旧约圣经中siōng出名ê一段经文说明有关拯救者—弥赛亚—ê预言，就是用赛亚书第九章2到7节。Chit段经文mā是用赛亚书tī第一到十二章中，先知以赛亚四首非常激励以色列人民ê诗歌中ê第三首。

先知以赛亚得tio̍h上帝chit种启示，mā teh说明一件事：上帝绝对bē bē记得他ê子民，他是信实ê上帝，一定会遵守kah他子民之间所立ê约。只要in听从上帝ê话语，tī艰困ê生活环境中必定有够额ê性命力存活落去。

    Chit章第一段提起希望ê诗歌外，第二段是tùi第8到22节，提起ê是上帝对以色列人民m̄知悔改而决定采取惩罚ê行动。

Chit段诗歌ê背景应该是tī主前733到732年之间所发生ê，是亚述帝国ê皇帝提革giú・比列色三世，伊率兵攻打北国以色列，致使北部真chē支派ê城镇受创甚重，m̄-nā城镇被占领，而且人民mā陆续hông掠去贩卖做奴隶（参考列王记下十五：29）。上帝透过他忠实奴仆先知以赛亚传出这希望ê信息，主要就是tī说明：上帝珍惜kah他立约ê子民，必定会拯救in脱离苦难。Ná亲像头前讲过ê，chit首诗歌hông称做「弥赛亚诗歌」，就是tī说明上帝ê拯救teh-beh临到，生活Tī痛苦中ê人民，性命有得tio̍h拯救ê希望。

马太福音作者引用了第1节kah第2节ê经文来绍介耶稣，讲伊出来传天国ê福音，就是带hō͘当时巴勒斯坦地方hiah-ê人性命ê希望。「西布伦kah拿弗他利两支派所khiā起ê所在」，这是设tī加利利湖ê西边，「拿弗他利」是tī比较khah偏北ê所在。Tī约书亚分配土地ê时，有真清楚记载chit两支派所得tio̍h ê土地边界范围（参考约书亚记十九：10—16、32—39）。「bat被藐视」，thang参考列王记下第十五章29节所提起ê，这两地区ê以色列人民lóng bat被外邦人亚述帝国所占领。「异族khiā起ê加利利」，chit句话是只有先知以赛亚会án-ne讲，chit句话mā讲出北部ê加利利被亚述帝国并吞了后，改为亚述ê行省之一。因亚述帝国大量移民进入chit地区khiā起（参考列王记下十七：24）。Tùi先知以赛亚chit种语句mā thang看出chit时北国以色列已经亡国了。

第2节，「乌暗」kah「死荫」、「大光」kah「照耀」，这是两组对照ê词句。圣经作者欢喜以「乌暗」表示死亡，无性命ê希望；用「光」来表示性命有ǹg望。「死荫」mā teh表示被「死亡ê阴影」罩tiâu tio̍h。「以往」kah「chit-má」，mā呈现出时间上ê差别；「以往」讲出亡国了后，而「chit-má」则上帝ê应允、拯救。

第3节，chit节诗歌讲出有上帝拯救ê所在，必定会带来「极大ê喜乐」，这「喜乐」mā表示国家khah强盛起来。M̄-nā án-ne，iáu提起未来会「像人收割农作物」kah「像人teh分享战利品」。

第4节，chit节连续提起三种压迫人民ê工具，包括「锁枷」、「鞭子」、「棍子」等，先知以赛亚讲上帝beh kā chiah-ê物件「粉碎」、「扭断」、「at断」，意思是hō͘受tio̍h压迫ê人得tio̍h释放。

第5节，「靴管」、「战衣」，这lóng是战场上军人一定有ê装备。chit-má因为无koh有战争，因为án-ne，就算珍贵ná亲像「靴管」ê物，mā bē有人想beh去夺取来用，却是会kā它烧掉。

第6到7节，chit两节讲出一个全新ê希望，就是有一位新ê王beh出来统治。Chit位teh beh来临ê新王，是tùi大卫ê kiáⁿ孙出来，kah第十一章1节、10节所预言ê仝款。M̄-koh khah重要ê，这婴á m̄是来自人ê培养，却是上帝所赏赐ê。因为是tùi上帝来ê赏赐，chiah是真正智者。先知以赛亚讲出chit位新ê王有几个特性：

一是「奇妙ê导师」，意思是chit位君王是贤明ê，有智慧ê，而且知影怎样去执行所计画ê治国大业。

二是「全能ê上帝」，mā thang做「神圣ê战士」解释。意思是讲chit位君王就亲像上帝hit种伟大，无任何人ē-tàng phah败伊。

三是「永恒ê老父」，chit位君王ná亲像慈爱ê老父仝款，一直lóng teh照顾伊ê人民、子民。

四是「和平ê君王」，表示chit位贤明ê君王带hō͘伊ê子民是和平，hō͘伊ê人民有安乐繁荣ê生活。

五是会用「公平正义」作为「统治ê基础」，这是维护一个社会siōng基本ê要件。当圣经teh用「公义」一词形容上帝ê时，mā同时是teh表明上帝是慈悲怜悯，有丰富ê疼。

「万军ê统帅决意beh成就这一切」，这是一种保证，是带有永bē改变ê应允、应允。只要是上帝所决意ê事，一定会成就。