以赛亚书 51章1节 到 51章16节   背景资料  上一笔  下一笔
Tùi chit章开始一直到第五十二章12节止,chit段经文提起有关上帝beh重新建造、复兴耶路撒冷。Tī chit段经文中thang看tio̍h先知以赛亚kā kui个重点khǹg tī第五十一章7到10节,形容hō͘上帝拯救tńg来到故乡ê以色列人民,欢欣鼓舞地唱歌颂赞上帝,因为上帝已经「tńg来到锡安」,重新作以色列人民ê王。Tī chit段经文中,mā看tio̍h先知重复提醒以色列人民,一定会注意听上帝ê声音(话语)。因为只有听从上帝ê声音,chiah会发见上帝ê救恩就在身边环绕tio̍h,他永远bē bē记得kah家己立约ê子民。

Chit段经文ê第1节、第4节、第7节等等共计有三pái用「听」上帝ê呼声作为主要基础。其实,kui本圣经lóng是teh kā上帝ê子民讲,一定会听从上帝ê话,才能安然存活tī上帝赏赐khiā起ê土地顶面。

Chit段经文mā有一个特色,就是用对话ê方式编排,透过先知向以色列人民呼求,然后上帝回应以色列人民ê呼求。Chit段经文mā teh提供一个重要信仰观念:凡是诚心实意悔改并呼求上帝拯救ê人,上帝lóng会垂怜并救援。

第1到2节,chit节开始就提起chhōe上帝救援ê人「lóng tio̍h听我(上帝)ê话」,chit点mā是kui本圣经ê教导中心。然后连续有四pái「想看māi」,tio̍h以色列人民回顾历史脚迹,就会看见上帝呼召了in ê祖先亚伯拉罕,hō͘伊tùi一无所有到拥有一切,特别是hō͘伊有众chē ê kiáⁿ孙。若án-ne,in就会清楚明白上帝chiah是性命kah生存力量ê「源头」。

第3节,chit节继续第1到2节所提起ê,讲出上帝对受掠ê以色列人民「施怜悯」,带领in重回家园,并且hō͘已经ná亲像「废墟」、「荒芜」ê故乡,koh一pái像「伊甸园」般súi。并且hō͘ in「有喜乐」、「有欢欣」、「有o-ló感谢」ê声音出现等等,chiah-ê lóng tī说明将来会kah in过去tī巴比伦奴隶ê生活完全颠倒,kā有新ê开始,性命充满活力。

第4到5节,koh一pái呼吁四散各地ê以色列人民tio̍h「听」、「注意听」,上帝teh-beh「马上救援in」,m̄-nā án-ne,上帝iáu koh khah「亲自」以「公义」来统治in。

第6节,chit节thang对照第四十章7到8节。说明世间ê一切会有变化,m̄-koh上帝拯救ê计画永bē改变。Chia ê「我ê拯救」,是teh指上帝ê救恩,而上帝ê救恩是来自他ê话语。「我ê胜利」,是teh指上帝ê公义kah爱。

第7到8节,这是chit段经文第三pái提出呼吁,ài大家lóng听上帝ê话。只有会注意听上帝ê话ê人chiah会知影「甚么是公正」,并且因为实践上帝ê话语而「m̄惊」别人ê「侮辱kah嘲(sau)笑」。相对ê,侮辱kah嘲(sau)笑上帝奴仆ê人,终会亲像破铜烂铁仝款朽pháiⁿ、腐烂,像花草一般真紧to̍h会凋谢lian去,只有上帝ê话「永无停止」、「世世长存」。

第9到10节,圣经作者ài用「拟人化」ê笔法来描述上帝。Chia用上帝kah-ná iáu teh「困」无「醒起来」ê款。因为án-ne,上帝听bē-tio̍h以色列人民Tī痛苦中ê哀求。其实,这是以色列人民ê一种感受,因为in tī苦难中向上帝祈求,ǹg望上帝ē-tàng赶紧伸出救援ê手。Chia是用出埃及过红海、约旦河等为背景。Koh讲,chia提起「海怪拉哈伯」,这是代表邪恶ê气力。通常lóng用来代表埃及帝国。「戾龙」,这是teh指魔鬼、撒旦、邪恶ê气力(参考启示录二十:2)。

第11节,chit节指出以色列人民ē-tàng tùi奴隶之地被释放tńg去故乡,这是一件非常重要而且奇妙ê性命经历。因为án-ne,in「快乐地歌唱,大声叫」,并且kā「无koh忧愁悲伤」,这lóng是teh指一个全新ê性命kah生活。

第12到14节,chit节开始到第16节,是上帝teh回应前段第9到11节以色列ê人民呼求上帝拯救ê话。诗人先知以赛亚明确地传达上帝已经赦免、赦免以色列人民过错,劝勉以色列人民m̄-thang koh再óa靠人ê气力,mā m̄-thang惊惶「逼」in ê人,有创造天地ê主宰上帝thang做为óa靠,人无法度伤害in,m̄-nā án-ne,上帝会赏赐kā in赐福「自由」,in kā tī上帝赏赐ê土地顶面「享长寿」、「得饱足」,bē有欠缺。

第15到16节,chit两节用来表示性命真正óa靠,应该是chit位有能力「搅动海洋,hō͘波浪汹涌」,以及「铺张天幕」,「立落来地ê根基」ê上帝。Chit句「你是我ê子民」,是「立约」ê典型句话,说明上帝kah他拣选ê以色列民族之间,有特殊、亲密ê关系,他一定会「保护」他ê子民。

重新查询 专卷研经 以赛亚书系列
错误回报,请联系comm[@]fhl.net