约书亚记 9章1节 到 9章15节   背景资料  上一笔  下一笔
Chit章记载迦南地ê族群联合起来抵抗以色列人。In会án-ne联合起来,是因为耶利哥城kah艾城已经沦陷,而且in听过有关以色列人脱离埃及人,经过红海、约旦河ê神奇事件,因为án-ne,tī in看起来,只有想办法chiah ē-tàng抵挡会tiâu chit-ê tī in看起来是真奇怪ê民族攻势。Á事(tāi)先出招ê是tòa tī基遍地方ê希未人。In采用ê方式就是用「欺骗」ê方法,hō͘以色列人kah约书亚相信in编造ê白贼。虽然后来约书亚发见基遍人欺骗伊,m̄-koh并无杀害in,却是hō͘基遍人成做以色列人ê奴隶。这mā是第一pái以色列人tùi过去作埃及人奴隶,变成拥有奴隶ê族群。

Koh讲,作者mā用chit章经文说明一个重要ê信仰态度:若用上帝ê名chiù-chōa,就一定tio̍h严格遵守所chiù ê chōa言。

当以色列人进入迦南地,phah破耶利哥城,续落来毁灭了艾城,这hō͘迦南地ê居民kah族群大大惊惶不安,in决定beh先采取行动。

第1到2节,chia列出六个迦南地ê族群,包括有赫人、亚摩利人、迦南人、比利洗人、希未人、耶布斯人。另外mā讲tio̍h北边ê黎巴嫩人听tio̍h chiah-ê消息而大tio̍h惊。因为án-ne,in决定beh联合起来对抗以色列人。

第3到6节,tāi先出手来kah约书亚交手ê,就是tòa tī基遍地方ê希未人。In其实是tòa tī艾城ê附近,却骗约书亚讲in是来自真远ê所在。为tio̍h beh欺骗约书亚kah以色列代表,故意用发霉ê饼,会漏ê酒袋,以及破旧ê衫裤,来掩盖(khàm)in是附近ê居民,in希望博取约书亚ê同情并表示in期待kah以色列人签订和平条约。

第7到13节,因为摩西交带in进入迦南地了后,tio̍h消灭希未人(参考申命记二十:17)。为tio̍h beh避免被以色列人像对待耶利哥城kah艾城ê人民仝款,因为án-ne,in表示来求和 ê,并无希望受tio̍h武力ê侵犯。

第14到15节,以色列人无询问上帝,就收下了in带来chiah-ê已经腐pháiⁿ ê食物kah礼物,并且kah基遍人订立了「友好条约」,发重誓不杀害in。

重新查询 专卷研经 约书亚记系列
错误回报,请联系comm[@]fhl.net