耶利米书 19章1节 到 19章15节   背景资料  上一笔  下一笔
众先知不时会用象徵性ê动作,作为传达上帝信息ê方式,亲像先知以西结就bat食下一卷册卷,册卷就是代表上帝ê话语(参考以西结书三:1—3)。chit-má上帝ài先知耶利米去买一个陶器瓶子,然后kā这瓶子phah碎(参考耶利米书十九:1—10),用此来象徵犹大kah耶路撒冷会亲像这破碎ê瓶子仝款,遇tio̍h毁灭ê结果(参考耶利米书十九:11—15)。瓶子,这表示已经捏好成形,并经过土窑烧制定型ê器具,摔破成碎片,就无法度重新koh再制,只有ē-tàng当做废物弃sak,hō͘人践踏而已。

第1到2节,chia提起「民间ê长老kah年长ê祭司」,前者是主管民间事务,后者是管理宗教事务。Tī犹大人民社会中,chit两种人lóng有非常ê社群决策之力。上帝ài先知耶利米去买「一个陶器瓶子」带chit两种社会代表到耶路撒冷城外ê「欣嫩子谷」,然后上帝beh藉tio̍h先知耶利米手上ê瓶子宣告信息。

Chia ê「碎陶门」,是teh指破碎ê瓦片聚集ê所在。意思是teh指陶匠做得不满意ê陶器,á是民众厝里破碎ê陶器物件,lóng会被the̍h-tio̍h chit-ê所在来弃sak。

第3节,chit节thang参考列王记下第廿一章12节,内容仝款。先知耶利米呼吁chiah-ê「犹大ê君王kah耶路撒冷人」,lóng tio̍h「注意听」上帝ê话。因为上帝讲「beh降大灾难tī chit所在」,chit种消息必定会hō͘听tio̍h ê人非常震撼,非常艰苦心、痛苦。

第4到9节,chit段经文是teh指出上帝会降落大灾祸,是因为犹大人民「弃sak」上帝,去「向别ê神明献祭,污染了这土地」。因为ná土地是上帝赏赐ê,因为án-ne,tī上帝赐福ê土地顶面拜偶像神明,就等于是teh侮辱上帝仝款。Mā因为chiah-ê众领袖弃sak上帝ê教导,结果就做出严重错误ê行为,就是「Kā无辜者ê血洒遍chit-ê所在」,而chit种谴责kah警语一再出现tī先知耶利米ê信息中(参考二:34、七:6、廿二:3、17、廿六:15)。chit-má上帝beh「挫败」「犹大kah耶路撒冷人民」,就kah-ná kā陶器ê瓶子phah倒、倾斜,hō͘内面装ê物件lóng漏光仝款,hō͘ in tùi杀害无辜者所掠夺来ê,全部流失伊去,hō͘ in过去所有ê一切lóng消失殆尽,敌人beh来刣了了in,连in ê身躯mā保不住,因为有「飞鸟行兽」会来吞食in ê「尸体」,甚至出现一定tio̍h「食厝边ê肉」来充饥ê悲惨景象。其实,早tī北国以色列时代就发生过类似ê惨剧(参考列王记下六:24—29)。

第10节,chit节回应了第1节,先知耶利米买了陶器瓶子,行到垃圾场mā是坟场ê欣嫩子谷,然后tī众人面前kā ná瓶子phah破,表示犹大kah耶路撒冷kā像ná陶器瓶子仝款,被摔pháiⁿ成碎片,无法度koh再修复、使用。真有可能,伊是一面讲,一面the̍h瓶子敲打击破。

第11到13节,chit段经文是上帝ài先知耶利米kā他ê信息传hō͘以色列人民,hō͘ in知影上帝beh消灭in,耶路撒冷城ê「粉碎」,ná亲像先知耶利米手上the̍h ê瓶子被敲碎,「无法度修补」仝款ê严重。上帝会彻底毁灭chit-ê城kah人民,因为in ê国家四界lóng充满tio̍h拜偶像ê记号。

第14到15节,chit两节等等于koh一pái确认头前所讲过,上帝beh用siōng严厉ê方式惩罚,叫醒以色列人民。这mā teh表示一个重要ê信息:上帝所讲ê话,一定会应验。上帝决定án-ne严厉惩罚in,是因为in「固执m̄听从」,即使面临被灭亡ê危险关头,犹原一丝á 都无愿意悔改、认罪,归向上帝ê迹象。

重新查询 专卷研经 耶利米书系列
错误回报,请联系comm[@]fhl.net