Ná亲像头前讲过ê，chit段经文是琐法ê发言，内容kah约伯一贯ê语法无仝；tī约伯kah chiah-ê朋友对话中，伊ê朋友lóng是强调邪恶ê人会遭遇真chē无好ê结果，m̄-koh约伯ê看法tú好颠倒。亲像：第八章16到19节；第十五章20到35节；第十八章5到21节；第二十章5到29节等等。约伯ê论点里并m̄是讲邪恶ê人bē遇tio̍h上帝惩罚，而比较hō͘伊困扰ê问题是：为甚么连好人mā会tú-tio̍h邪恶ê人应该有ê苦难之果？án-ne chiah是伊想beh提出来ê问题。Tī伊ê看法里，公义ê上帝应该是会分辨好bái善恶ê。

第18到20节，琐法一贯ê论调就是好人有好报，pháiⁿ人有恶报。因为án-ne伊讲邪恶ê人会遇tio̍h ê恶报有下列几种：

一是邪恶ê人会hō͘「大水」冲行，这表示in会丧失性命，而且in ê「土地hō͘ 上帝诅咒」，因为án-ne葡萄园会荒废无收成。

    二是邪恶ê人所累积起来ê财富，真紧to̍h会消失殆尽。「炎热」所表示ê，ná亲像炎热ê阳光照耀tio̍h，hō͘ in ê恶质行踏完全暴露出来。Á「阴间吞食犯罪ê人」，这表示作恶ê人真紧to̍h会hō͘掠，而且hō͘ 上帝关入深渊中，无法度复出。

三是邪恶人ê恶质行踏，ē-sái得连生育in ê老母mā m̄敢认in，因为in就ná亲像「树木被虫子食掉」，m̄-nā外型改变，甚至所有累积起来ê财富lóng会因为为无上帝赐福一切落空。

第21节，chit节提起邪恶者siōng令上帝痛恨ê行为就是「虐待寡妇」，这表示in胆敢违背摩西律法所禁止ê行为，mā表示in心目中根本无kā上帝khǹg tī眼内，甚至对「无法度生育ê妇人」，无任何怜悯ê心。

    第22到24节，chit段经文是琐法强调上帝必定会惩罚邪恶ê人，虽然目前chiah-ê邪恶者看起来是兴旺ê，m̄-koh he只是暂时ê，bē真久。伊认为上帝一定会惩罚邪恶ê人，方式是：

一、kā chiah-ê「强暴ê人」hō͘「消灭」掉，hit时chiah-ê邪恶者lóng会「死亡」。

二、hō͘ chiah-ê邪恶者「像草木凋残，像穗秆被割落」来仝款枯焦死。 
 
第25节，chit节比较khah sêng是约伯所提出来ê结论，mā就是为chit章第2到17节ê结论。伊khah强调ê是：伊所讲ê lóng是属实，无人thang反驳伊。不过khǹg tī琐法ê结语了后mā真贴切，hō͘琐法ê语句强化，并且kah约伯ê论点呈现强烈ê对比。