士师记 3章12节 到 3章31节   背景资料  上一笔  下一笔
Chit段经文是绍介第二位士师以笏,伊是「便雅悯」支族ê人。Chit-ê族ê名称tī字面上有「右方之民」ê意思,因为in是khiā起tī亲族「以法莲」ê南部,南部是tī正手边。换句话讲,当做者用以笏人「习惯用倒手」chit句话ê时,已经teh说明以笏是去做一件「根本就是无可能达成ê任务」。

第12到14节,上帝惩罚以色列人民ê方式,就是hō͘敌人强壮,chit pái上帝hō͘摩押王伊矶伦比以色列强盛,结果摩押王就联合亚扪人kah亚玛力人来攻打以色列人民,就án-ne,以色列人民臣服tī摩押人统治之下长到十八年。

第15到19节,上帝拣选以笏,伊就去phah一支「两刃ê剑」缚tī右腿上,用衫裤遮盖起来,然后带tio̍h礼物去见统治者摩押王伊矶伦,讲有件机密ê事tio̍h单独会面。

第20到25节,以笏就利用chit种单独会面ê机会,暗杀了摩押王伊矶伦,然后逃走。

第26到30节,以笏利用摩押王伊矶伦死去,无人带领ê时,率领以色列人民奋勇对抗摩押人,终其尾phah败摩押人,就án-ne,解救以色列人民脱离摩押人ê统治。Hō͘ in ê民族享受长到八十年ê太平。

珊迦是第三位士师,mā是一位能力真特别ê士师,真亲像参孙有特殊能力ē-tàng退敌。伊ē-tàng用手the̍h「一条赶牛ê刺棒phah死六百个非利士人」,chit种「刺棒」是长条形ê木棒,通常mā用来清洁犁头。

重新查询 专卷研经 士师记系列
错误回报,请联系comm[@]fhl.net