耶利米书 3章1节 到 3章18节   背景资料  上一笔  下一笔
Tùi chit章开始,是一系列用犹大人民对上帝不忠做主题而编写ê诗歌。Chit章iáu-koh继续tio̍h第二章2到3节所提起ê一个重要主题:以色列民族作为上帝ê「bó͘」,却对kah伊有婚约ê丈夫—上帝—无忠实。另外一个主题是上帝kah以色列人民之间ê关系,就ná亲像父母kah kiáⁿ一般(参考三:4、19)。Chit种编写法,真亲像何西阿书作者,Tī该册tī第一到三章用夫妻来形容上帝kah以色列人民ê关系,然后tī第十一章1到9节转变成父母kah子女仝款。Chit种笔法mā像以西结书第十六章,叙述以色列人民原本是弃婴,被上帝扶养长大,了后就kah上帝结为夫妇。无论是用父母kah子女,á是丈夫kah bó͘ ê关系做譬喻,lóng环绕tī一个重要主题上:上帝对以色列民族有真诚恳ê疼。

Chit段经文koh重tńg来到一个重要主题,mā是延续第二章26到37节经文ê问题,上帝kah以色列民族之间原本有夫妻亲密关系,m̄-koh in却背叛上帝去拜偶像神明,而in明明知影这是m̄-tio̍h ê事,m̄-nā做iáu否认,这是上帝siōng oh得容忍ê事。因为án-ne上帝真清楚指出in犯罪ê证据。先知耶利米讲上帝以历史作背景,指出in tī约西亚王ê时代所犯之错误。先知耶利米传出上帝ê呼吁,希望犹大人民ē-tàng清楚知影上帝对in ê疼kah期待。只要in悔改,上帝一定会重新带领in,hō͘ in ê国家kah民族koh一pái兴旺。

第1到3节,chit段经文就真清楚指出犹大人民ná亲像一个不安分ê bó͘,不时「kah有khah好情郎私奔」,指出in一方面teh敬拜上帝,一方面koh去拜偶像神明(参考耶利米书二:20)。先知以西结mā真清楚指出,犹大人民是tī「每一座大山、每一个山峰顶面,tī每一棵绿树kah橡树下底」lóng有祭拜过偶像留落来ê记录(参考以西结书六:13)。Á chit种无清气ê淫乱(是用夫妻关系来讲)行为非常普遍,到处lóng有留落来犹大人民拜偶像ê痕迹,只要「举目看māi hiah-ê山头」,就会发见hia充满tio̍h犹大人民设置拜偶像ê祭坛。In像妓女一般tī路边招揽嫖客,mā「kah-ná阿拉伯人埋伏旷野」而过往ê商旅便是in ê猎物,in恶行「玷污了」上帝赏赐hō͘ in khiā起ê土地,这已经teh暗示 in kā无法度继续khiā起tī上帝赏赐hō͘ in chit块圣洁koh肥ê土地,因为in犯罪ê行为,hō͘土地受tio̍h牵连(参考创世记三:17)。M̄-nā án-ne,即使in khiā落来,上帝mā会hō͘「甘霖不降,春雨不下」。其实,以色列人民会转向去拜巴力,主要原因就是in认为巴力神明是掌管土地生产kah降甘霖kah春雨ê神,m̄-koh taⁿ上帝无koh降落甘霖kah春雨,就是beh hō͘以色列人民看māi巴力神明祭拜ē-tàng hō͘ in甚么。M̄-koh就算先知耶利米提出chit种警告,犹大人民iáu是无任何悔改认罪ê意念,这mā表示in并无感觉去拜偶像神明有甚么错误。

第4到5节,chit两节讲犹大人民tńg来chhōe上帝,in一方面讲上帝是in ê「老父」,tùi in尚且「幼年」ê时就疼teh疼in。而且in mā深知上帝ê特性,就是bē「久长忿怒」(参考诗篇一○三:9)。M̄-koh in并无因为án-ne而koh khah珍惜,反tńg是koh khah放荡,去做上帝看做邪恶ê事。

第6到10节,「约西亚作犹大王」,伊是tī主前640到609年作犹大王,mā是犹大王国最后一位热心改革,带领南国犹大人民重tńg来敬拜上帝ê君王。Chia讲「ná不贞洁ê cha-bó͘人以色列」,这是teh指北国以色列人民对上帝不忠ê意思。Á南国犹大人民看见上帝以「弃sak」ê方式严厉惩罚北国以色列人民ê时「并无惊」(这是teh指主前721年,上帝hō͘亚述帝国消灭北国以色列),反tńg自甘堕落,mā沦为娼妓,一点á mā「不感觉见笑」,虽然看起来kah-ná有悔改ê款「tńg来」,m̄-koh chit种悔改只是外表,并m̄是「出tī诚意」,因为鉴察人心ê上帝,非常清楚犹大人民心内ê意念。Chit点mā讲出当约西亚王认真推动宗教改革运动ê时,南国犹大人民并m̄是真正彻底改变,却是应付国王ê命令而已。因为án-ne,当约西亚王往生后,人民真紧to̍h koh tńg来到以前样式了。若是人民lóng确实遵行约西亚王ê改革,就bē因为国王往生,就随时改变tńg来到以前。

第11节,chit节讲出北国以色列人民虽然弃sak上帝,m̄-koh南国犹大koh khah糟。Mā就是讲南国犹大人民犯罪ê情况koh khah严重(参考以西结书廿三:11)。

第12到13节,chit两节提起上帝ài先知以西结去向北国以色列人民传达信息。虽然in ê国家灭亡了,m̄-koh以色列人民若是悔改,iáu是有机会得tio̍h上帝ê救助。因为上帝对in ê「爱无变」,而且上帝是bē永久向他ê子民「受气」(参考诗篇一○三:8—9、一四五:8)。悔改认罪ē-sái讲是kui本圣经ê中心信息。

第14到18节,这是一段新ê应允,上帝会带领四散各地ê以色列人民tńg来到故乡,koh khah重要ê是,当上帝拯救来临ê时,「以色列kā kah犹大联合」,这表示tùi罗波安执政开始分裂ê以色列民族,kā重新成做一个国家。M̄-nā án-ne,上帝beh赏赐hō͘ in一个统治者会用「聪明kah智慧来统治」,hō͘原本已经荒废ê所在重新「繁盛增chē」,而「万国万民lóng tio̍h聚集」tī耶路撒冷敬拜上帝。

另外一方面,第14节提起讲上帝beh tùi in ê「每一城市选出一人,tùi每一宗族选出两人,带tńg来锡安山去」,chit句话就是先知信息中一再出现ê「劫后余生」á是「残存子民」ê观念,mā就是上帝对以色列民族特别ê疼,会为in留落来民族ê命脉。

Koh讲,tī一个新时代来临ê时,「约柜」,这原本表示上帝同在ê记号,以后be7 koh是敬拜ê中心,有上帝同在远比chiah-ê象徵ê物件koh khah重要。因为过去in虽然tī圣殿ê至圣所khǹg约柜,却仝款去拜偶像神明,甚至后来tī圣殿里iáu会khǹg tio̍h偶像神明,根本是亵渎了上帝ê神圣,这mā是上帝受气ê原因。

重新查询 专卷研经 耶利米书系列
错误回报,请联系comm[@]fhl.net