约伯记 9章1节 到 9章35节   背景资料  上一笔  下一笔
Chit章kah十章是约伯回答比勒达劝勉ê话。其实,tī第八章记落来比勒达ê话并无chē,而约伯ê话ē-sái讲是真长,hō͘读者有种感觉:kah-ná比勒达ê话kah-ná无tī约伯ê心中产生任何影响,颠倒是约伯想beh想beh说服比勒达,thang hō͘比勒达了解伊ê想法。

Tī chit两章中,thang分做下列几个段落来看;一是第九章1到24节,这是约伯回答比勒达ê话;二是第九章25到33节,是约伯对家己性命ê感受;三是第九章34到第十章22节,是约伯对上帝ê呼喊。这mā是约伯记ê特色,只要一有机会,约伯就会直接向上帝呼求,因为伊深知上帝chiah是性命ê主宰,而人tī上帝面前,性命是非常脆弱ê。

Tī chit章中,mā thang看tio̍h约伯对家己目前ê现象确实真不满,伊提出一个问题:甚么人thang做上帝kah伊之间ê仲裁者?换句话讲,约伯对伊chit两位朋友ê讲词感觉不满,因为并m̄是伊m̄知上帝ê伟大kah公义,其实伊想讲ê是:chit两位朋友一再指责伊,讲伊得罪上帝,伊认为这并无尽然lóng对,因为tī伊身上发生ê苦难,并m̄是因为伊犯罪。因为án-ne,伊希望有公正者thang出来为伊ê遭遇评评理。M̄-koh伊mā知影这是无可能ê事,因为上帝ê伟大是无庸置疑ê,无人ē-tàng赢过上帝,ē-tàng担任上帝kah人之间ê仲裁者。伊认为唯一ê可能性,就是上帝mā成做人,án-ne,上帝就会清楚伊ê境遇kah状况,约伯认为án-ne伊就ē-tàng kah kah上帝以「同等身分kah地位」,tī上帝ê法庭中公开辩论(参考九:32—33)。

第1到3节,约伯听比勒达ê回应后,伊真是急kah挡bē-tiâu,beh赶紧回答比勒达所讲ê话。伊虽然m̄是真欢喜比勒达所讲ê话,m̄-koh伊mā承认比勒达所讲ê话中有可取ê所在。因为án-ne,伊讲比勒达所讲ê,伊lóng知影。Á约伯ê问题是:若是上帝一定会帮助纯洁ê人,án-ne,tī chit世间有甚么人是上帝眼中纯洁ê人,hō͘上帝愿意在伊面临苦难ê时chūn,伸手帮助?约伯表示无人有chit种能力ē-tàng kah上帝相争辩,因为人thang提出一个问题,上帝却ē-tàng提出「千百个问题」;人认为家己受tio̍h冤屈,m̄-koh上帝认为无冤枉。Án-ne,tī上帝kah人之间对「公义」ê认知,相差就有上千倍ê距离。

第4节,chit句话为第5到10节ê chit首讲述上帝大能ê o-ló诗歌,做一个踏话头。Chit节mā为后来第三十八到四十一章,描述上帝创造ê kui个宇宙万物ê奇异景象,预先做一pái宣告。伊讲上帝「大智大能」,意思是teh指上帝创造ê奥秘,大大超过人类ê智慧所ē-tàng理解。人无法度明白上帝创造ê奥秘,mā无法度想像到底是怎样创造ê。「甚么人ē-tàng抗拒伊而生存」,chit句话mā回应了比勒达tī第八章13节所讲ê,人只要一「bē记得上帝,希望就幻灭」。

第5到6节,tī第5节讲「挪移大山」,然后是第6节ê「大地振动」,这是tī上帝所创造ê宇宙中,约伯想tio̍h ê第一个「奥秘」。续落来讲tio̍h「大地ê支柱」,这是以色列文化ê宇宙观,认为上帝创造ê天kah大地,lóng有四根大柱子支撑tio̍h,mā就是kui个宇宙ê「四极」ê意思。因为án-ne,当「大地ê支柱」摇动ê时,kui个大地就会亲像地动仝款摇晃。约伯讲上帝「摇撼大地ê支柱」,大地动就会出现,人随时会感受tio̍h性命ê威胁。

