约书亚记 18章1节 到 18章10节   背景资料  上一笔  下一笔
Chit章thang分做两个部分来看,一是1到10节有关分配土地hō͘其他支族ê人ê事。二是第11到28节记载分配给便雅悯支族ê土地范围。

Chit段经文作一个简略序言,说明分配给其他支族ê土地。Tī头前讲述分配土地ê事,地点是tī吉甲(参考十四:6),chit-má讲述其他七个支族分配土地,地点就是tī示罗(第1节)。

第1到3节,tī第1节真清楚说明「示罗」就是设立「圣幕」ê所在,mā就是敬拜ê中心,一直到扫罗时代lóng是。M̄-koh另外一件隐藏tī以色列人心中ê事,就是in kah-ná并无啥烧热衷tī开疆辟地,这可能牵扯到chiah-ê比较小ê支族们可能有ê想法:若是按照人口分配土地,in就算拼命,m̄-koh所得ê却是比其他支族ê小。因为án-ne,并无啥想koh再继续「为别人」拼命,kan-taⁿ想beh家己安身立命。

第4到7节,就án-ne约书亚要求这七支族各派三位代表去测量土地,然后回报,约书亚将chhun落来土地分做七份,然后koh再以抽签ê方式分配土地hō͘这七支派。第十八章7节koh一pái强调利未人无法度分配土地,m̄-koh tī第廿一章则清楚记明,利未族人ē-tàng tī各族群中得tio̍h城市khiā起,而且ē-tàng拥有家己ê产业。换句话讲,利未族人是分散tī每一个族群中。

第8到10节,chiah-ê支派ê人听从约书亚ê吩咐,派人去勘查地形,绘制地图hō͘约书亚,in勘查ê时mā kā所有ê城镇lóng列名造册,带tńg来示罗见约书亚。

重新查询 专卷研经 约书亚记系列
错误回报,请联系comm[@]fhl.net