,这绝对m̄是伊个人ê气力所ē-tàng,是上帝亲自带领。M̄-koh tī第27节却讲tio̍h以色列人民koh tńg来到偶像崇拜ê罪行中,chit点是非常严重ê 错误。伊chit种行为真亲像亚伦替以色列人民制造金牛仝款,只是亚伦是tī以色列人民ê要求下铸造金牛(参考出埃及记三十二:1—6),á chit所在ê基甸却家己提出beh收集所有ê耳环kah装饰品,家己用chiah-ê物件铸造偶像(以弗得),hō͘以色列人民弃sak了上帝。真可能本来基甸是用chit种方式hō͘人民有一个求得上帝旨意ê对象,免得in去敬拜偶像神明,无想tio̍h这尊偶像反tńg hō͘以色列人民根本无法度分别迦南ê神明kah上帝之间有甚么差别。因为chia所用ê「偶像」,语音是「以弗得」,若是「以弗得」,则Tī圣经中是teh指祭司穿ê袍(参考出埃及记第廿八章、三十九:2—31)。不过,若是穿tī身上ê衫裤,却是重达二十公斤,显然有点á无jōa可能,比较像一尊偶像

Chit段经文mā看出以色列人民并m̄是一开始就相信基甸,是tī chit pái kah米甸、亚玛力人ê战役结束后,in chiah发觉基甸确实是in所需要ê领袖。伊要求以色列人民缴出in tùi米甸人身上chhiau-tio̍h ê耳环,比较khah正确应该是「鼻环」(参考创世记廿四:47)。这是迦南地人普遍ê一种装饰品,tī chit装饰品上有图腾,表示有神明保护in。

第28节,chit节说明tī基甸ê统治领导之下,以色列人民有长到四十年太平ê生活。

重新查询 专卷研经 士师记系列
错误回报,请联系comm[@]fhl.net