约伯记 22章1节 到 22章30节   背景资料  上一笔  下一笔
Tùi第廿二章开始,直到第三十一章止,是约伯kah三位朋友对话ê第三回合。(第一回合是tùi第三到十四章;第二回合是第十五到第廿一章。)tī chit第三回合中,插入无署名作者ê歌颂智慧ê第廿八章,虽然有kóa学者讲是约伯讲ê,m̄-koh mā有ê学者持无仝ê看法,认为这是后来编者加上ê,意见分歧。

关系第三回合thang看出一个编辑上ê特色,就是约伯和伊三位朋友之间ê对话非常紧khêng,彼此不时无等对方讲完,就抢tńg来话。Tī这样激烈ê抢答中间,约伯最后真感慨ê讲出伊对性命ê看法,共长到三章ê篇幅。

Chit章开始mā是由提幔人以利法发言。Á值得注意ê是,伊ê讲词虽然用语iáu-koh犀利,m̄-koh最后用了一kóa鼓励、安慰ê话语对约伯讲话。Á比勒达iáu-koh kah过去仝款,大谈上帝ê全能m̄是约伯thang理解ê,不断ài约伯谦卑落来,承认家己ê错误kah有限,án-ne chiah ē-tàng明白上帝ê旨意。M̄-koh Tī chit段篇幅中,琐法ê言论真少,大部分lóng是只有讲几句话,就被约伯phah断,这可能kah琐法提bē出新ê观点有关pah。

第1到3节,伊开始就讲「人对上帝有甚么路用」、「好处」、「有益」、「帮助」?Chit种用疑问句型开始讲话ê方式,mā是以利法kah约伯对话中ê特有方式(参考四:2、五:1、十五:2)。伊用一种带有讽刺ê方式来讲约伯,伊讲约伯就算是自认有「智慧」、「行为正直」、「良善」等等,chiah-ê koh对上帝有甚么特别ê所在?以利法chit种讲词,真清楚表达出一个观念,mā是普遍基督徒所强调ê,就是人若无敬拜上帝,m̄-bat上帝,食亏ê是家己,并m̄是上帝。人无论chē有成就,lóng bē加添上帝ê光彩;仝款ê,人即使真恶质,mā bē对上帝有任何ê损害。Chit种观念久长以来是信仰传承上ê认知(参考箴言九:12)。因为上帝ê荣耀本来就已经超越一切,人ê荣耀并无会加添上帝ê荣耀,颠倒是人犯罪ē-sái上帝痛心。

第4到5节,以利法koh一pái强调上帝是公义ê,他bē混乱秩序,赏罚是非常清楚ê,chit种讲法mā是比勒达讲过ê(参考八:3)。上帝对tī犯罪ê人必定会有严厉ê惩罚,并无会因为伊「敬畏上帝」,上帝就不惩罚。「敬畏」上帝ê人,上帝一定会照顾,而chit点mā是圣经一贯ê教导(参考诗篇三十三:18—19)。因为án-ne,以利法iáu-koh坚信约伯一定是犯严重ê罪,chiah会受tio̍h chiah-ni̍h重ê惩罚。以利法对约伯指控ê罪状,tī第6到9节中有真详细ê叙述。

第6到9节,Tī chit段经文中,以利法明确地指控约伯,讲伊「剥光」了sàn-chhiah人ê衫裤,只为tio̍h beh sàn-chhiah人「iáu清欠款」。续落来伊指控约伯欺负sàn-chhiah人,tī in欠缺食物kah水ê时chūn,拒绝伸出援手。然后讲约伯利用权势「占有所有ê土地」,这若是属实,则约伯是犯真严重ê罪恶,因为tī先知ê文献中,lóng bat对chit种行为提出严厉ê谴责。伊mā指控约伯,讲伊欺负「寡妇」kah「孤儿」,当in向约伯求助ê时,约伯却是富而不仁,吝啬施舍,竟然叫「寡妇空手tńg去」,并且iáu欺负孤儿,「phah断了孤儿ê手股头」,chit种以恶质态度对待弱者ê行为是真严重ê罪过。

第10到11节,以利法认为约伯就是因为有犯顶面所讲严重ê罪状,因为án-ne,伊会面临chiah-ê灾难mā是理所当然ê事。伊讲tī约伯ê「周围有陷阱」,因为án-ne,当上帝惩罚伊ê时,就是tī伊生活ê四周布满仇敌,chiah-ê仇敌就会想出所有ê办法设置各式各种ê陷阱来陷害伊,ná亲像比勒达所讲ê仝款(参考约伯记十八:8—10)。Mā因为án-ne chiah致使约伯被「惊惶」、「乌暗」、「大水」等包围,意指hō͘伊陷入面临死亡ê境况中。

