Chit段经文mā thang看出作者ê笔法，ná亲像出埃及记作者ê笔法仝款：ē-tàng hō͘国王心硬ê是上帝。Án-ne笔法所表达ê本意是：有甚么人ē-tàng hō͘埃及国王án-ne心硬？除了上帝敢hō͘ chit种自傲心真强ê领导者受气以外，iáu有甚么人有chit种能力？因为上帝ài摩西带领以色列人出埃及，chit对kui个埃及帝国是非常大ê损失，mā是造成国家经济大乱ê一件事，甚么人有chit种能力造成án-ne大ê损失？当然只有上帝。Chia tī第20节所用ê「上主hō͘ hiah-ê城ê人决心kah以色列做对」，写法ná亲像出埃及记所写ê仝款。特别是tī第10节记载「hit时夏琐是所有王国中siōng强大ê」，就kah当年摩西带领以色列人出埃及ê时，埃及帝国是当时kui个中东地区siōng强大ê帝国仝款。人往往tī自认为军事武力强大ê时，就会看bē起上帝所带领ê「弱小」族群，án-ne chiah是造成灭亡ê主要因素。

第16到20节，讲述约书亚带领以色列军队占领迦南地ê区域范围，并且强调kui个迦南地区ê族群，只有基遍人聪明，知影kah以色列人讲和，签订和平条约，因为án-ne chiah免tī受难。「其他ê lóng被征服à。」

第21到22节，特别提起巨人族亚衲，其实mā是teh回应民数记第十三章22节、28节、33节等等，当年摩西派去窥探tńg来ê探á，lóng表示对该族群真惊惶，chit-má作者讲亚衲族无甚么好惊ê，tī上帝带领下，以色列ê军队将巨人族亚衲hō͘消灭了，并且消灭殆尽，tī以色列统治区内无残留落来ê。

第23节，说明kui个征服迦南地ê战争就此结束，约书亚tùi第一pái扛约柜phah前锋进入耶利哥城，紧续落来tī上帝ê指示下进攻艾城，kah五王联军对敌，以及kah其他王国联盟对抗等，lóng得tio̍h胜利，就此达成以色列人出埃及，经旷野进入迦南地ê愿望。约书亚照chìn前ê约定，由以色列各支派推出代表参与分配土地事宜（参考民数记三十四：16—29）。Chit节mā ē-sái讲是以色列人正式进入迦南地，占领了上帝应允in khiā起ê土地。M̄-koh事实上并m̄是完全，因为iáu有kóa需要征服ê所在。