士师记 6章1节 到 6章24节   背景资料  上一笔  下一笔
Tùi第六章开始直到第八章止,主要lóng是teh叙述士师基甸做以色列人民ê领导者ê情景。

Chit段经文是讲述基甸受tio̍h上帝呼召出来带领以色列人民,而成做士师ê经过。

第1到6节,chit段讲述米甸人赢过以色列人民ê情况。主要原因ná亲像头前已经叙述过ê,是以色列人民背叛上帝ê缘故。米甸人伙同亚玛力人,以及tī旷野ê游牧民族联合起来攻击以色列人民,hō͘ in m̄-nā无法度掖种,连家禽动物lóng被chiah-ê人夺行。第6节讲以色列人民tú-tio̍h困境、苦难,就出声求告上帝。Chit种例Tī圣经中俯拾to̍h是得。Chit种写法,就是记载讲述士师出现ê主轴。

第7到10节,chit段经文说明chit pái真无仝款,先差派一位先知去kā以色列人民讲,为甚么上帝hō͘ in受tio̍h外族入侵ê苦难,原因是in一再弃sak上帝,去拜迦南地ê神明,不听从上帝ê话语,chiah会有chit种苦难ê结果出现。

第11到12节,chit两节绍介基甸ê家世背景。上帝ê天使来到基甸ê厝ê橡树下,hit时基甸正偷偷á tī kek酒池phah麦á。天使呼叫基甸。

第13到19节,chit段经文是上帝kah基甸讲话ê经过,描述上帝怎样回应基甸所提出ê问题—如果有上帝同在,以色列人民为甚么会受tio̍h米甸人ê欺负。

Koh讲,当上帝呼召基甸出来带领以色列人民ê时,伊承认家己是玛拿西支族中siōng弱小ê宗族,mā是厝里siōng不重要ê人。Chit种情形ná亲像扫罗被先知撒母耳膏立为第一位以色列君王ê时所讲ê话(参考撒母耳记上九:21)。M̄-koh上帝iáu是坚持beh伊出来带领以色列人民抵抗米甸人ê侵犯。圣经ê作者提供一个非常重要ê认bat:只要有上帝同在,人看做siōng软弱ê,却是siōng坚强ê(参考哥林多前书一:21-25)。Koh讲,上帝beh选召ê奴仆是谦卑ê,m̄是家己认为坚强、伟大ê人。

第20到21节,上帝hō͘基甸所准备ê食物,用特别ê方式kā它「烧尽」,然后天使就消失无看tio̍h,上帝以此方式来hō͘基甸知影,他ê呼召是真实ê。

第22到24节,基甸一发见家己bat面对上帝,吓到à,因为人一般是无法度面对面见tio̍h上帝(参考创世记十六:13、三十二:30,出埃及记三十三:20),m̄-koh上帝保证bē因为án-ne hō͘基甸丧命。为tio̍h án-ne,基甸建造一座祭坛敬拜上帝。

重新查询 专卷研经 士师记系列
错误回报,请联系comm[@]fhl.net