Chit段经文说明基甸一直beh明明确知影，上帝是m̄是真正有拣选伊当士师。因为án-ne，tī chit段经文中，基甸用两种方式来了解上帝ê旨意。

第33到35节，chia提起米甸人联合亚玛力人，kah旷野ê部族会师，准备ài攻击以色列人民。Chit时chūn，上帝ê灵临到基甸，伊除了召集家己ê族人外，mā派人去召集玛拿西族人、亚设、西布伦，kah 拿弗伊利等支族ê人同齐kah伊会合，准备ài kah米甸联盟对抗。这mā teh表示，是因为有上帝ê灵kah基甸同在，chiah hō͘伊有力量抵抗外族人联盟侵犯以色列人民。

第36到38节，这是基甸第一pái测试，beh了解上帝是m̄是真正差遣伊。结果出现ê异象是真实ê。M̄-koh伊并无确定所显示出来ê兆头，就án-ne要求上帝koh再hō͘伊第二pái ê兆头。

第39到40节，是基甸第二pái测试，结果mā是肯定ê答案。