耶利米书 33章14节 到 33章26节   背景资料  上一笔  下一笔
Chit段信息充分表明上帝是信实ê,他所应允ê事,一定会成就。Tī chit段经文中,koh一pái强调了tùi大卫kiáⁿ孙中出现新ê君王,而利未支族ê人会永远担任祭司。这lóng teh表明是回乡了后ê新局面已经出现。

第14到16节,thang对照第廿三章5到6节ê经文来看,会发见chit两段经文ê内容真类似。

Chia讲上帝beh实现他ê「诺言」,「为大卫兴起正义ê『枝子』」,chia ê「枝子」表示新ê统治者kā出现(参考以赛亚书四:2,耶利米书廿三:5)。Chit位新ê统治者会是一个「正义」者,伊会用正义治理国家,hō͘人民ē-tàng「安居乐业」,并且「享受太平」。

第17到18节,「大卫ê后代kā永远统治以色列」,chit句话thang参考撒母耳记下第七章12到16,列王记上第二章4节、第八章25节、第九章5节,历代志上第六章16节、第七章16节。

「利未支族kā永久作祭司」,chit句话thang参考民数记第廿五章13节所提供ê历史背景,就thang知影亚伦ê孙á,mā就是以利亚撒ê kiáⁿ非尼哈,因为出来阻止以色列人民kah摩押cha-bó͘-gín-á行淫,chiah消除了上帝ê忿怒。因为án-ne,上帝表示beh kah非尼哈立约,hō͘伊ê kiáⁿ孙永远作祭司。就亲像上帝应允beh hō͘大卫ê后代永远统治以色列仝款。

第19到22节,chit段经文koh一pái重申上帝beh实践他tī第17到18节所提起ê应允。Chia用「日时暗夜」来表示只要天地存在,上帝ê应允就会永远存留,「无法度废弃」。上帝对大卫kah利未家族ê应允,mā会亲像án-ne永远保存落去,「无法度废弃」。M̄-nā án-ne,这两家族ê「人数增chē」,而且是chē到ná亲像「天顶ê星,海滩ê沙粒,无法度数算」,chit种应允,表示上帝对in极大ê赐福,ná亲像上帝对亚伯拉罕ê赐福仝款。

第23到26节,chit段经文koh一pái重申第20节所讲ê,上帝既然kah他所创造ê宇宙「天地」立约,而且chit-ê约是「无法度废弃」ê,仝款ê,上帝对「kah雅各ê后代kah我ê奴仆大卫所立ê约」mā仝款bē废弃。因为án-ne,上帝beh展开他大能ê手,而且用「仁慈」来对待过去bat被他严厉惩罚过ê以色列子民,并且beh带领「in tńg来故土,重整家园」。

重新查询 专卷研经 耶利米书系列
错误回报,请联系comm[@]fhl.net