士师记 8章1节 到 8章12节   背景资料  上一笔  下一笔
Tī第七章有提起当基甸带领三百个士兵去对抗米甸人、亚玛力人等十三万五千大军ê时,后来mā有拿弗伊利、亚设、玛拿西,以及以法莲等支族ê人加入,甚至以法莲ê军队ê iáu俘虏了两个米甸人ê首领俄立kah西伊伯,并kā chit两位首领斩首了后,kā in ê头颅带到约旦河东案hō͘基甸。Chit-ê场仗thang用一句「大获全胜」来形容,因为这是上帝带领in,为in相刣chiah有ê结果。

续接第七章,这第八章讲tio̍h疏割城ê人bat因拒绝帮助基甸kah伊ê军队,结果基甸tī phah赢了后,回头来严厉惩罚hit-ê城。Á当基甸phah败敌人tńg来后,大家beh拥护伊出来做王ê时,伊拒绝,并且mā表示伊ê kiáⁿ孙lóng tio̍h拒绝,m̄-koh却无想tio̍h,基甸竟然要求以色列人民交出in ê金耳环了后,伊却用这重约二十公斤ê金耳环雕制了一座偶像,放伊ê家乡hō͘人民去膜拜,致使后来所有以色列人民弃sak了上帝,这是非常惨而且严重错误ê一件事。

Chit段记载以法莲族ê人对基甸比较晚通知in感觉不悦,以及后来基甸请疏割城ê人hō͘ in物资协助被拒ê tāi-chì。

第1到3节,因为以法莲人并无被拣选直接参与攻打ê行列,in对chit-ê tāi-chì有淡薄á有怨言。「抢功」,tú好讲出人ê软弱。基甸并无因为chit pái战役成功而居功,伊深知是上帝kah in同齐亲自作战。因为án-ne,伊用「我所做ê怎样ē-tàng kah lín相比」来满足以法莲人ê面子需求。Tī chia,基甸真聪明讲以法莲人已经掠了米甸人ê首领俄立kah西伊伯,这比基甸族人koh khah有功劳,只因为为chit句o-ló ê话,以法莲人就感觉满足。其实,若kā以法莲人ê事对照第十二章1到7节,就会明白以法莲人其实是真惊战ê,常常tī战场上「落走」。M̄-koh却欢喜抢功劳。

第4到6节,因为追phah米甸人siuⁿ过激烈,而且路程过远,致使基甸tī补给上出现困难,因为án-ne,伊tī来到疏割城ê时,这三百个兵丁已经是筋疲力倦,需要补给食物,因为这三百个人ê军队并m̄是为tio̍h beh远征á是长期抗战,却是为tio̍h beh突击。为tio̍h继续追逐米甸逃兵,tùi án-ne需要补给。就án-ne伊请求疏割城里ê人hō͘ in一kóa面包。M̄-koh疏割城ê人认为基甸并无掠tio̍h米甸王西巴kah撒慕拿,tùi án-ne拒绝hō͘ in任何补给。

Chia出现米甸首领ê名kah第3节所提ê无相仝,可能是因为资料无仝之故。
第7到9节,m̄-nā疏割城ê人拒绝基甸chit项请求,当基甸带兵继续往前追逐来到比努伊勒ê时,hit-ê城ê人mā同疏割城ê人回答仝款。这hō͘基甸大感愤怒,而决定等伊凯旋tńg来ê时,一定会消灭hit-ê城ê人,并且严惩疏割城ê居民。

第10到12节,chit段经文thang看出当时米甸等盟军共计有十三万五千人ê众,m̄-koh已经有十二万人阵亡,这是非常恐怖ê惨败。对照一下基甸ê军队只有三百人,二者之间ê cheng差chē kah四百倍,m̄-koh米甸盟军失败à。这koh一pái说明真正hō͘人phah赢ê,m̄是óa靠人ê气力,却是上帝。

重新查询 专卷研经 士师记系列
错误回报,请联系comm[@]fhl.net