耶利米书 7章16节 到 7章34节   背景资料  上一笔  下一笔
Chit段经文是上帝提醒先知耶利米,ài伊m̄免替以色列人民代祷,因为上帝根本就无想beh听,mā bē听。基本上有chit种了解:真正上帝ê先知,一定会为家己ê子民向上帝祈求(参考廿七:18,创世记十八:22—25,出埃及记三十二:31—32,撒母耳记上十二:23)。M̄-koh当上帝禁止他忠实ê奴仆代祷ê时,he表示问题真严重,mā说明因为上帝已经放弃了他ê子民,而上帝会禁止先知耶利米替in向他祈求,其原因就tī第13节。

Koh讲,chit段经文mā讲出先知信息ê共同点:上帝并m̄是欢喜人ê祭品,上帝欢喜ê,是人行公义、好怜悯ê心,而且是会以谦卑ê态度跟tòe他ê旨意而行(参考弥迦书六:8)。先知耶利米想beh强调ê是:若是连圣殿lóng m̄保了(参考本章第12节),献祭koh有甚么用?人民会hō͘「赶走」(参考第15节),koh ài如何献祭?ài怎样献祭?若是上帝lóng m̄听以色列人民ê祈祷了,献祭ê意义koh tī tó位?这是chit段经文所提出来反省ê功课。Á犹大人民受掠,mā说明是上帝惩罚ê结果。

第16节,上帝ài先知耶利米「m̄-thang替chiah-ê人祈祷」,chit种情形出现kúi-nā pái(参考十一:14、十四:11)。Á siōng严重ê经文就是tī第十五章1节,上帝甚至讲就算「摩西kah撒母耳」khiā tī他ê面前为以色列人民代求,上帝mā bē听。这表示以色列人民所犯ê罪,已经严重到无法度得tio̍h上帝ê赦免。

第17到20节,chit段经文thang参考耶利米书第二章28节、第十一章13节、第四十四章9节。Chiah-ê经文lóng tī说明犹大人民tī自称做上帝之城ê耶路撒冷,设置真chē拜偶像ê神坛,差不多是「犹大各城镇,tī耶路撒冷ê大街小巷」lóng thang看会tio̍h。而且拜偶像ê行为m̄-nā是父母,却是全家大细lóng参与。上帝认为犹大人民用chit种方式teh「激怒」他,结果kan-taⁿ会为家己带来koh khah大ê「伤害」。因为上帝ê忿怒会亲像「焰火烧」地「倾泻」tī犹大所在地,包括「人、动物、树木,kah五谷」lóng会受tio̍h波及。

第21节,chit节提起有关献祭ê规矩,「有kóa牲祭tio̍h烧光」,是teh指pái tī祭坛上ê烧化祭全部lóng tio̍h烧光(参考利未记一:6—9、12—13、17),bē-tàng存留。Á「有kóa牲祭thang食」,chiah-ê包括献素祭chhun落来ê部分,祭司thang食(参考利未记六:16—17),iáu有就是赎罪祭ê部分,祭司kah伊ê家属mā thang食(参考利未记六:26、29、七:6、7—10)。M̄-koh上帝已经拒绝in ê献祭,无论in献上ê是甚么,上帝lóng拒绝,因为án-ne讲出「不如kā所有ê祭肉通通食掉」,chit句话已经teh说明in ê献祭,只不过是一种障眼法,表面上看起来真敬虔,实际上并m̄是án-ne,因为in iáu是照样去各山头烧香祭拜偶像神明,所以上帝讲他不接受chit种献祭,不如in直接kā祭物食掉会khah kui气。

第22到26节,chit段经文真重要,因为chia讲上帝领以色列人民出埃及ê时chūn,并无「命令in献烧化祭á是其它祭物」,chit句话thang参考阿摩司书第五章25节ê记载,先知阿摩司讲出仝款ê信息。其实thang了解,chiah-ê关系献祭ê条例规定,lóng是进入迦南地了后订定ê。上帝并m̄是欢喜人一方面用隆重ê献祭礼仪来表明in对上帝ê敬拜,soah koh同时去拜偶像神明。Tī先知ê信息中,类似chit种信息mā一再出现(参考以赛亚书一:11—15,何西阿书六:6,阿摩司书五:21—24,弥迦书六:6—8)。先知耶利米传出上帝ê信息真清楚,讲上帝对犹大人民ê要求只有一点:遵行他ê道路。可惜ê是犹大人民并「m̄听从,mā m̄-chhap」,而且是「jú变jú pháiⁿ」,甚至是比in ê祖先「koh khah顽劣,koh khah悖逆」。