    第7到10节,头前两节提起上帝怎样主宰tio̍h人类所khiā起ê大地,而tī第7到9节则说明上帝是空中ê指挥官,所有ê星辰lóng听他ê命令运转。当约伯讲是上帝hō͘「日头升bē起来」、「星发bē出光辉」,已经真清楚teh表明除了上帝以外,无任何一个人有chit种奇妙ê能力,连阳光、星辰lóng得听他命令(参考以赛亚书十三:10),这是上帝奇妙ê作为,只有他chiah ē-tàng kā chiah-ê星辰、月娘、日头等等ê亮光hō͘遮。因为天地lóng是他创造ê,所有受造ê万物lóng tī他ê命令之下做tāi-chì(参考以赛亚书三十四:4,以西结书三十二:7—8,约珥书二:31、三:15,阿摩司书八:9)。约伯tī chia mā用「海怪」来形容邪恶ê气力,m̄-koh上帝却ē-tàng轻易骑tī它ê尻脊骿,表示上帝有能力thang驾驭chit种海中ê怪兽(参考诗篇七十四:12—13,以赛亚书廿七:1,阿摩司书九:3)。M̄-koh人对上帝ê认bat是非常有限kah贫乏ê,人所ē-tàng认bat ê上帝,其实是真少。

    第11到13节,ná亲像第5节所讲ê,当上帝移动chiah-ê庞(pâng)大ê山kah大地ê支柱ê时,lóng thang无声响,静到hō͘人连一点点á感觉mā无,可见人是jōa-ni̍h-á渺小,小到tī所有ê受造物中,甚至是连一丁点mā算不上。M̄-nā án-ne,约伯讲上帝有能力mā有主权thang「随意the̍h走伊所beh ê」,换句话讲,当上帝决定the̍h走人siōng宝贵ê性命ê时,有甚么人ē-tàng阻止上帝chit种决定?如果「上帝ê忿怒不止息」,ná亲像第5到6节所提起ê,上帝teh生气ê时chūn,惩罚之重,如排山倒海仝款,绝对bē真紧to̍h过去,人应该tio̍h警戒,若无,当上帝ê受气一发bē-tàng收拾ê时,chiah想beh忏悔,lóng已经来不及à。

其实约伯ê chiah-ê话,lóng teh表明伊m̄是m̄-bat上帝,而且iáu比伊ê朋友认bat得koh khah清楚。

第14到15节,当人发见家己ê渺小,无法度kah上帝相比,chit时koh怎样ē-tàng kah上帝「辩论」?这mā是约伯心中siōng大ê矛盾,因为明明知影家己ê软弱kah有限,soah koh想kah上帝辩论,问清楚为甚么上帝hō͘伊ê性命有chiah-ni̍h大ê苦难?约伯ê chiah-ê话,其实mā是teh回应比勒达tī第八章5节ê建议,伊ài约伯向上帝恳求。伊讲即使家己「就算无辜,mā m̄敢答辩」,唯一ê是祈求上帝ê怜悯。

第16到18节,对约伯来讲,伊认为性命siōng大ê痛苦,就是m̄知为甚么会受苦。Á这mā是伊想beh问上帝,soah koh m̄敢开嘴ê事。因为上帝kah人之间,确实有真大ê距离,这m̄是空间ê cheng差,却是创造者kah被造者、神圣kah通俗、伟大kah卑微之间ê cheng差。约伯「mā m̄相信」上帝「肯垂听」,因为人tī上帝眼中是hit种地渺小,伊怀疑上帝听会入伊beh讲ê话。伊甚至认为是上帝伤害了伊,而且是「无缘无故」惩罚伊。伊认为上帝对伊ê惩罚已经严重到连伊想beh「喘做一困」ê权利,lóng剥夺行,hō͘约伯感受tio̍h伊性命ê苦难koh khah深à。

    第19到22节,如成(chiâⁿ)实ē-tàng kah上帝辩论,就算是beh上法庭去,约伯提出chit-ê问题:「甚么人敢传上帝出庭」?因为只要ē-tàng传唤上帝出庭ê,就ē-tàng审判上帝。约伯自认是无辜、清白者。约伯发见性命中有一个极大ê困难,就是无辜ê人ài如何来证明家己ê清白?

Chia会发见一个基本问题,人看bē-tio̍h ê,上帝会看会tio̍h。因为án-ne,当人审视家己ê时,并无感觉有错,ē-sái讲是上帝却真清楚看tio̍h人ê错误,这mā是约伯tī第3节所提起ê,上帝ē-tàng提出「千百个问题」来诘问人,hit时人会百口莫辩。因为án-ne,伊认为就算家己所讲ê是正确ê,mā会hō͘上帝定tio̍h「有罪」。约伯有表示心中ê无奈,伊对性命真正是已经了无生趣。约伯tī chia提出一个kah以利法、比勒达等人讲词完全颠倒ê观点,就是不管有罪无罪lóng仝款,当上帝决定beh毁灭一个人ê时,根本无需要甚么理由。

如果约伯chit种讲法成立,则本册ê讨论主题之一就出现,he就是:上帝真正是公义ê mah?公义ê上帝会允准无公义ê事发生mah?会kā好人kah pháiⁿ人lóng混做伙处理mah?答案当然是:绝对bē!