    第12到14节,以利法讲上帝虽然是khiā起tī高天之上,m̄-koh伊「俯视tio̍h高处ê星辰」,而邪恶人ê往往会认为上帝lóng m̄知世间人类所做所为,其实he是认为邪恶ê人心中chiah会有ê念头,认为,「密云」会遮天kah地之间ê空间,hō͘上帝无法度看清楚世间ê人做kóa甚么事。以利法认为会chit种想ê人就是心内邪恶者。以利法chit种讲词,是意有所指地teh讲约伯就是chit种人。

第15到17节,以利法认为约伯ná亲像一个邪恶ê人,因为án-ne,伊特别警告约伯mài跟tòe邪恶人ê路径。伊讲邪恶ê人必定会早死,m̄免等到伊ê死期来临。Mā只有邪恶者chiah会要求上帝远离in,甚至认为「全能者」对伊mā无thang奈何。

第18到20节,以利法是用约伯所讲ê话来打击约伯,m̄-koh却是故意误用á是有曲解约伯ê本意。因为约伯是讲邪恶者会晓夸耀家己ê成就,认为成功乃是伊个人努力ê成果,kah上帝ê赐福无关系。M̄-koh chiah-ni̍h恶质ê人,却kah-ná mā无看tio̍h上帝对in会怎样。以利法则认为约伯就是邪恶者,因为án-ne chiah会有chit种想法,并且讲出来。因为án-ne,以利法koh一pái强调上帝必定会惩罚邪恶ê人。伊讲当邪恶者hō͘ 上帝惩罚ê时,hiah-ê过去受尽苦难ê好人,一定会大大ê欢欣,即使是无辜受难者,mā会因为án-ne而感觉安慰。伊mā支持琐法所讲ê邪恶者所累积起来之财产lóng会被毁灭。

    第21到23节,以利法劝勉约伯:只要「kah上帝亲善和好」,kā上帝ê「话牢牢记tī心内」,án-ne就会得tio̍h上帝ê赐福。Chit句话mā tú好反驳了约伯tī第廿一章7到8节所提起ê:是上帝hō͘邪恶人兴旺、长寿、发达。Á tī以利法ê观点中,认为约伯目前ê苦难,就是因为罪所造成,mā hō͘伊kah上帝之间ê关系受tio̍h破坏。伊ài约伯「谦卑tńg来到」上帝面前。Chia ê「tńg来到」,意思是teh指悔改。人只有悔改,chiah ē-tàng得tio̍h上帝ê怜悯kah疼惜。

第24到25节,chit两节mā暗示了约伯失败ê原因,就是因为teh过去兴旺ê日子,约伯只注重财富、珍宝之类ê物质生活,而kā上帝ê话语kah教示hō͘ bē记得。

Thang kā第22到25节等等这四节经文,对照诗篇第十九篇7到11节,诗人讲述上帝ê话kah教示远比黄金、珍宝koh-khah贵重。因为án-ne,伊ài约伯用上帝来做伊性命ê「黄金」、「白银」,chit种性命chiah会真实。

第26到28节,这是以利法koh一pái讲述遵行上帝旨意ê人,会得tio̍h上帝ê赐福。Chiah-ê所谓「善有善报」ê观念,á是所讲ê「好人」会得tio̍h上帝特别ê看顾之类ê讲法,tī以利法等chit三个朋友ê嘴中已经出现过真chē pái,亲像:第五章17到27节,第十一章13到20节等等等。其实mā thang讲,以利法已经m̄知iáu有甚么好讲ê,因为án-ne只好一再重复传统ê信仰观念。其实mā thang tùi chia看出以利法ê chiah-ê讲词中,有一个观念真无正确,而且是危险,he就是伊认为kah上帝和好,就ē-tàng得tio̍h富裕ê物质生活。M̄-koh约伯记chit本经册tú好佳哉说明:chit种信仰认知,是kā信仰建构tī「有利可图」ê基础上,mā是约伯记作者teh质疑ê重点主题:kám讲chit-ê世界上无信仰真诚ê人?只是单纯ê信,并无求任何利益回报。

第29到30节,tī以利法心中,约伯就是因为「骄傲」chiah听bē落去in chiah-ê朋友ê劝勉,除非伊「谦卑」落来,án-ne chiah会得tio̍h上帝ê救恩。伊认为如果约伯chiâⁿ实「无辜」、「行为正直」,必定会得tio̍h上帝ê拯救。

重新查询 专卷研经 约伯记系列
错误回报,请联系comm[@]fhl.net