Chit章是论到有关非利士人ê问题。久长以来，以色列民族kah非利士人之间一直是冤家不断。非利士人khiā起ê所在ē-sái讲是迦南地siōng肥ê地区，包括沿海ê城市有亚实突、亚实基伦、迦萨，kah比较khah内陆ê迦特、以革伦等五个城市。当地拜ê是「大衮神」（参考撒母耳记上五：2），以及迦南人siōng崇敬ê神明巴力・西卜（参考列王记下一：2）。In mā是非常慓悍善战ê民族，bat kā以色列人phah得落花流水，连约柜lóng抢夺过去（参考撒母耳记上四：10—11）。虽然án-ne，tī以色列人民ê眼中，非利士人iáu-koh是无清气ê民族而轻视in ê身分（参考士师记十五：18，撒母耳记上三十一：4）。

Chit章mā谈起关系非利士人ê一kóa城市被攻打ê情景，包括迦萨、亚实基伦等chit两个城市在内，m̄-koh却差不多看bē-tio̍h这两城市有任何反应，这mā teh表示chit两个城市ê伤亡非常惨重。

第1节，「tī埃及王进攻迦萨」，埃及是tī南部，m̄是北部，而第2节soah讲「北方」，这是teh指巴比伦帝国。chit-má ê问题是：新兴ê大帝国是巴比伦，应该m̄是埃及。Tī《七十人译本》圣经中就无chit句「tī埃及王进攻迦萨」，直接就提起「有关非利士ê事」，因为án-ne，有bē少圣经学者认为chit句「tī埃及王进攻迦萨」是出tī编辑者家己加上ê注脚，m̄-koh却是错误ê注释。

M̄-koh mā有kóa学者认为chit篇预言真可能是历史背景ê无仝，并m̄是teh谈论主前568年以后ê事，却是tī主前605年ê事件，hit时埃及确实为tio̍h beh预防巴比伦帝国tī巴勒斯坦地区成做龙头老大，而影响tio̍h埃及tī中东地区之经济利益kah影响力，因为án-ne，派兵去攻打巴比伦。就tī迦基米施一役，埃及输了（参考四十六：2），而巴比伦帝国tī he年却趁势攻打了非利士人ê城市，而且造成真大ê伤害，这就是chit首诗歌第5到7节所描述ê内容。
 
第2节，chit节提起「河水tī北方涨起来，成做一股泛滥ê洪流」，这是用尼罗河泛滥成灾ê景象形容teh beh来攻打非利士人ê巴比伦军队ê势力，表示力量大到无法度抵挡，唯一避免灾难ê方式，就是赶紧逃走。

第3节，「战马萧萧」、「战车辚辚」、「车轮辘辘」等，chiah-ê词句lóng是teh形容巴比伦军队ê雄壮样式，连原本siōng真gâu相战ê非利士人mā只有ē-tàng坐以待毙，根本就无力反抗。

第4节，这是比较khah麻烦ê一节，因为「泰尔」kah「西顿」并m̄是非利士人ê城市，却是属tī腓尼基人ê城市，mā是沿海城市。会hō͘列入攻击ê对象，真可能kah chit节下半句「灭绝tùi迦斐托岛沿海来ê遗民」有关。这「迦斐托岛」是非利士人ê发源地（参考阿摩司书九：7），tī创世记第十章14节真清楚记载，非利士人就是「克里特人」ê kiáⁿ孙。In后来移民到迦南地ê沿岸地区定居。

有一个可能是因为非利士人ê「亚实突」、「亚实基伦」、「迦萨」等chit三个城市，lóng是属tī沿海地区。Á沿海城市有一个特色，就是经济贸易往来频繁，因为án-ne，巴比伦帝国kā kah非利士人来往密切ê城市mā lóng算入攻击ê对象，这有一个重要作用，切断经济来源。另外一种可能，就是泰尔kah西顿bat tī物资上支援非利士人抵抗巴比伦军队，因为án-ne连带成做被攻打ê对象。

第5节，chit节用「悲伤」、「死寂无声」等等chiah-ê词表示「迦萨人」kah「亚实基伦人」遇tio̍h巴比伦军队严厉攻击ê结果是伤亡非常惨重，这两城市ê非利士人差不多无法度承受了，情况严重到teh要被灭绝，致使连hoah叫ê声音mā无了。

第6到7节，chit两节讲这两城市ê非利士人祈求上帝罢手饶了in，m̄-koh上帝显然并无接受。可见这两城市ê人tī上帝眼中必定是非常恶质。Chia所谓「上主ê宝剑」，意思是teh指巴比伦军队。因为巴比伦就是上帝ê奴仆（参考廿五：9、廿七：6、四十三：10），奴仆只听主人ê命令行事，因为án-ne，如果上帝无喊停，巴比伦ê军队kan-taⁿ会继续进兵攻击，bē罢手。M̄-koh上帝beh「叫它挥动phut刣」，除非有上帝ê命令，若无，上帝ê奴仆—巴比伦军队—kan-taⁿ会继续攻击。