约翰福音 8章48节 到 8章59节   背景资料  上一笔  下一笔
当耶稣对hiah-ê信伊ê犹太人讲in并m̄是真实认bat伊,并且指出in ê问题,是因为属tī「魔鬼ê kiáⁿ」时,in kah-ná起受气。认为耶稣是「撒马利亚人, 并且有鬼附身」,chit句话ê意思真特别,因为当时讲一个人是「撒马利亚人」时,意思就是讲chit-ê人「bē见笑」、「无信而且不忠」ê人,因为犹太人认为撒马利亚人对上帝不忠实,kah外国人结婚,污秽了上帝拣选ê恩典。撒马利亚人另外一个含意是teh指「混血ê人」,tī犹太人眼中是「无清气」ê族群。

In指耶稣是hō͘ 鬼附身,tī前三本福音书中,记载犹太人领袖看tio̍h耶稣医病、赶鬼ê神迹后,看tio̍h众人lóng用欣慕ê眼光teh回应耶稣ê疼时,马上就tī众人面前讲 耶稣是「靠鬼王别西卜赶鬼ê」(马可福音三:22)。chit-má耶稣被指有鬼附身,是因为伊强调「永远不死」ê性命,以及伊讲家己比亚伯拉罕koh khah伟大,甚至koh khah早 存在。Chit种讲法tī当时ê人听起来当然无法度接受,莫怪in m̄-nā认为伊是hō͘ 鬼附身,而且kā伊ê讲法当做是亵渎了祖先ê荣耀,所以想beh the̍h石头phah伊。其实第58 节mā是teh反应第一章1节所讲ê:「宇宙被造以前,道已经存在。道kah上帝同在;道就是上帝。」

重新查询 专卷研经 约翰福音系列
错误回报,请联系comm[@]fhl.net