士师记 5章1节 到 5章31节   背景资料  上一笔  下一笔
这是一首o-ló诗歌,每pái以色列人民战争得胜ê时,就会吟诗唱歌o-ló上帝(参考出埃及记十五:1-18,民数记廿一:27-30)。Chia讲吟唱chit首诗歌ê是底波拉kah巴拉,in带领以色列人民吟颂chit首诗歌o-ló上帝。

Tī chit段诗歌中,主要teh说明以色列人民并无军队编制,lóng是为tio̍h beh应付外来敌人ê侵犯,有临时志愿军成立。M̄-koh只要有上帝同在,就算tī án-ne临时成军ê状况下,上帝iáu是会帮助óa靠他ê人。

第1到3节,诗歌ê开始,就是tùi o-ló上帝、颂赞上帝讲起。

第4到5节,只要有上帝介入ê行动,听tio̍h ê人lóng会惊惶,chia用「大地震撼、天空落雨,云层倾倒雨水」chit种话句来形容天地变色ê意思。意思是teh指无任何人不惊惶上帝来临ê。

第6到8节,chit三节表示以色列人民tī迦南王耶宾残酷暴虐统治之下,teh过非常悲惨ê生活。因为耶宾ê关系,商队m̄敢入来kah以色列人民贸易,城市荒凉。Á第8节mā讲出士师时代以色列人民ê真正ê问题,就是弃sak耶和华上帝,结果四万名军队无一个活落来ê。所谓「四万」mā thang指「全军」ê意思。Án-ne thang表示:若是以色列人民弃sak上帝,就算ē-tàng聚集chē kah四万军兵mā是枉然。

第9到11节,m̄-koh因为有底波拉ê带领,原本会溃败ê以色列军队,开始有无仝ê样式出现。因为底波拉带领以色列军队phah败迦南王耶宾ê统治。Chia所谓「骑白驴á ê、坐tī马鞍上ê」,这lóng是teh指社会领袖,而「步行ê」,则一般平民。因为是凯旋归来,大家不分阶级,纷纷行到城门口去迎接。

第12到18节,tī chit段诗歌中thang清楚看tio̍h出征ê代表,除了第四章10节提起ê西布伦kah 拿弗伊利两支派外,iáu包括了以法莲、便雅悯、以萨迦等支派lóng有派出志愿军参与chit场战事。不过mā同时讲出吕便、迦得、亚设,kah m̄-koh等支族ê人并无加入,这mā说明以色列人民之间彼此ê不和谐,chiah-ê支派ê人无积极参与chit pái ê战役,反tńg是西布伦、拿弗伊利族ê人「拼死奋斗」。这tú好说明约旦河东岸kah西岸两pêng ê族人,彼此之间已经有裂痕。Chit件事thang参考约书亚记第廿二章10到34节有关河东ê吕便、迦得、东玛拿西支族ê人建造一座祭坛ê事件。

第19到22节,chit段诗歌说明战事ê经过,主要teh说明无论拥有jōa-chē军队、装备,若m̄是上帝允准,有chiah-ê精锐部队,mā是无济tī事。因为上帝会救助祈求他ê人。

第23节,chia提起「米罗斯」chit座城,这是设tī 拿弗伊利境内ê城镇之一。Chit节已经teh表示:凡是kah以色列人民有关ê战争,如果有人拒绝á是怠慢参与,lóng受到à严厉ê惩罚。这mā是teh表示无一场战争,有其他ê族群thang袖手旁观(参考八:15—17、廿一:5—10)。

第24—30节,chit段诗歌是描述雅亿刣死西西拉ê经过。雅亿受tio̍h o-ló ê程度,tú好kah西西拉ê老母teh等待伊kiáⁿ「迟迟未归」ê心境呈现强烈ê对比。

第31节,chit节thang看见因为有底波拉成做以色列人民ê士师,hō͘以色列人民享受长到四十年ê太平。


重新查询 专卷研经 士师记系列
错误回报,请联系comm[@]fhl.net