Tùi第四十六章开始，直到论述巴比伦帝国被消灭ê第五十一章止，无论是谈及埃及、摩押、亚扪、以东等等chiah-ê列国ê共同罪状之一，lóng kah拜偶像ê行为有密切关系。Á谈论到巴比伦帝国ê问题，mā脱离不了chit-ê问题。Tī第五十章2节，一开始提起巴比伦teh beh面临灾祸ê时，起头就讲巴比伦人拜偶像。圣经作者认为，去拜偶像虚假之神ê人，时常会放纵私欲，因为虚假ê神bē惩罚犯罪ê人，这mā是致使社会败坏ê主要因素。Koh讲，圣经作者一贯ê教导是，人ê能力并m̄是家己有甚么了不起，是因为上帝beh拣选伊当奴仆，所以chiah赋予伊能力，无甚么好夸耀。

Chit章mā是teh说明巴比伦帝国被波斯帝国毁灭ê原因kah经过。Tī第五十章，先知耶利米一再提起上帝beh以毁灭来惩罚巴比伦帝国，是因为伊太骄傲。原本上帝拣选巴比伦帝国作为「奴仆」，是beh伊去执行上帝ê命令。身为奴仆应该听从、顺服主人。M̄-koh巴比伦却因为国势强盛就骄傲起来，自认有能力ē-tàng kah上帝相比（参考耶利米书五十：31—32、44，以赛亚书十四：12—14），tùi án-ne引起上帝极大忿怒，决定拣选波斯帝国为奴仆来惩罚巴比伦。

Chit段经文谈及原本巴比伦帝国是上帝手中ê「金杯」仝款ê贵重，m̄-koh taⁿ却是上帝决定beh弃sak ê对象，hō͘列国来攻击它、摧毁它。M̄-koh相对ê，上帝ê子民kā得tio̍h脱离被奴隶ê机会。

第1节，「毁灭性ê飓风」，chit句话形容列国联合起来攻击巴比伦ê情况ná亲像飓风吹袭仝款ê严重。Chia所谓ê「飓风」，表示无法度想像ê气力。Koh讲mā thang表示「灵」，指「毁灭ê灵」ê意思。

第2到3节，chit节讲上帝beh毁灭巴比伦帝ná亲像「飓风吹走麦hiūⁿ」仝款，kā它吹得七零八落。Chit种毁灭性ê气力，是来自「四面八方攻击」进入，hō͘巴比伦ê「土地荒芜」。

Tùi犹太历史学家约瑟夫所写ê资料显示：当波斯ê军队开入巴比伦城ê时，巴比伦城ê人民竟然iáu m̄知敌人已经来到in城里。Mā就是讲，in连防卫ê机会都无。因为án-ne，chiah有第3节讲，巴比伦人连beh「武装」、「射箭」ê机会mā无，结果是无人ē-tàng生存落来。

第4节，chit节ê记载kah史料ê记载确实是有kóa差异，原因是波斯帝国ê军队并无刣灭巴比伦人，因为án-ne chia讲巴比伦人「会tī家己ê城市，tī家己ê大街小巷被屠杀」并无正确，比较khah正确ê讲法是：in lóng被缴械了，lóng无抵抗之力。

第5节，这是真重要ê一节，chit节提起上帝「并无遗弃」他ê子民以色列。因为上帝是信实ê，他遵守所立ê约。

第6节，chit节kah本章第45节，以及第五十章8节ê意思仝款。Lóng是kā以色列人民讲beh利用列国攻击巴比伦ê时chūn，赶紧掠tiâu机会离开巴比伦，án-ne就bē因列国攻击巴比伦ê时，hō͘ in受tio̍h连累而「同归tī尽」。

第7到9节，chia提起巴比伦原本是上帝手中ê「金杯」，表示只有国王chiah有资格用chit种杯子。这代表上帝对巴比伦帝国ê重视kah期待。M̄-koh chit-má上帝tī chit「金杯」中倒入了烈酒，为tio̍h是beh惩罚伊悖逆上帝ê旨意。因为án-ne，这金杯变成「lah-sap杯」，会被上帝所弃sak。虽然过去有真chē外国使节苦劝过巴比伦帝国ê掌权者，m̄-koh显然无任何效果。Chiah-ê 使节团看见情势bē稳，第一件反应，就是赶紧「撤侨」tńg来家己国家去，免得受tio̍h连累。In lóng知影这是「上帝尽帆拚惩罚巴比伦」，beh「完全消灭」它chiah会án-ne落场，绝m̄是任何人ê气力ē-tàng挽tńg来
   
第10节，chit节是teh回应第五十章4到5节所讲ê，以色列人民看见巴比伦帝国倾覆，in ē-tàng被释放tńg去故乡，就会知影真正拯救者，就是ná带领in祖先行出埃及进入迦南ê上帝。因为án-ne，in beh重新tńg来「锡安」，tī hia「宣扬」上帝为in「所成全ê事」。Chit节mā thang看tio̍h圣经一再强调ê，上帝是「伸冤」ê上帝。

第11到14节，「米底亚诸王」，chit句thang参考第27到28节。

Chia koh一pái强调上帝惩罚巴比伦是kah in焚毁耶路撒冷圣殿ê行为有关，chit种观念mā出现tī诗篇第七十四篇3到8节，诗人描写心中ê感受。其实这主要是teh说明巴比伦军队kah in ê国王tī拆毁圣殿了后，掠夺了所有ê圣殿贵重物件，带tńg来khǹg tī in ê神殿中供奉tio̍h，并且用轻视ê态度嘲（sau）笑全能ê上帝，讲他mā不过是án-ne而已，m̄-nā无法度保护以色列人民，连家己mā保护不了。

「加强戒备！派出哨兵！配置伏兵！」chit句话是teh说明来攻击ê列国指挥官下令tio̍h严密kā守，m̄ hō͘任何一个巴比伦兵丁得tio̍h逃脱，á是hō͘ in有后勤补给ê机会。

而chit句「有真chē河流，有真chē财宝」，这teh表示巴比伦帝国bat是非常富裕ê国度，m̄-nā是农业发达，而且是累积了非常ê财富，而「真chē河流」是用来表示农业、运输等发达ê景象。M̄-koh chiah-ê经济财富kah军事力量并无为它提供任何保证，因为上帝已经指「家己ê性命chiù-chōa」beh毁灭巴比伦，他beh召集庞（pâng）大军队ná「草蜢蜂拥而来」hō͘巴比伦绝对lóng无招架余力。