约伯记 34章16节 到 34章37节   背景资料  上一笔  下一笔
以利户tī chit段经文中khah强调约伯所认bat ê上帝是错误ê,为tio̍h án-ne伊beh向约伯绍介上帝。其实约伯ê三位朋友tī头前mā lóng bat绍介过(参考约伯记五:8—16、八:20、十一:8—11、廿四:22—23),包括约伯家己mā bat描述过家己所认bat ê上帝(参考九:4—10、十二:16—25、廿三:8—10a、13)。虽然每一个人lóng会想出所有ê办法beh描述家己所认bat ê上帝,m̄-koh每一个人对上帝ê认bat lóng m̄是完整ê,认清chit点是非常重要ê。

第16到17节,以利户认为约伯若是一个贤明者,必定bē对上帝ê认bat有错误。有限人怎样ē-tàng「谴责公义ê上帝」,á是认为上帝「讨厌公道」,这绝对m̄是上帝ê本质。

第18到19节,chit两节提起上帝ê权威kah权柄,m̄是世间ê君王所ē-tàng抵挡。因为世间君王ê权柄mā是上帝赏赐ê,因为án-ne,上帝ē-tàng对任何君王下命令,伊bē偏袒任何一个君王。无论是贫贱富贵lóng是上帝「亲手所造」ê,他看重每一个性命。

第20到23节,无论是甚么款ê人,随时lóng有可能因上帝ê惩罚而丧失性命。Tī chiah-ê世界上,无一个人ē-tàng久长无衰退,mā无任何一个人ē-tàng承受得了上帝ê惩罚,即使是君王贵族mā是仝款。上帝ê公义tùi他ê审判结果就thang看出来。因为他鉴察每一个人ê所做所为,邪恶ê人绝对无法度逃避上帝ê审判,即使是「深沉ê乌暗、死亡ê阴影」lóng无法度「藏匿」得tòa「罪人」。

第23到28节,chit段经文真详细讲tio̍h上帝ê属性是:无所不知、无所不在、无所不能。头前谈及上帝运行他ê气力tī kui个宇宙空间中,以利户tī chia进一步表示,上帝mā无受时间ê限制,他按照家己ê意思行动。他清楚知影每一个人ê言行举止是m̄是犯错,而且世间所有君王ê权柄lóng是tùi上帝来,因为án-ne上帝有权、mā有能力ē-tàng废除所有人ê权位,并且拣选别人来代替(参考约伯记十二:18—19,另外参考路加福音一:52)。对邪恶ê人惩罚ê时,并无会tī暗中进行,公义ê上帝做事光明磊落,为tio̍h是beh hō͘大家thang引认为鉴。第28节thang讲以利户言论中siōng值得注意ê,伊讲上帝会听被迫害ê sàn-chhiah人祈祷ê声音,而chit种观点tī以利法ê言论中mā出现过(参考约伯记五:15—16)。因为欺压sàn-chhiah人一直是上帝siōng讨厌ê行为,上帝绝对bē袖手旁观。Chiah-ê人即使因为án-ne而富有,mā会tī上帝严惩之下失去一切(参考阿摩司书五:11,俄巴底亚书10—16)。

第29节,约伯bat一再呼吁上帝回答伊受苦ê原因,m̄-koh上帝一直无回答伊提出ê问题(参考约伯记第廿三章)。以利户希望约伯ē-tàng明白一件事:上帝并m̄是按照人ê希望、意思做tāi-chì,上帝有家己ê行动准则á是做事ê方法,而人lóng是希望上帝照人所想ê方式去进行,chit种观念、想法是错误ê。

第30节,如果无上帝帮助,chiah-ê为非作pháiⁿ ê统治者会继续凌辱人民,hō͘已经受难ê人民永无安宁之日。就是因为有上帝帮助,chiah ē-tàng推翻chiah-ê不义ê统治者。以利法chit种讲法,是beh约伯知影,上帝自有想法kah计画,约伯m̄免埋怨,讲上帝不帮助伊。

第31到33节,以利户坦白讲出伊眼中ê约伯,siōng大ê问题是m̄知家己犯甚么错。因为án-ne,以利户认为约伯若是承认家己ê错误,上帝必定会回答伊ê话。类似ê劝勉tī约伯三位朋友ê言论中mā已经出现过(参考约伯记五:8、八:5—7、十一:13—14)。以利户一再强调约伯必定有违背上帝旨意ê所在,soah koh m̄知悔改,因为án-ne,上帝chiah会不理伊。伊劝约伯若想beh免tī受惩罚,只有伊「该做决定」,chit句话真清楚讲出以利户并bē-tàng替约伯认罪悔改,而一定tio̍h是做错事ê人家己认罪悔改。别人ē-tàng做ê,只有为伊向上帝祈祷,祈求上帝ê怜悯kah赦免。

第34到37节,可能是因为以利户一再希望约伯ē-tàng回答伊ê话,却都无听tio̍h伊ê回应,就án-ne伊就koh一pái转向旁观者提出对约伯ê看法,主要目的是希望藉tio̍h公众ê言论hō͘约伯承认家己有错误,相对ê就是表示以利户ê观点是正确ê。以利户认为约伯「无知」,所讲ê话「lóng无意义」,只要小khóa用心想一下约伯所讲ê话,就会「发觉伊讲话像作恶ê人」仝款。Á m̄知悔改ê约伯,等于是tī公众面前「侮辱上帝」,罪恶实在深重。其实chiah-ê指责其他ê三位朋友mā表达过(参考约伯记八:2、十一:2—3、十五:2—3、十八:2)。Á约伯则认为chiah-ê朋友所讲ê话mā是仝款无甚么意义,只是加添伊ê愁烦而已(参考十六:2、十九:2—3),约伯甚至认为chiah-ê朋友并无比伊好,mā无值得hō͘伊学习ê所在。

重新查询 专卷研经 约伯记系列
错误回报,请联系comm[@]fhl.net