以赛亚书 59章1节 到 59章8节   背景资料  上一笔  下一笔
Chit章是续接第五十八章,先知以赛亚teh控诉以色列人民会án-ne沦落到亡国,而且人hông掠去他国做奴隶ê背景。Mā是针对耶路撒冷会án-ne被毁灭,以及后来上帝为甚么伸手救助ê经过。M̄-koh回乡后ê以色列人民,若是iáu m̄知真心悔改,tùi过去失败ê经验得tio̍h反省ê教示,iáu kah过去仝款堕落,上帝拯救ê恩典就bē koh一pái显现。

Chit段经文真清楚指出,以色列人民过去ê生活kah工作悖逆上帝ê教导,做尽上帝看做邪恶ê事,因为án-ne,虽然in bat用真隆重ê祭祀礼仪敬拜上帝,m̄-koh上帝并m̄-chhap,ná亲像第一章11到17节所提起ê,若是in无遵行上帝ê教导,就算有真chē礼拜仪式,mā是枉然。另外,值得注意ê是Tī chit段经文中,一再重复使用「Lín」共十三pái、「Lín ê」共七pái。真明确ê表达:真正ê问题m̄是tī上帝,却是tī以色列人民家己ê身上。

第1到3节,chit段经文真清楚指出上帝不垂听以色列人民祈求ê声音,是因为实在是in做尽了pháiⁿ事,m̄听上帝ê劝导,kan-taⁿ会一意孤行,而且是去伤害无辜者ê性命,chit种人ê祈祷,上帝bē听(参考约翰福音九:31)。并m̄是上帝无能力,á是m̄-thang搭救in,却是因为in所犯ê「罪」,是违背上帝ê旨意,弃sak上帝去拜偶像神明,并且欺压别人,诈取别人ê财产hō͘家己ê财富增加,因为án-ne,in虽然有敬拜,m̄-koh先知tī chia ê信息讲in ê「敬拜无效」。原因ná亲像先知tī chia明确指出ê,in ê双手沾满血,指头染满罪」,「嘴唇讲白贼,嘴舌出凶言」等,chiah-ê罪状lóng非常明确。

第4节,「上法庭,却无讲公道」,「靠tio̍h白贼诉讼」,「凭阴谋害人」等,这mā是主前第八世纪tī北国以色列法庭ê情景(参考阿摩司书五:10—12)。Á chit种行为是摩西律法中所严厉禁止ê(参考申命记十六:18—20),因为上帝无法度接受chit种恶质ê行为。

第5节,「毒蛇teh孵卵」,chia用毒蛇表示奸巧、不诚实。Mā用来代表撒旦、魔鬼ê意思。Tī chia,chit句话mā是teh指甚么人食了毒蛇ê蛋,一定会死。「蜘蛛teh结网」,意思是teh指蜘蛛结ê网是无法度用来织衣,意思he是无用ê物件。「蛋phah碎了,毒蛇就跳出来」,指做邪恶ê事ê人,m̄-nā会伤害别人,mā会伤害到家己。

第6节,「阴谋遮不住家己ê丑恶」,意思是teh指无法度满足家己ê欲望。M̄-koh为tio̍h满足需要,任何pháiⁿ事lóng做得出来,连siōng「残暴」ê「手段」lóng会使用。

第7节,「时时计画pháiⁿ事」,thang参考箴言第一章16节。意思是teh指以色列人民一再拒绝听从上帝奴仆ê苦劝,tùi无停止做pháiⁿ事ê念头。Tī in ê心中,根本to̍h无上帝,因为án-ne chiah会下手「杀害无辜,一屑á都无踌躇」。列王记作者后来teh评断犹大亡国ê原因之一,就是认为因为in ê王玛拿西王m̄-nā去拜偶像,双手iáu沾满无辜者ê血,致使上帝无法度原谅in,而hō͘犹大国沦陷tī巴比伦帝国手中(参考列王记下廿四:4)。

第8节,chia先知真明确指出是in破坏安宁。而且上帝非常清楚in所做ê一切,必定会追究。


重新查询 专卷研经 以赛亚书系列
错误回报,请联系comm[@]fhl.net