耶利米书 2章14节 到 2章25节   背景资料  上一笔  下一笔
Chit段经文真清楚teh说明犹大人民会受苦,并m̄是其他ê原因,却是因为in弃sak上帝,拒绝上帝当in ê守护者。先知耶利米tī chia用两种内容来说明,一是变种ê葡萄树,另外一是性欲冲动ê野驴á。主要teh呼吁犹大人民tio̍h醒悟过来,m̄-thang认为藉tio̍h强大国家就ē-tàng得tio̍h庇护,排除国难,若上帝不伸手救助,任何人间ê气力lóng无法度挽tńg来teh beh灭亡ê结果。

第14节,先知耶利米提出chit-ê问题:为甚么会有「敌人beh追捕」犹大人民?In koh m̄是「奴隶」。

第15到17节,chit三节已经tī预言犹大人民会受tio̍h严厉ê惩罚,chit种惩罚是上帝透过敌人来攻击in。Chia形容敌人ná亲像凶猛ê「狮」张牙咆哮,准备ài拆裂、吞食in,而这狮是teh指亚述帝国。虽然犹大ê犹大人民认为走chhōe埃及(chia用「挪弗人」kah「答比匿」作代表)thang庇护in,结果m̄-nā无保护,反tńg是带来侮辱。Á chiah-ê lóng是犹太人「家己招来这灾祸」。
第18到19节,thang参考第36节。

Chia意思真清楚,指犹大人民弃sak上帝,认为埃及kah亚述帝国是siōng好ê óa靠,其实,he是极大ê错误想法。原因兴起巴比伦帝国当奴仆ê是上帝ê旨意(参考耶利米书廿五:8—9)。Á chit时chūn ê埃及已经自身难保,它根本就无法度出兵来庇护犹大;亚述帝国tú-teh颓废中,国势已经大不如以前,想beh去chhōe亚述帝国帮忙,是一点路用mā无。弃sak上帝ê结果,kan-taⁿ会带来严重ê苦难。上帝会用各种方式来惩罚ná kah他有约,却悖逆他ê子民,惩罚ê方式,除了会透过自然界ê气力,mā会用犹大人民siōng讨厌、惊惶ê仇敌作武器。

第20节,上帝指责以色列民背叛上帝,「不服从」上帝ê「权威,mā不「敬拜」上帝,故意在「每一座山头壳顶,每一丛绿树下」,lóng有「留落来」in「跪拜繁殖神明ê痕迹」,chit种控诉m̄-nā是tī先知耶利米ê信息中,mā出现tī先知以西结ê信息里(参考以西结书六:13)。Chia提起所谓「繁殖神明」,指ê就是巴力,是迦南地人所崇拜ê生产之神。Á「跪拜繁殖」,chit-ê词原意是teh指「性交」ê意思。

第21到24节,chit节thang参考以赛亚书第五章1到2节。

Chia说明上帝「栽种特选ê果子树」、「siōng好ê葡萄种」,chiah-ê用词lóng teh表示以色列民族是经过上帝特别筛选出来ê。诗篇第八十篇8到11节诗人描述这棵葡萄树,是上帝tùi埃及带出来ê,而且是栽种了后,根深入在地下脚,枝藤蔓延到相当广阔泛之地。Ē-sái讲是chiah-ê siōng好ê「葡萄种」竟然「变了种」,hō͘这特别选出来ê葡萄树变成「劣等」、「lóng无价值」,原因是in ê「罪恶」非常严重,而且是无论是「用碱、用茶kho͘洗荡」mā lóng无法度清除。Chit种罪恶,就是in拜偶像已经到à ná亲像「狂奔ê野骆驼」,mā「像性欲冲动ê野驴á」,只要想beh交配,就会四界chhōe对象,而且是出现「杂交」ê现象,完全「无法度控制」了,mā隐喻tio̍h犹大人民拜偶像ê严重性。

第25节,tùi chit节thang看出犹大人民拜偶像神明狂热ê程度,是行到à「脚破」,喊叫到咙喉「干渴」疼痛、无声,虽然有先知ê警语,kah劝勉,m̄-koh in lóng m̄-thang「回头」,in是「爱上了异国神明」,因为án-ne,上帝绝对bē就此罢休,一定会「追究到底」。因为若是m̄ hō͘ in严厉ê惩罚,in绝对bē醒悟过来。

重新查询 专卷研经 耶利米书系列
错误回报,请联系comm[@]fhl.net