约伯记 19章1节 到 19章29节   背景资料  上一笔  下一笔
Chit章是约伯回答书亚人比勒达所讲ê话。比较特别ê是tī chit章中,约伯回答ê时,采用「Lín」chit种复数代名词,表示约伯m̄-nā是teh回答比勒达,mā同时是回应以利法、比勒达kah琐法等三位朋友头前ê话。Chit章thang分做三个部分来看:其一是第1到6节,约伯teh控诉伊ê chiah-ê朋友对伊并无同情心,只是加添了伊ê苦难而已。其二是tùi第7到22节,约伯koh一pái对家己性命处境做描述,伊iáu是坚信家己之所以受苦,乃是因为上帝出手打击伊ê缘故。三是tùi第23到29节,约伯koh一pái转tńg来对众朋友抗辩,伊希望chiah-ê朋友ē-tàng了解伊ê处境,伊深信有一工,伊ê冤屈lóng会全部洗清。

Chit章mā ē-sái讲是约伯谈话中siōng精彩ê一篇,特别是tī第25到26节中,伊强调上帝并无弃sak伊,而且一定会替伊伸冤,伊深信家己结局ē-tàng面对上帝,即使是kui身躯伤痕、落魄到众亲朋好友无愿意用正眼瞧伊,伊iáu是相信上帝会知影伊就是约伯。果然,tī第四十二章5节,约伯讲伊「亲目」看tio̍h上帝,tú好回应了chia所提起ê。

    第1到6节,ná亲像头前已经提起,约伯tī chit章用「Lín」这复数代名词,表示约伯回应ê对象不止比勒达,iáu包括以利法kah琐法。约伯讲in只是唠叨个无停,内容无甚么意义thang讲。约伯会án-ne认为,是因为in chiah-ê众朋友一直无停劝伊tio̍h承认家己得罪上帝,所以chiah会带来án-ne大ê灾难。Tī第3节ê「无停」,tī希伯来原文是用「十pái」,意思是teh指「次数频繁」。Tī约伯ê看法里,伊认为朋友ê职责,对已经落难ê人应该tio̍h同情,无应该一再指责加添伊ê痛苦chiah-tio̍h。伊讲「纵然我m̄-tio̍h去」,而受上帝严厉ê惩罚,作为朋友,mā应该hō͘ in同情chiah-tio̍h。

伊讲家己所犯ê「错误家己承当」,mā m̄免伊ê chiah-ê朋友tī伊苦难中koh对伊讲了一大堆谴责ê话语。约伯头前bat真清楚指出,chiah-ê朋友并无比伊好jōa-chē(参考十二:3、十三:2)。伊甚至讲过,若是上帝详细审察in chiah-ê朋友,mā会chhōe出真chē问题来(参考十三:9—10)。chit-má约伯讲伊chiah-ê朋友「自认为」比约伯iáu koh khah「良善」,其实比起约伯in mā好bēgōa chē。Á siōng hō͘约伯感觉艰苦心ê,to̍h是 tī伊患难ê时,in无安慰伊,反tńg用伊tú-tio̍h ê患难当做「犯罪ê证据」,强迫伊认罪。伊质疑地chiah-ê朋友,怎样看bē出「这是上帝ê作为」。原因是约伯iáu-koh强调伊身上ê苦难,绝对kah上帝有密切关系。伊讲上帝设下「罗网来围困」伊,chiah hō͘伊陷入chit种苦难中。Chia ê「罗网」mā是引用比勒达tī第十八章8到12节所讲ê「kho͘-á套」、「缠tiâu」、「擒获」、「打击」、「紧kah」、「陷阱」等,chiah-ê名词lóng kah「罗网」有仝款ê意思。

第7到12节,chit段经文是约伯对自我性命ê描述,mā是koh一pái向上帝ê控诉。伊khah强调一个重点:是上帝出手打击伊,kā伊当做仇敌看待,chiah hō͘伊受tio̍h án-ne重大ê苦难。并m̄是因为伊有犯甚么罪,需要承受án-ne大ê责罚。伊认为若是上帝是「公正」á是「公义」,就m̄-thang拦阻伊ê申诉chiah-tio̍h。因为伊不断呼喊上帝,却得bē-tio̍h他任何ê回应。约伯认为这是因为上帝是故意beh打击伊,kā伊当做仇敌看待,chiah会hō͘伊遇tio̍h hiah-ni̍h大ê灾难,上帝会án-ne做,就是为tio̍h beh消灭伊。M̄-koh问题是:上帝为甚么beh消灭伊?Chit点约伯tùi头到尾都无说明,这mā是伊ê朋友认为必定是约伯有犯严重ê罪过所致,而约伯则极力否认chit-ê tāi-chì。

原本约伯tī乡里之间是有真好ê名声(参考一:1)。Taⁿ上帝hō͘约伯遇tio̍h hiah-ni̍h大ê灾难,hō͘ hiah-ê原本kah-ná是「正直」ê亲友mā对伊会失去信心(参考十七:8),并且误会了伊,hō͘伊原本ê美好形像受损。伊讲家己所承受tio̍h ê是「tùi四面八方攻击」,而且是beh「连根拔除」伊,甚至是连延续后代ê性命之路mā被阻断,是真严重ê惩罚。伊一再讲上帝kā伊当做「仇敌」,(参考十三:24)。因为约伯án-ne认为,因为án-ne,伊认为家己所受tio̍h ê苦难,就是上帝「差派军队攻击」伊,致使伊受tio̍h hiah-ni̍h大ê灾难。

