Tùi第七章15节开始，直到第八章3节止，chit段经文是记载基甸第一pái带兵攻击敌人，chit pái出征差不多lóng是上帝带领，就ná亲像当年约书亚带以色列军队pôaⁿ过约旦河，进入耶利哥城仝款。上帝beh约书亚怎样做，伊就照做。结果攻打耶利哥城m̄免动一兵一卒就赢了（参考约书亚记第六章）。chit-má，mā是án-ne，上帝beh基甸带领ná拣选出来ê三百个人去进攻敌人军营，就hō͘敌人落荒而逃，而敌人数目之多是「像一阵草蜢hiah-ni̍h chē」。单单chit pái战役死亡ê人数高达十二万人ê chē（参考八：10），而基甸带领ê三百名以色列军人却是毫发无损，只不过是倦tah-tah kah iau饿而已。

第15到18节，因为听tio̍h米甸军营中ê兵丁ê对话，基甸终其尾坚定了信心，伊跪落来敬拜上帝。然后tńg来到军营中对ná三百人讲，上帝chiâⁿ实kā敌方交hō͘ in三百人à。伊续落来kā chit三百人编列成三队，每队一百人，每一个人手中lóng有一只号角、一个瓶子，kah一支火把等三样装备。然后伊提醒这三百人，跟tòe伊做，并且tio̍h大声hoah：「为上主！为基甸！」

第19到22节，tùi chit段经文就thang清楚看出，其实是上帝激动了米甸联军ê军营兵丁互相残杀。基甸下令攻击ê时间是tī夜间，使用ê方式，就是先tī米甸等联军ê军营边缘，kā瓶子击碎，然后倒手the̍h火把，正手the̍h号角吹号，同时大声呐teh-hoah：「为上主杀敌！为基甸杀敌！」因为是tī夜间，看bē清楚状况之下，米甸等联军忽然听tio̍h pûn号筒kah呐喊ê声音，heⁿh惊kah处乱窜，而严重ê情形就是彼此残杀。因为tī深夜，根本分无清楚敌我。

第23到25节，chia讲拿弗伊利、亚设，kah玛拿西等支族ê人lóng出来协助tui-jiok米甸人，chit时基甸mā去号召以法莲支族来参与chit项追击米甸人ê行列。