Chit段经文记载以法莲kah玛拿西两个支族ê人去chhōe约书亚，要求koh khah chē ê土地，原因是in感觉家族ê人口众多，所分配到ê土地太小。照民数记第廿六章记载第二pái户口普查ê时chūn，这两家族统计加起来ê人数，就是所有族群中siōng大族，共有85,200人。因为án-ne，in做伙去chhōe约书亚，而约书亚则hō͘ in一个功课，ài in去将「比利洗人kah利乏音人」赶出所khiā起ê山区，这就表示hit所在区iáu未占领，尤其是「迦南人拥有铁车，势力强大」，chit句话清楚说明，为甚么以色列人tī迦南地「iáu有广大ê地区无征服」（参考十三：1）ê原因。约书亚án-ne讲，其实是明显了：如果感觉族大人chē，就去征服hiah-ê iáu未投降ê迦南地人，家己开拓疆域。