以赛亚书 53章1节 到 53章12节   背景资料  上一笔  下一笔
Chit章ê诗歌真清楚描述这受苦ê奴仆,án怎经过苦难,伊愿意承担人类一切ê罪孽,无发出任何求救ê呼声,mā无任何抱怨。而且伊「自愿牺牲性命」来「担当众人ê罪」,只为tio̍h beh唤醒众人归向上帝。

第1节,chia一开始上帝ê奴仆就问「甚么人会相信咱ê传报?」这是久长以来一再发生ê事,上帝ê信息lóng是无人愿意注意听,人只有tī性命tú-tio̍h极大苦难ê时,chiah会想beh chhōe上帝ê话来脱离苦难。Chit句话已经清楚说明上帝奴仆所传ê信息,无人愿意听。因为大家lóng kan-taⁿ会期待看见上帝彰显他ê大能,ná亲像过去显chit-má以色列人民出埃及进入旷野等神迹奇事。M̄-koh即使有chiah-ê,mā无人会因为án-ne而相信上帝ê话语、旨意。

第2到3节,chia开始就讲上帝ê奴仆受苦、受凌辱,其实「是上主ê旨意」,m̄是人ê思维有办法明白。Chit两节描述chit位苦难ê奴仆ê样式如下:

「会亲像幼苗puh芽」,chit句话thang参考以赛亚书第十一章1节,提起beh tùi耶西ê残干上抽出嫩芽。

「像花草tī炕旱ê土里生根」,表示chit位奴仆并m̄是弱禁bē-tiâu风,伊是tī siōng艰困ê环境下成长茁壮。

「无威仪,mā不iân-tâu」,「仪表平凡」ê普通人样式出现。

「被藐视,hō͘人弃绝」,这表示tī伊ê时代,无人chhap伊,虽然伊是传扬上帝ê话语,m̄-koh并无受欢迎。

「伊忍受痛苦,经历忧患」,这是上帝忠实奴仆不时会tú-tio̍h ê境遇。

「人lóng掩面m̄看伊一眼」,表示这奴仆外表所呈现ná亲像患tio̍h重病仝款,众人lóng m̄敢伊接近,ná亲像被隔离ê人。

第4到5节,chit两节说明chit-ê受苦ê奴仆,所承受ê苦难之大,并m̄是一般ê破病á是所犯ê罪过,却是远大大超过咱所ē-tàng想像ê范围之外,m̄-koh大家lóng认为伊承受chit种性命ê苦难是应该ê,认为伊是因为得罪了上帝chiah致使chit种重大结果。其实,伊是承担了人类ê「罪恶」、「过犯」,mā因为án-ne,hō͘「咱得痊愈」、「医」。这表示受苦ê奴仆是一个「赎罪者」,m̄是因为伊家己犯罪,却是伊kā hiah-ê人所有ê罪过承揽了落来。

第6节,「一阵失迷ê羊」,thang参考耶利米书第五十章6节。Chia讲「一阵失迷ê羊」,意思真清楚,m̄是指一只羊,却是整体民族ê失迷。Chia ê「失迷」一词,mā表示是离开上帝ê教导,致使偏离了正路。M̄-koh,上帝怜悯人ê「过犯」,kā这一切苦难lóng hō͘这奴仆「承担」落来,chit位奴仆ná亲像代罪羊羔仝款。

第7到9节,chit位受苦ê奴仆「受迫害,受虐待」,却ná亲像「待宰ê小羊」tī「剪毛」ê人ê手上,是「一声不响」、「一言不发」,chit种沉默ê现象,tī以赛亚书第四十二章2节bat提起过,而chit点tī先知耶利米身上就发生过(参考耶利米书十一:18)。即使伊「被拘禁,受审判,被处死」,伊lóng kā chiah-ê承担落来,无任何抗议之词出现,chit种情景ná亲像福音书所记载耶稣tī公会受审判审判,甚至kā伊判定钉死tī十字架完全仝款。Tī耶稣被钉十字架ê时chūn,伊ê身边有两个「暴徒」mā kah伊同钉十字架(参考马可福音十五:27,马太福音廿七:44),来死后,是埋葬tī「财主亚利马太ê约瑟」之墓穴(参考马太福音廿七:57)。

第10节,tùi chit节到第12节,lóng teh强调上帝奴仆受苦,其实mā是出tī上帝ê旨意、安排。换句话讲,是上帝特意hō͘他ê奴仆面临chit种遭遇,并m̄是上帝bē出手救助。Á是beh透过chit位奴仆ê受苦成做「赎罪ê祭」。

第11节,chit节真清楚指出,上帝奴仆受难,就是为tio̍h beh hō͘「众人成做义人」,并且因为án-ne而得tio̍h上帝ê「赦免」。因为án-ne,当看见上帝拯救ê恩典降临ê时,chit位受苦ê奴仆知影家己有完成了上帝所付托ê使命,就会得tio̍h「喜乐」,知影家己受苦「m̄是徒然」。

第12节,thang参考第五十二章13节。Chit节讲这奴仆ê受苦,并无出tī勉强,却是出tī「自愿牺牲性命」,表示chit位奴仆并m̄是teh图谋自身ê利益,却是在tī「自愿」为「承担众人ê罪」。因为án-ne,即使是面临死亡mā无逃避,为tio̍h是beh表达对上帝ê忠实kah顺服。


重新查询 专卷研经 以赛亚书系列
错误回报,请联系comm[@]fhl.net