Chit段经文是第三到四章ê总结，说明以色列人民只因为上帝行神迹带领in渡过约旦河达tio̍h西岸，就震撼了当地原住民ê心，hō͘ in胆怯心惊。其实，chiah-ê lóng tī说明只要听从上帝ê命令做tāi-chì，性命就有保障。

第19节，chia ê「正月初十」，tú好是出埃及记第十二章3节所提起，teh过Pôaⁿ过节前夕宰杀羊羔ê日子。这mā表示是以色列人民离开埃及到进入迦南地，整整四十年时间。In pôaⁿ过约旦河进入迦南地ê第一个所在—吉甲。

第20到24节，koh一pái强调立十二块石头做记念碑ê用意，就是beh hō͘后代kiáⁿ孙永远会记得上帝施行伟大神迹拯救in ê恩典，以及十二支族联盟连结做伙不分离ê意思，并且用chit种方式教导kiáⁿ孙tio̍h知影敬畏上帝。

第五章1节，当迦南地ê住民一听tio̍h以色列人民ē-tàng顺利行过约旦河，而且tī河水高涨ê时chūn，安然行过，hō͘ in lóng感觉非常ê大tio̍h惊，吓到「魂不附体」。这mā回应了早年以色列人民惊惶进入迦南地ê心境，甚至bat讲上帝带领in出埃及是错误，in会被迦南人杀害等，过去hiah-ê去迦南地窥探ê探á所回报ê 错误谣传lóng被完全戳破。这mā是为甚么当年摩西派出ê探á 回报讲，当地ê人真koân大，根本无法度kah in相刣ê时，引起上帝极大ê受气，准备用瘟疫惩罚in，后来iáu是因为摩西ê恳求、代祷，上帝chiah息怒，m̄-koh，上代祖先chit种对上帝m̄信ê结果，换来得tio̍h ê是「二十岁以上ê人，无一人进入hit所在」（参考民数记第十四章），原因是上帝bat tī in中间行过真chē神迹，m̄-koh in却无将chiah-ê神迹所带来ê信息、意义记tiâu-tiâu。chit-má，in ē-tàng亲目看见、亲耳听见迦南地ê居民虽然外表体型高壮，城墙坚固，m̄-koh这并m̄是问题，只有上帝ê同在，chiah是性命ê气力kah保障。Chit节mā同时回应了第二章9节喇合对两个探á所讲ê话：「我知上主已经 kā chit-ê 地赏赐 hō͘ lín，koh 因为 lín ê缘故阮lóng 真惊。所有tòa tī chit 所在ê 人民，tī lín ê 面前lóng 失胆。(全民版)」