Chit段经文记载先知耶利米看见两个异象，这异象是上帝beh hō͘伊传达ê信息。然后，上帝teh表明beh kah先知耶利米同在，并且hō͘伊真清楚知影会tú-tio̍h犹大社会领导阶层者ê攻击，ē-sái讲是上帝一定会「解救」伊。

第11到12节，这是第一个异象，上帝hō͘先知耶利米看见「一条杏树枝子」。Tio̍h注意ê是「杏树枝」ê希伯来文，kah「儆醒」chit-ê词ê字根真接近。「杏树」通常是tī一月底到二月初之间开花。上帝透过杏树异象hō͘耶利米知影，上帝beh伊传达ê信息，是一定会「实现」。

第13节，这是第二个异象出现。「北方有一个滚沸ê锅，向chit pêng倒过来」，这是一种象徵性ê语句。「北方」，这是teh指巴比伦帝国。Á「滚沸ê锅」，表示只要被淋到一定会受tio̍h严重ê烫伤。chit-má上帝hō͘先知耶利米看tio̍h chit-ê滚沸ê锅会倒向犹大国，表示犹大国会亲像受tio̍h严重ê烫伤一般。

第14节，thang参考以赛亚书第四十一章25节。

Chit节表示灾难会来自北方，严厉打击犹大人民khiā起ê耶路撒冷kah附近城镇。

第15到16节，chit两节真清楚讲出上帝ê计画，就是beh hō͘北方ê国家联合起来，同齐攻打犹大国，chiah-ê联合起来攻打犹大ê国家，会分割占领各自占领ê城镇，「建立in ê政权」，意思是占领并统治犹大。原因是犹大人民「所犯一切ê罪恶」，chit种罪恶就是「弃sak了」上帝，in去做上帝siōng讨厌ê事，就是拜偶像「献祭hō͘别ê神明」。

第17节，上帝ài先知耶利米「准备好势」，kā上帝ê话kā犹大人民讲。上帝beh伊「准备好势」，是因为一定会tú-tio̍h强力ê反弹。无论tú-tio̍h jōa大ê困难，lóng tio̍h kā上帝ê话传达出去。

第18到19节，chit两节mā thang参考第十五章20节。

上帝真清楚hō͘先知耶利米知影，伊出去传福音，并无会真顺利，却是会tú-tio̍h强力反弹、阻挡。Chiah-ê强烈反对伊ê人包括「君王、官长、祭司」kah一般人民。其实thang án-ne讲，就是因为人民无觉醒，chiah会hō͘ chiah-ê国家领导者弃sak了上帝。M̄-koh即使án-ne，上帝应允先知耶利米，讲beh赐hō͘伊有够额ê「力量抵抗in」，chit种力量之大，ná亲像「堡垒、铁柱、铜墙仝款坚强」