耶利米书 51章36节 到 51章53节   背景资料  上一笔  下一笔
Chit段经文讲出上帝ài怎样惩罚巴比伦,以及被毁灭ê情景,而且是用过去巴比伦繁荣、强盛ê景象kah chit-má会hō͘击垮、摧毁做对比。

另外在chit段经文中mā讲出上帝对以色列人民ê应允实现了,就是beh hō͘被掠到巴比伦做奴隶ê以色列人民tńg去故乡耶路撒冷。因为án-ne,tī上帝毁灭巴比伦帝国ê时chūn,上帝beh以色列人民赶紧把握机会逃离巴比伦chit块奴役in ê所在。

第36到37节,chia讲上帝beh替耶路撒冷ê人民「伸冤」、「报仇」,意思是teh指上帝beh惩罚巴比伦,因为它无按照上帝ê旨意执行该做ê事,chia讲上帝惩罚ê方式,是hō͘巴比伦ê「水源枯竭,河流干涸」,hō͘巴比伦会因为欠缺粮食,军队无法度作战,而且城市无法度koh再提供给人民khiā起而成为「废墟」,只chhun四界流荡ê「野狗」kā chia当做「巢穴」。

第38到40节,这是teh指巴比伦帝国tī siōng兴旺ê时代,ná亲像凶猛ê「狮成群吼叫」,mā「像幼狮结队咆哮」,hō͘人听tio̍h in ê叫声,就会心惊胆跳。Koh讲,chia mā提起巴比伦像贪婪ê野兽。因为án-ne,上帝就hō͘它「酒醉、兴奋、昏睡」,就tī chit时,波斯帝国kah附近国家联合进攻,巴比伦帝国ê军队kah人民会亲像被驱赶ê「小羊、公绵羊、公山羊进屠宰场」仝款,任人宰割、「屠杀」,巴比伦帝国就án-ne完全灭亡了。

第41到44节,chit段经文lóng是teh指过去ê巴比伦帝国,从来无人会想tio̍h伊mā有被占领而灭亡ê时chūn,因为án-ne当听tio̍h巴比伦灭亡ê消息ê时,确实引起「列国惊骇」无停。

Chia用「海水上涨,怒涛淹盖」来形容kui个巴比伦灭亡ê惨状,ná亲像创世记第七到八章所讲ê大水淹灭大地仝款。作者用chit种方式来形容波斯帝国ê兴起,其强大ê国势有kah顶面仝款涨ê海水般,淹灭了附近国家,mā淹到à巴比伦帝国。M̄-nā是淹灭了巴比伦帝国,连in所崇拜、所供奉ê庇护神「神明彼勒」mā 以后be7 koh有人「拜伊」,因为神像mā同时被摧毁了。

Chia所讲ê「彼勒」,就是第五十章2节所提起ê「马杜克」神明,mā是巴比伦人所供奉ê主要神明。巴比伦人拜彼勒神明ê时,mā会kā tī战争中tùi对敌ná方抢夺tio̍h来ê珠宝献hō͘ in所供奉ê神明。

第45节,thang参考第五十一章6节。

第46节,这是teh鼓励受掠tī巴比伦做奴隶ê以色列人民,in必定会听tio̍h真chē谣言,m̄-koh,m̄免因为án-ne而「懔neh、惊惶」,tī一个动荡不安ê时代,各种「谣言」lóng有。

第47到49节,这是上帝惩罚巴比伦,会连带ê kā巴比伦人所拜ê偶像一尽毁灭,「kui个国家会饱受耻辱」,因为灭亡ê「时chūn会到」,无任何国家thang来帮伊。这来摧毁巴比伦ê就是tùi「北方」来ê波斯,而且当波斯来攻击巴比伦帝国ê时,hit时chūn,过去被巴比伦侵犯ê国家,chit-má看tio̍h巴比伦帝国倾覆灭亡ê时,lóng会发生「欢呼」ê声音。因为上帝ê惩罚会hō͘它完全「倾覆」,无法度koh再起。

第50到52节,提醒以色列人民tio̍h「想念」上主,并且tio̍h「怀念耶路撒冷」,tio̍h以色列人民m̄-thang koh一pái重犯过去ê错误,in会亡国就是因为in bē记得上帝ê缘故。chit-má ài in赶紧离开巴比伦,「m̄-thang chiah koh等了」。因为in tī巴比伦做奴隶有至少长到「五十年」ê时间了(主前586年到538年),有ê koh khah长到「七十年」(参考廿五:11—12)。

Taⁿ thang脱离做奴隶可能带来ê「死亡」,回乡tńg去。Chit段经文mā特别提起上帝beh严厉惩罚巴比伦ê原因,是in侮辱了「圣殿」ê神圣外,mā一再讥讽以色列人民,讲in所敬奉ê上帝是无能力ê神。

第53节,「即使巴比伦ē-tàng peh上天,建造堡垒」,chit句话thang参考以赛亚书第十四章13到14节。表示巴比伦帝国tī伊siōng兴旺ê时chūn mā siōng骄傲,甚至想beh kah上帝对抗、取代上帝。这mā是引起上帝受气而决定摧毁伊ê原因。Chia mā teh表示巴比伦帝国无论怎样逃避,lóng无法度闪过上帝ê惩罚,即使伊ē-tàng peh上天,mā是仝款。因为上帝是无所不在ê创造宇宙万物之神。

重新查询 专卷研经 耶利米书系列
错误回报,请联系comm[@]fhl.net