Chit段经文是犹大支族ê领袖迦勒得tio̍h希伯仑土地ê经过。

第6到8节，chit段经文thang参考民数记第十三章3到15节，摩西派各支族代表去窥探迦南地ê时，迦勒就是其中ê一位，伊是属tī犹大支族ê基尼洗人耶孚尼ê kiáⁿ，kah约书亚是同时被派去ê人。伊kah约书亚两人lóng是全力支持beh进入迦南地ê。Chia非常重要ê是，迦勒提起hit时伊已经四十岁。

第9到10节，伊kah约书亚提起摩西当年因为伊全力支持进入迦南地，而hō͘摩西赏识，进一步koh决定将希伯仑城分配给伊作产业（第13节）。第10节chia提起迦勒tī四十岁hit年跟tòe摩西，tī旷野漂流四十年，到八十五岁ê时chūn会得thang进入迦南地。Án-ne看起来，约书亚攻打迦南地大约有五年ê时间。迦勒属tī犹大支族，伊tùi约书亚得tio̍h祝福，分配了希伯仑城，然后第十五章koh另外记载犹大支族分配ê土地，可见犹大支族所分配到ê土地比较多。

第11到12节，迦勒请求约书亚hō͘伊分配希伯仑城作产业，若是hit-pêng lóng是亚衲族巨人khiā起ê所在，目前伊身躯iáu强壮，ē-tàng攻打。这表示虽然亚衲巨人bat hō͘ hiah-ê kah迦勒、约书亚同齐去窥探ê其他支族代表感觉惊惶，m̄-koh迦勒iáu-koh表示伊并无担忧，既然上帝应允，就会替伊将chiah-ê亚衲巨人赶出去。表示伊对上帝ê信心无改变。

第13到15节，就án-ne，约书亚照迦勒所请求ê将希伯仑城分配给迦勒，伊mā带tio̍h家族顺利占领hit-ê城。