第13到14节,伊讲过去「厝里人」kah「亲人」,不时会有来往,m̄-koh chit-má却完全变了样,m̄-nā看见伊tú-tio̍h灾难后,就「离开」了伊,并且iáu故意kā伊当做m̄-bat ê对象,ná亲像「路人」一般。Tùi án-ne无koh继续来往,ná亲像kā伊「bē记得」了仝款。

第15到16节,koh khah严重ê是连伊接待过ê宾客,以及tī in-tau服侍过ê奴仆,lóng故意忽视伊,án-ne就koh-khah免讲买命令奴仆来服侍伊à。

第17到20节,Tī chit段经文中,伊一一指出身边ê亲人离伊而去。伊讲家己ê「bó͘无法度忍受我ê活气」,这mā表示因伊ê苦难hō͘ in ê婚姻mā产生危机。续落来伊讲家己「亲族」,这原文是teh指「怀胎生ê kiáⁿ」,意思是teh指约伯家己ê kiáⁿ,mā「无愿意行近」伊,原因是可能众细kiáⁿ看见伊ê惨状mā恐惊受tio̍h连累。(请注意:tī第一章已经清楚记载约伯ê kiáⁿ已经全部死去了,因为án-ne《现代中文》译本修订版采用「亲族」。)Tī一般人ê经验中,虽然所有ê亲人朋友、lóng弃sak了,只有bó͘-kiáⁿ应该iáu是专心信任家己ê丈夫、老父chiah-tio̍h,m̄-koh约伯ê境遇真惨,连伊ê bó͘、kiáⁿ lóng m̄信任伊,mā无愿意kah伊做伙。Chit种境况中ê性命ná亲像掉到谷底,因为连m̄-bat事ê「儿童」lóng会嘲弄、「侮辱」约伯,认为伊án-ne落魄就算戏弄伊mā无妨。约伯koh一pái提起伊目前只chhun「皮包骨」(参考十六:8),以及「做一困息」而已(参考七:7),chiah-ê话lóng是teh表示性命teh beh结束。Chia ê「做一困息」,iáu有另外一个意思,是teh指「一无所有」。这说明约伯目前ê景况,非常凄惨。

第21到22节,chit两节mā是teh强化第2节所讲ê,chiah-ê朋友m̄-nā无带hō͘约伯安慰,反tńg hō͘约伯感觉in是teh折磨、侮辱伊。Chit两节mā kah第28到29节相对应;tī chia约伯指控chit三位朋友并无尽朋友ê责任。Á tī第28到29节,伊警告chiah-ê朋友,有一工in会kah伊仝款tú-tio̍h到上帝严厉ê惩罚,意思就是ài in m̄-thang自认为是kah上帝khiā tī仝一个边。 
第23到27节,chit段经文ē-sái讲是约伯记中被公认siōng-kài有名ê一段诗歌。Tī chit段诗歌中,充分表现出约伯m̄-nā对家己ê处境非常清楚,mā对家己kah上帝之间ê关系非常了解。伊坚定表明伊会「亲目看见上帝」,这thang说明一个非常重要ê信仰理念:每一个人lóng一定tio̍h清楚家己kah上帝ê关系,却m̄是由别人来判断á是决定。别人讲咱无法度得救,无一定就是án-ne;相对ê,别人讲咱ē-tàng得救,mā无一定真会达tio̍h愿望。因为无人ē-tàng取代上帝,只有上帝chiah是咱性命ê主kah审判者(参考路加福音十二:4—5)。人kah上帝之间ê关系án怎,家己siōng清楚,若是iáu需要别人来断定,hit种ê信仰m̄是真正属tī家己ê,却是别人ê,因为信仰乃是个人心内ê性命告白。约伯ê愿望,是希望有人会kā伊讲ê话lóng「记录」落来。伊会án-ne讲,是因为伊对chiah-ê身边应该是siōng忠实ê朋友非常失望,因为án-ne,约伯希望记录落来所有ê话,好「hō͘后代来论断伊ê是非」。

第25节是非常重要ê一节经文。Chia所指ê「维护者」是teh指甚么人?原文用「goel」,指ê范围真广,有两种无仝ê意思:(a)thang指siōng亲近ê亲属。(b)有义务替亲近ê人ê诉讼案件辩护者。Tùi chia mā thang看tio̍h约伯并m̄是对上帝完全失望,伊iáu-koh相信真实ê上帝必定会恢复伊ê清白。伊bat kúi-nā pái表明希望chit位「中保」出现替伊讲话(参考十六:19、十七:3)。伊tī极大ê失望中,伊想tio̍h唯一可靠ê,犹原是上帝,别无他人。第26到27节伊bat提起过家己ê身躯被蛆虫所侵入,而chia伊讲家己是「被疾病侵蚀」,伊讲即使是án-ne,伊iáu是beh「亲目」看见上帝,伊深信上帝一定会认出伊来。因为上帝对伊「并无生份」,伊是有chit种信心。

第28到29节,chit两节kah头前第21到22节相对应;第21到22节,约伯用恳求ê语句要求chiah-ê朋友饶了伊,chit-má这第28到29两节则用严厉ê语句警告in chiah-ê朋友,beh hō͘ in知影别认为in是kah上帝khiā做伙ê,in并无一定真正认bat上帝,因为in chit-má对伊苦难ê境遇并无同情,甚至iáu成做加害者。公义ê上帝必定会惩罚chiah-ê朋友,同时mā必定会iáu伊清白,而hit时chūn,tú好mā是chiah-ê朋友遇难ê时chūn。约伯强调只有上帝ê审判chiah是正确ê。

重新查询 专卷研经 约伯记系列
错误回报,请联系comm[@]fhl.net