以赛亚书 41章1节 到 41章20节   背景资料  上一笔  下一笔
Chit章则进一步向万国、万民发出声音,ài所有ê人lóng知影chit位创造天地ê上帝,就是人类历史ê主宰。包括世间ê君王,以及人ê手所造出来ê神明,lóng只有ē-tàng臣服tī上帝之下。

Chit段诗歌真清楚表达ê一个基本认bat:上帝创造并管理tio̍h宇宙万物,他mā是kui个宇宙ê审判者kah所有者。因为án-ne,tī chit世间无任何一个君王ē-tàng取代上帝,mā无任何一个神明ē-tàng kah chit位创造天地万物ê主宰上帝相比并。同时mā讲出上帝ài怎样对待他拣选ê子民。

第1节,诗人一开始就hoah出「诸海岛ah」Chit-ê词,这是teh指沿海各地ê岛屿,当时有真chē受掠ê以色列人民,被强制移送到真chē沿岸地区做奴隶。chit-má上帝准备进行审判ê工作,因为án-ne对所有ê人呼喊「tio̍h注神」听上帝审判ê声音,mā同时hō͘所有ê lóng thang来「申辩」。

第2节,chit节thang参考第四十五章1节。Chia所指出ê来自「东方」ê「ná征服者」,就是teh指波斯帝国ê塞鲁士国王。上帝hō͘塞鲁士王有强大力量thang制伏违背命令ê巴比伦帝国kah列国。

第3到5节,诗人tī chia说明新兴帝国波斯ê军事行动能力,ná亲像tāi先进ê部队一般,ē-tàng快速而且「稳然前进」,hō͘敌人oh得察觉,敌人即使发见,想beh赶紧应战lóng会来不及。Chia诗人用历史ê「开始」kah「终结」,表示kui个历史ê进行,lóng是tī上帝ê主导下进行。因为án-ne,只要听tio̍h上帝ài beh进行审判,而且拣选奴仆来执行他ê命令ê时,无论甚么人,lóng会「惊惶得pi̍h-pi̍h-chhoah」。

第6到7节,当面临危机ê时,懔neh ê人lóng是彼此紧靠做伙,互相取暖、鼓舞,认为án-ne thang形成一股力量,抵挡上帝ê审判。M̄-koh in却无知到认为用家己ê手铸造出来ê虚假神明thang抵挡性命ê主宰上帝,希望án-ne thang拯救in免tī死亡,其实是一点点á帮助mā无。

第8到10节,chit节提起以色列是上帝ê「奴仆」。所谓「奴仆」是teh指地位非常卑贱ê人,mā thang指「奴隶」。Á「雅各」,mā thang指「以色列」(参考创世记三十二:28、三十五:10)。Án-ne,雅各chit-ê名称,thang看做是一个人,mā thang当做一个民族,á是一个国家。以色列民族是上帝「拣选ê子民」,chia ê「拣选」一词有含「立约」ê意思。因为有立约,而且上帝是信实ê,他永远记ē-tàng色列人民,「无遗弃」in,因为in是上帝所「拣选」ê「奴仆」。Án-ne,就有上帝kah in同在,即使面对性命ê威胁mā m̄免惊惶,因为上帝必定会「保护」、「拯救」in。

第11到12节,说明主人ài怎样对付hiah-ê欺负主人ê奴仆ê人。对chiah-ê专门欺负人ê人,上帝会审判in ê罪,hō͘ in惨遭极大ê失败,á是「死亡」,甚至会hō͘上帝「消灭」。

第13节,chia koh一pái表示上帝会伸出他ê「正手」扶持他所拣选ê奴仆,会赐kā in赐福力量,hō͘奴仆thang khiā得真安稳,bē摇动。

第14节,「你虽弱小,mā m̄免惊惶」,这是上帝ê子民一定tio̍h有ê认bat。只要有上帝同在,tī人看起来siōng软弱ê,mā kā变成siōng刚强(参考哥林多后书十二:7—10)。

第15到16节,第14节提起以色列人是「弱小」无力(参考申命记七:7),m̄-koh chit-má上帝teh-beh hō͘ in ná亲像「装上koh新koh利ê齿」,如仝一个部全新ê「phah谷机」,有能力彻底毁灭过去欺负in ê国家、族群。

第17到20节,当以色列人民被掠到外邦去做奴隶ê时,凄惨ê景象是连想beh「走chhōe水lim」mā bē-tàng得,chit时会「咙喉干渴」,真痛苦,如同在阴间一般(参考路加福音十六:23—24),chit段经文是诗人用上帝当年带领以色列人ê祖先出埃及,进入旷野ê时ê背景来描述。上帝tī沙漠旷野地带,hō͘石磐涌出泉水(参考出埃及记十七:5—6)。而且显示奇异ê神迹,hō͘沙漠生出「香柏树kah金合欢树」、「松树、杉树,kah黄杨树」、「石榴树kah橄榄树」等非常珍贵ê建材。以色列人民后来用顶面所讲chiah-ê树木当建造圣所kah约柜ê材料(参考出埃及记廿五:5、10、13)。Chiah-ê lóng teh显示上帝ê神能,大家一看就「会明白」。

重新查询 专卷研经 以赛亚书系列
错误回报,请联系comm[@]fhl.net