Chit段经文是teh回应申命记第廿七章1到8节ê命令，tio̍h以色列人渡过约旦河后，tī一块无凿过ê石头壳顶献祭hō͘上帝，并且tio̍h khiā立一块石头，涂上石灰，tī顶面写上「律法kah教示」。约书亚lóng确实按照摩西所交带ê方式起造祭坛。

第30到31节，「以巴路山」，这是今á日ê 拿布勒斯（Nablus），mā就是示剑北边ê山。约书亚tī chia照摩西指导ê方式建造一座祭坛，就是「用未经铁器凿过ê整块石头筑造祭坛」，用此表示纯洁、圣洁ê意思。建祭坛是beh献祭hō͘上帝，因为in phah了胜仗。

第32到33节，然后kā摩西律法重新写tī石头壳顶，这是根据申命记第廿七章3节所记载ê去做。然后koh将人民分做两队，将约柜khǹg tī中间，表示kah上帝立约ê意思。

第34到35节，就teh献祭后，约书亚当tio̍h以色列人面前，koh一pái宣读上帝颁布hō͘摩西，koh再由摩西转hō͘以色列人ê律法、诫命hō͘大家听。