    第23到24节,约伯用siōng难听ê话,形容伊所认bat ê chit位好bái不分ê上帝之特性,就是当人tú-tio̍h苦难ê时,上帝m̄-nā bē伸手救援,iáu会tī边á「嘲(sau)笑」。M̄-koh伊ê chit种讲法kah圣经所举ê例相差甚远。出埃及记ê作者讲,上帝听tio̍h他ê选民受苦,听tio̍h了in haiⁿ-haiⁿ叫ê声音,就差遣摩西去埃及拯救in(参考出埃及记二:23—25,约翰福音三:16)。上帝听tio̍h人类ê性命tī罪中受苦,就特别差遣他ê独生kiáⁿ耶稣降生到世界上,beh拯救人脱离罪ê缠绊。伊讲因为「上帝kā世界交hō͘邪恶ê人」,chiah hō͘好人mā受苦。伊认为苦难是tùi上帝来ê惩罚,因为án-ne,上帝就是苦难ê主使者、策划者。好人mā会有苦难(原本是好人bē有苦难,只有pháiⁿ人chiah会有),就是因为上帝允准chit种事发生。

第25到26节,tī chit两节中,约伯用三种常见ê字词来形容性命ê目nih-á、快速飞过。(a)「ê时光奔驰」,这是teh指时间过得非常紧速,无留落来任何痕迹。(b)「轻舟掠过」表示船行ê速度真紧,而且因为太轻,起不了甚么大波浪。意思是:人ê性命真正是无tap-sap ê,即使想beh chhōe性命ê踪迹mā真困难。(c)「la̍h-hio̍h猛扑食物」,la̍h-hio̍h ê速度ē-sái讲是飞鸟中siōng顶级ê。约伯用此来形容性命ê时光过得之快,ná亲像la̍h-hio̍h看见地上猎物,瞬间遽降,地上ê小动物想beh bih起来lóng来不及。

第27到28节,约伯tī chia表示性命siōng大ê痛苦,乃是得bē-tio̍h上帝ê信任。伊认为家己实在真无辜,m̄-koh上帝并无认为真正是án-ne。伊想beh表达ê一点是:人根本就无法度kah上帝争辩(参考第14节)。而且上帝ài怎样,就是怎样。因为他是性命ê主宰者。M̄-koh伊无法度「强颜欢笑」,因为苦难并无会因为án-ne就减少,iáu是仝款牵缠tio̍h伊m̄放。

第29到31节,就án-ne约伯认为人若是hō͘上帝判定tio̍h有罪,chit种人即使koh再怎样申辩mā是无甚么作用,就算用siōng强烈ê药品来刷洗,iáu是仝款。先知耶利米讲述上帝论到有关犹太人ê堕落ê时,mā提起就算用「碱水」、「茶kho͘」来刷洗,mā是仝款无法度洗净罪ê痕迹(参考耶利米书二:22)。

第32到33节,无法度the̍h上帝kah人相比,因为tī上帝kah人之间,并无第三者thang成做两个之间争论ê仲裁者,这是约伯论点ê中心。换句话讲,约伯承认上帝乃是siōng伟大ê存在。其实,伊ê chit段话已经隐约teh讲以利法kah比勒达m̄-thang想扮演仲裁者,in无比上帝伟大。只有上帝chiah知影伊ê苦难为何而来。约伯真清楚一件事:上帝kah人确实无相仝;他是神,是创造者,人是他所造ê。他是全能者,人是有限者(参考民数记廿三:19)。约伯用chit种方式teh表示:人若有想beh kah上帝对抗ê念头,he是愚戆ê想法。换句话讲,约伯非常清楚知影上帝ê特性,伊认bat上帝。

Chia ê「仲裁」一词,mā带有另外一个意思,就是teh指「和解」。Tī chit世间,有甚么人thang做上帝kah人之间纠纷、争论ê「和解者」?新约圣经kā咱讲是耶稣基督。只有耶稣chiah ē-tàng hō͘人kah上帝之间有合宜ê关系(参考罗马书三:23—24、五:8—9)。M̄-koh这是因为上帝ê疼chiah有ê结果,并m̄是因为人有甚么特别ê条件。

第34到35节,thang参考第15节。约伯祈求上帝m̄-thang koh再「惩罚」伊,这「惩罚」一词原本是teh指「杖」,是古代惩罚ê器具,m̄-koh mā是「保护」ê工具。「恐吓」kah「惊惶」,是对应句。意思是上帝ê忿怒,hō͘约伯心生「惊惶」,就kah-ná受tio̍h一强有力者ê「恐吓」仝款ê惊惶。约伯强调家己m̄敢kah上帝对话,是因为深惊koh讲错话,受tio̍h koh khah大ê惩罚。因为án-ne,伊祈求上帝怜悯,只要hō͘伊无惊惶ê心,伊就敢讲出家己所受tio̍h ê冤屈。

重新查询 专卷研经 约伯记系列
错误回报,请联系comm[@]fhl.net