Chit段经文记载除了吕便、迦特，kah半支玛拿西ê勇士，kah其他所有以色列人民外，in准备四万名ē-tàng相刣ê军队准备作战，好保护以色列人民。

第8到10节：「约书亚mā tī约旦河中」，chit句话说明约书亚就是领导者，领导ê人一定tio̍h行tī头前。特别注意ê，是有十二块石头，表示所有支族ê人同心协力，却m̄是凸显某一个支族出力多，是大家共同努力ê成果，而且tī约书亚ê命令中完成。Chit种用石头立碑做记号ê方式，tī创世记中mā是一再出现，亲像：雅各tī伯特利梦中看见天梯，有上帝ê天使tī梯ê顶下往来，睡醒后就用石头作碑做记号（参考创世记廿八：18）；拉班kah雅各立约后，mā是用石头立碑做记号（参考创世记三十一：41—53）。

第11到14节，chia特别强调吕便、迦特，kah半个支派ê玛拿西族人ê勇士，是行tī头前。这hō͘以色列其他支派ê人知影，in确实有照所立ê约定去做，并无lám-nōaá是怠慢应该有ê责任。这mā是teh回应十二块石头立碑ê用意。

Mā因为ē-tàng顺利行过约旦河，hō͘全体以色列人民感受tio̍h，ná亲像in早年祖先行过红海仝款，对约书亚ê尊敬kah对摩西ê态度仝款。

第15到18节，因为是上帝亲手挡tòa约旦河chhoah流ê水流，河水chiah会停止无振动。chit-má上帝beh约书亚命令所有祭司将约柜扛上岸，当in ê脚一上岸，上帝ê手就缩tńg来，chit时，约旦河ê河水koh开始chhoah流流动à。