约书亚记 22章1节 到 22章9节   背景资料  上一笔  下一笔
第廿二章到廿四章,是属tī附录,这三章mā是约书亚时代ê结束。Án-ne,tùi出埃及ê时代ê摩西开始,直到约书亚带领以色列人民进入迦南地,就tī约书亚记完成以色列民族ê运动,这运动ē-sái讲是「政治」性ê,是tùi被奴役到解放,得tio̍h自由ê运动。M̄-koh khah正确ê讲法是:出埃及乃是非常典型ê「宗教改革」运动,是hō͘以色列人民因忽略了in祖先亚伯拉罕、以撒、雅各kah上帝之间所立ê约,而成做奴隶受苦,因为án-ne,出埃及记第二章以色列人民处tī「经过真chē 年了后,埃及王死。以色列人因为做苦工,就吐气大声hoah,上帝听tio̍h in 做苦工大声hoah ê 声。上帝听tio̍h in ê 哀声吐气,上主就想起他kah 亚伯拉罕、以撒、雅各所立ê约。上帝看顾以色列人,上主mā 知影in ê tāi-chì。(全民版)」(出埃及记二:23―25),然后,tī约书亚记第廿一章结尾用「上主坚守伊向以色列人民所下ê一切诺言」作结束。

这「诺言」是teh指上帝bat应允beh kā迦南ê土地赐hō͘亚伯拉罕(参考创世记十五:18―20),mā bat án-ne应允过以撒(参考创世记廿六:3),chit种应允mā tī雅各ê身上出现(创世记廿八:13―15)。这mā就是为甚么有kóa圣经学者欢喜将约书亚记看做是「六经」ê原因,认为约书亚记mā是继续teh讲述上帝kah以色列人之间约ê关系之经册。

Chit段经文thang对照第一章12到18节,以及民数记第三十二章,约书亚照chìn前摩西ê应允,而且伊家己mā bat答应过ê事,hō͘吕便、迦得kah玛拿西ê半个支族ê军队tńg去in已经分得ê土地—约旦河东岸。

第1节,这是约书亚带领以色列人民进入迦南地,并且teh完成占领迦南kah分配了土地了后,伊主动召集吕便、迦得,kah东玛拿西等三个支族ê人来讲关系in tńg去所分配ê土地约旦河东岸ê tāi-chì。

第2到5节,约书亚肯定chit三个支派ê人,确实是遵照所立ê约做tāi-chì,谨慎遵行上帝所命令ê事,并且无弃sak家己ê同胞。因为án-ne,伊宣布这三支族出来协助征战ê,lóng thang平安tńg去,并且勉励in一定会遵守上帝hō͘ in旨意、命令,专心一意遵行上帝ê旨意。

第6到9节,chit三个支族确实遵照in chìn前所约定ê,kah其他支族ê人同齐攻打迦南地,并且占领了hi̍t 所在,hō͘其他支族ê人mā thang得tio̍h土地khiā起,虽然有一部分土地iáu未得tio̍h,m̄-koh,约书亚认为in已经尽了责任,因为án-ne kā in遣tńg去,并且祝福in。作者tī chia强调ê是,in m̄-nā带tńg来了约书亚ê祝福,mā带tńg来了真chē战利品tńg去厝里乡去,类似in祖先早年出埃及ê时chūn仝款。其实,in ē-tàng án-ne tńg去,mā teh表明in确实是照约书亚ê命令而tńg去ê。

重新查询 专卷研经 约书亚记系列
错误回报,请联系comm[@]fhl.net