耶利米书 2章26节 到 2章37节   背景资料  上一笔  下一笔
Chit段经文真清楚指出犹大人民改认chiah-ê偶像神明当做in ê父母,m̄-koh chiah-ê是虚假ê神,并无会救人,颠倒ê,kan-taⁿ会带领信徒误入歧途而已。Mā koh一pái重复头前所提起过ê问题,清楚说明犹大人民遭遇ê灾难,是tùi上帝来,因为in背叛了上帝,并且iáu杀害上帝ê奴仆。

第26到27节,先知耶利米tī chia用「贼á」一词来形容犹大人民拜偶像神明ê样式,既惊上帝知影,却爱拜偶像神明到差不多ná亲像惯窃仝款ê程度,无法度约束家己ê行为。M̄-koh in chit种行为lóng显露出来,无法度隐藏,而且m̄-nā是人民弃sak上帝,去拜偶像,连「君王、官长、祭司、先知」,chiah-ê社会领袖mā是仝款带领人民「背离了」上帝,竟然是「认木头作爸爸,叫石头作妈妈」,m̄-koh chiah-ê lóng kā为in带来灾祸。

第28节,「犹大人,lín ê神明像lín ê城市仝款chē。」chit句话thang参考第十一章13节。M̄-koh chiah-ê lóng是虚假ê神明,当犹大人民tú-tio̍h灾难ê时,chiah-ê虚假ê神明并无法度来救助in,而tī chia ê时,in却ài上帝拯救in。chit-má先知耶利米ài in去向chiah-ê偶像神明求救pah。

第29到30节,上帝指控犹大人民m̄-nā拒绝上帝奴仆先知ê劝勉,甚至iáu「杀害家己ê先知」(参考廿六:20—23,尼希米记九:26),这表示犹大人民ê心已经硬化到极点bē-sái(参考耶利米书五:3)。

第31到34节,虽然是án-ne,chit位慈悲ê上帝iáu是呼吁犹大人民一定会回头过来归向上帝,m̄-thang像是一个「久长bē记得」上帝ê选民。

Tī第32节chia用婚礼用ê贵重装饰品来譬喻,一个新娘绝对bē bē记得家己beh穿ê新娘「礼服」,kah所beh配戴ê「珠宝」。因为这是结婚hit工一定会穿戴ê物件。M̄-koh,悖逆ê犹大人民却bē记得,á是故意遗弃m̄免。因为in ná亲像个淫妇仝款,只知影「追求情郎」,比起ná「siōng淫荡ê cha-bó͘-gín-á」有过之,而koh khah严重ê,是因为去拜偶像ê虚假之神,因为án-ne,就胆敢去做ná欺压「sàn-chhiah人kah无辜者」ê事,残害别人ê性命,chit种流「无辜者ê血」,特别是teh指献儿童为祭hō͘神明(参考列王记下十六:3、十七:17、廿一:6、廿四:4,以赛亚书五十七:5)。Chiah-ê gín-á lóng是「无侵犯」ê能力者。这是上帝绝对bē罢休ê事。
第35节,tùi chia thang看出in做chit种残害无辜者,m̄-nā「m̄承认家己ê罪」,却hoah冤枉讲家己是「无辜ê」,并且真自信地认为上帝ê「忿怒已经消失」,其实无,上帝ê受气正炽,而且已经发出大受气。换句话讲,in对上帝ê认知已经错误。

第36到37节,先知耶利米传出上帝ê话,讲犹大人民「贬低家己,转向异国ê神明」,而想走chhōe「埃及」á是「亚述」庇护in免遭巴比伦帝国ê侵犯,m̄-koh结果这两国lóng hō͘ in失望,而且beh hō͘ in蒙羞、狼狈四界乱窜逃走。Mā因为上帝「弃绝」in,beh毁坏所有ê偶像神明,用chit种方式hō͘ in丧失所有ê一切,这是上帝用来惩罚in ê方式。

重新查询 专卷研经 耶利米书系列
错误回报,请联系comm[@]fhl.net