以赛亚书 5章1节 到 5章7节   背景资料  上一笔  下一笔
Chit章共计有三首诗歌,就是第1到7节,形容以色列人民就是上帝所拣选siōng优等ê葡萄树,栽种tī siōng好ê葡萄园。可惜ê是,以色列人民并无hō͘上帝安心,in反而成为siōng差ê族类。第二首诗是第8到25节,这是对以色列人民ê控诉,tī chiah-ê控诉中,提起六pái「遭殃」ê来临。第三首诗是tùi 26节到30节,预言外国ê军队会来打击以色列人民,hō͘ in ê国家面临毁灭ê危机。

Chit首诗歌是kā葡萄园看做像爱人般来描述。M̄-nā án-ne,甚至tī第4节中,葡萄园主人teh反省家己无好好á照顾葡萄园,chiah hō͘原本siōng好ê葡萄树栽,生出koh酸koh涩ê葡萄?chit种反省ē-sái讲是信仰中siōng珍贵ê。

第1节,chit句「为我所亲爱ê唱一首歌」,讲出上帝kah以色列民族之间有特殊ê感情,就ná亲像恋爱中ê情侣一般ê亲密。因为án-ne,为爱人唱一首情歌,真亲像雅歌中所描述ê仝款。Á「葡萄园」,Tī圣经中lóng是用来譬喻以色列民族。

第2节,「挖土,清除石头」,这表示开辟葡萄园ê主人,非常用心teh整理,来期待栽种落去「品种优良ê葡萄树」会结出好ê果子。诗篇第八十篇8节,诗人讲chit-ê葡萄树是「tùi埃及带出来」ê,这已经真清楚是teh讲以色列民族,上帝kā in带离开埃及奴役之地。先知耶利米讲这棵葡萄树,是「特选ê果子树,用ê是siōng好ê葡萄种」(参考耶利米书二:21)。葡萄园里有「造一座高塔」,这是当做「了望台」ê路用,用来看守田园,来预防豺狼á是羊群kah顾羊人进入园内偷食,á是防范仇敌进入园内破坏,chiah-ê作为lóng ē-tàng看出主人ê用心。而且主人「挖了一个踩踏葡萄ê池子」,准备收葡萄后酿酒用。M̄-koh主人怎样想mā无想tio̍h,直到收成ê时,采收ê葡萄却是「koh酸koh涩」,kah原本栽种落去ê葡萄树,是特选「品种优良」ê树栽无仝,这表示该树已经变种chiah会án-ne。

第3节,chia讲「耶路撒冷kah犹大ê居民」,表示是对南国犹大人民所讲ê。Chit-ê主人ài犹大人民「对葡萄园kah我ê事评理一下」,表示这是一件thang公开辩论ê事,绝对bē有任何冤屈、捏造、不实ê假证据。

第4节,葡萄园主人提出伊ê反省问句:为甚么伊chiah-ni̍h细腻照顾葡萄园,而且是栽种落去siōng好品种,却会长出「酸葡萄」,却m̄是伊所期待收tio̍h ê「甜葡萄」?

第5到6节,评理了后,葡萄园主人讲「tio̍h án-ne处理」伊ê葡萄园。第一是beh kā保护葡萄园ê「篱笆」hō͘「拔除」。当围篱拆除了后,马上会发生问题,he就是「野兽」就ē-tàng入来食园里ê葡萄。Á当野兽入来后,会因为葡萄真酸,bē-sái食,就会忿怒来致使「糟蹋」、摧毁kui个葡萄园。续落来beh采取ê第二个行动,是无koh开销时间、金钱去整理此葡萄园,beh hō͘葡萄园长满「野草」、「蒺藜刺phè」,hō͘葡萄园变成像废墟一般。「禁止云降雨水」,就是teh指无水thang灌ak葡萄树,hō͘葡萄树渐渐枯焦死。

第7节,chit节说明头前譬喻所khah强调ê内容,葡萄园指ê是以色列民族,á是以色列chit-ê国家(指iáu未分裂chìn前ê以色列国),而「犹大」是teh指南国ê族群,in原本就是上帝特别拣选出来ê葡萄树栽。上帝原本「ǹg望in实行正义」,m̄-koh in并无ná亲像上帝拣选ê期待hit种,违背上帝拣选in成做他ê子民ê期待(参考创世记十八:19)。Ná亲像栽种好品种ê葡萄树ê时期待有甜美ê葡萄thang收成,结果却是结出酸葡萄仝款。

重新查询 专卷研经 以赛亚书系列
错误回报,请联系comm[@]fhl.net