以赛亚书 8章1节 到 8章22节   背景资料  上一笔  下一笔
Chit章继续谈及有关亚述帝国兴起,北国以色列kah叙利亚想beh联盟抵挡亚述帝国ê侵犯,m̄-koh并无想像中hit种如意,in反tńg为家己带来koh khah大ê灾难,而这灾难是因为上帝决定无koh看顾in,chhut-chāi in离开,致使国家灭亡,人民hông掠去做奴隶。

第1节,chit种写字tī「大板」上,而且一定tio̍h是用「正楷」来写,为tio̍h是beh hō͘人人lóng看会bat chiah-ê公告ê意思。「快抢、速夺」,这是人ê名ê意思,原本名是「玛乌珥沙拉勒哈施罢斯」。Chit-ê名已经teh暗示:敌人会真紧to̍h来到,而且敌军力量甚强。

第2节,「chhōe两个可靠ê人」,原因是ài in「做证人」,而这两人中间有一位是祭司「乌利亚」,伊tī亚哈斯王执政期间负责tī圣殿事奉(参考列王记下十六:10—11)。另外一位「撒迦利亚」,真可能就是历代志下第廿九章1节所提起希西家王ê外公「撒迦利雅」。

第3到4节,上帝ài先知以赛亚kā gín-á号名第2节所讲ê「紧抢、速夺」。Tú好说明亚述帝国ê兴起,其军事力量崛起ê速度非常紧,就算叙利亚kah北国以色列真紧to̍h因应国际局势发展而联盟起来,m̄-koh iáu是无法度抗拒亚述帝国坚强武力ê侵犯。Chia提起「大马士革所有ê财产」,chit句话ê另外一个意思,就是消灭ê意思。Á「撒马利亚ê战利品」,这是teh指亚述帝国已经侵犯tio̍h北国首都撒马利亚。

第5到8节,chia讲「西罗亚溪ê慢流」,chia用「慢流」是teh表示上帝ê照顾、扶持之力,á是上帝hō͘ in ê气力。M̄-koh显然地犹大王并无听先知以赛亚传出ê信息,上帝会允准亚述帝国会入侵犹大,为tio̍h是beh惩罚背逆上帝ê犹大人民。Chia用「大水,造成泛滥」、「山洪」等词,lóng teh表示亚述帝国ê雄厚军力,是无法度抵挡ê。

Chia koh一pái提起「以马内利」Chit-ê名,表示上帝会kah属tī他ê子民同在。Tī第10节koh一pái提起一pái,说明óa靠上帝ê人,必定会得tio̍h上帝ê庇护。Tī chia讲上帝ná亲像鹰鸟「thí开翼股,保护」细只鸟á般ê,譬喻上帝无微不至ê看顾犹大ê土地kah人民。

第9到10节,chia ê「列国」,是teh指叙利亚kah北国以色列。Á「远方ê人」是teh指亚述帝国。无论是叙利亚á是北国以色列,甚至侵犯者亚述等,mā lóng会tī上帝ê手下崩溃。因为上帝一定会庇护他ê子民。

第11到15节,chit段经文是上帝亲自对先知以赛亚所讲ê话,ài先知m̄-thang跟tòe民众行,只要听从上帝ê旨意就对了。拒绝听从上帝ê旨意,结果会hō͘上帝ê罗网所绊tòa。

第16到17节,chia讲「我ê众学徒」,意思是teh指听从上帝ê话ê子民(参考以赛亚书五十:4、五十四:13)。先知以赛亚teh kā所有听从上帝旨意ê子民讲,lóng一定tio̍h「遵守上帝ê教诲」,m̄-thang因为环境变迁,就想beh放弃á是改变对上帝本来ê忠诚。对上帝有绝对信心ê人,一定会坚忍到最后。虽然kui个大环境真无好,kah-ná看bē清楚上帝ê旨意,即使是tī chiah-ni̍h孤独ê环境下,先知以赛亚真清楚表示,伊iáu-koh对上帝存坚定ê信心,永bē改变。

第18节,chit节真重要,先知以赛亚表示m̄-nā是伊家己对上帝有坚定ê信心,而且kā chit种信心传承hō͘伊ê子女,hō͘ in继续为上帝ê救恩做见证。Chia提起「上主所赐hō͘我ê kiáⁿ」,chit句话是teh指听从上帝旨意ê子民。意思是上帝一直kah信靠他ê子民同在。Á chiah-ê子民lóng kā继续见证上帝ê慈爱kah救恩。

第19到20节,chit两节是对应句。真清楚说明一件事:以色列人民(指南北两国ê以色列人民)已经受tio̍h迦南民间宗教信仰真深ê影响。特别是当君王带头拜偶像ê时,hō͘民间宗教koh khah兴盛。对tī上帝ê忠诚度就相对jú低,对上帝ê话语则jú生份。先知以赛亚ài in除去虚假ê宗教信仰,tńg来归到上帝ê面前,听从上帝ê教诲kah遵守他ê律法。

第21到22节,chit两节讲tio̍h上帝ê子民拒绝上帝ê信息了后,必定会招致灭亡。Á当国家灭亡,人民必定会hō͘掳、被贩卖去做奴隶。Tī奴隶生活中,过得非常艰辛,m̄-koh却无法度脱离。因为án-ne,in会「受气咒骂in ê国王kah上帝」,chia ê「上帝」指ê是in所拜ê偶像神明。M̄-koh chit时chūn无论án怎咒骂,mā无用,因为偶像神明是虚假ê神,任人án怎骂mā bē有任何回应。

重新查询 专卷研经 以赛亚书系列
错误回报,请联系comm[@]fhl.net