第27到28节,thang参考第13节、第25节。
上帝kā先知耶利米讲,m̄-thang期待悖逆ê犹大人民会听从伊ê劝勉,若是in会听,上帝早就赦免、赦免in了(参考以赛亚书六:9—10)。即使án-ne,上帝iáu是beh先知耶利米去责备in,讲犹大国上tùi执政者到一般以色列人民,lóng是同出一个法度,已经是「忠信丧尽」,kui个国家、社会lóng充满欺骗,无诚实thang讲。 

第29节,这是一首诗歌。
「剃光头毛」是表示无清气所采取ê行动。希伯来文ê「发」字,kah「the̍h细耳」chit-ê词有关,代表神圣ê记号(参考民数记六:2)。因为án-ne,当分别为圣ê「拿细耳人」受tio̍h无清气缠身ê时,就是beh kā头毛kah胡须剃掉(参考民数记六:9),表示家己无清气,需要koh再重新开始。摩西律法真清楚记载,bē-tàng剃掉头毛、胡须(参考利未记十九:27)。Tī以色列文化看起来,对一个人siōng大ê侮辱方式,就是kā hit人ê头毛剃掉,á是剃掉伊ê胡须(参考撒母耳记十:4—5)。因为头毛teh象徵一个人ê能力。因为án-ne,做一个人头毛被剃掉后,表示chit-ê人已经会失去力量,成做非常虚弱ê人(参考士师记十六:17)。「剃光头毛」mā是一种表达哀伤ê方式(参考约伯记一:20,弥迦书一:16)。

「到山头去唱挽歌」,这是一种讽刺ê词句,表示ài犹大人民去向chiah-ê in所bat热心崇拜过ê虚假神明哭诉,看chiah-ê偶像神明ē-tàng施展甚么能力来拯救in脱离苦难。

第30节,chit节是非常严重ê控诉,犹大人民竟然kā上帝所「憎恨ê偶像」mā khǹg tī耶路撒冷「圣殿」里。Chit种情形先知以西结讲得koh khah具体(参考以西结书八:5、10、12、14、16)。犹大玛拿西王时代,就是tī圣殿中khǹg了亚舍拉女神像供人民祭拜(参考列王记下廿一:4、7),莫怪上帝会远离圣殿kah耶路撒冷城,到东边ê橄榄山顶观看耶路撒冷城被敌人毁灭(参考以西结书十一:23)。

第31节,「欣嫩子谷」,这是耶路撒冷城外ê垃圾场,mā thang当做「地狱」解释。「陀斐特祭坛」,表示火烧ê火。因为tī「欣嫩子谷」设置祭坛火烧牲祭献祭hō͘偶像神明,表示祭祀ê礼仪非常持久兴盛。

Chit节thang看出犹大人民差不多lóng变成「巴力」信仰了。因为in mā学会晓烧献「家己ê kiáⁿ」hō͘神明,chit种tī亚哈斯王kah玛拿西王时代lóng有过chit种恶质行为(参考列王记下十六:3、廿一:6),而这lóng是摩西律法所严厉禁止ê(参考申命记十八:10)。

第32到34节,chit三节讲出上帝kā对犹大人民采取严厉ê惩罚,就是beh kā in为偶像神明举行献祭ê所在,变成敌人大屠杀in ê所在,因为án-ne「欣嫩子谷」kah「陀斐特」kā改名成做「屠杀谷」,而且死亡人数是chē到无法度一一埋葬,kui气就全部用火烧,而来不及火烧ê尸体就只好随在飞鸟行兽吞食,m̄-nā án-ne,犹大国会灭亡,无koh有任何欢笑ê声音,mā无koh有人办婚宴喜庆ê活动,过去原本繁荣ê各城镇kah耶路撒冷城,mā kā变成荒凉ê所在。

重新查询 专卷研经 耶利米书系列
错误回报,请联系comm[@]fhl.net