士师记 4章1节 到 4章24节   背景资料  上一笔  下一笔
Chit章kah第五章lóng是讲tio̍h以色列第四位士师底波拉,以及以色列ê将军巴拉ê事迹。Chit段mā是记载以色列人民kah迦南人之间ê战争。

Chit段经文记载女先知底波khiú出来领导以色列人民ê经过。

第1到3节,第1节kah第三章7、12节是士师记siōng重要ê一句话。Chìn前以色列人民bat被古珊・利萨田统治八年,然后tī摩押人手下痛苦过了十八年ê奴隶生活。chit-má则被迦南王耶宾压制长到二十年,chia特别强调讲耶宾是用「残酷暴虐」ê手段统治以色列人民,hō͘ in无法度忍受,只有ē-tàng求助上帝ê帮助。

第4到5节,底波拉,伊是第一位女士师,mā是士师记中唯一ê女士师。伊ē-sái讲是一位真优秀有淡薄á受尊重ê「司法官」,以色列人民lóng请伊「主持公道」(第5节)。

第6到7节,有一工,底波拉得tio̍h上帝ê启示,ài伊去chhōe巴拉来带领以色列人民对抗迦南王耶宾。巴拉,chit-ê名ê意思是teh指「sìh-nà」。

第8到10节,巴拉ê回应条件是beh底波拉答应kah伊同齐去作战。就án-ne in同齐带领以色列民族中ê「西布伦kah 拿弗伊利」这两支族ê人去应战。

第11节,chit节是为第17到22节先埋一个案底,主要teh说明kah摩西有亲属关系ê基尼人希百。希百ê bó͘雅亿设计刣死迦南王耶宾ê大将西西拉之经过。基尼人是kah以色列人民关系非常密切ê游牧民族。

第12到16节,耶宾ê手下大将西西拉派出精锐部队准备ài攻击巴拉。M̄-koh巴拉率领ê以色列军队因为有上帝同在,因为án-ne,真紧to̍h kā西西拉ê军队phah败,hō͘伊全军覆无。

第17到22节,西西拉tī战败中逃脱,逃到希百ê bó͘雅亿ê帐棚去bih起来。就tī帐棚里,雅亿用简单ê武器「锤子kah木钉」kā西西拉刣死。

士师记ê作者用chit种方式teh表示:面对siōng残酷ê统治者,上帝用hō͘人看起来siōng软弱ê cha-bó͘人—雅亿,伊只不过是一位家庭主妇,却ē-tàng用siōng简单ê武器—「锤子kah木钉」,chit种家庭五金用品,phah死一位bat指挥九百辆铁战车kah所有军队ê指挥官。雅亿为tio̍h帮助以色列人民,kā耶宾ê统帅西西拉除掉。因为chit pái ê战役,以色列人民享受了四十年太平ê日子(五:31c)。

第23到24节,mā是teh回应第三章1节,表示上帝透过留落来ê迦南人原住民,训练以色列人民会晓战事技巧。就án-ne,以色列人民虽然人少,m̄-koh却是越战jú勇。

重新查询 专卷研经 士师记系列
错误回报,请联系comm[@]fhl.net