以赛亚书 36章13节 到 36章22节   背景资料  上一笔  下一笔
Chit段经文是描述chit位亚述大将第二pái对所有耶路撒冷城内守军kah人民公开讲ê话。内容lóng是ài城内人民m̄-thang踌躇,投降是唯一hō͘ in ē-tàng生存ê途径。Koh khah重要ê,chit位大将tī chia kā耶和华上帝kah其他民族ê神明来比较khah,这tú好是十诫siōng禁忌ê事—崇拜其他kah耶和华上帝对立ê神(参考出埃及记二十:5)。因为án-ne,chit位大将所讲ê话,就是teh亵渎上帝ê神圣。

第13节,tùi chit节到第20节,lóng是chit位亚述大将用希伯来语讲ê话。伊用「大声叫」ê方式,ài in听「亚述皇帝ê谕旨」,不要理会希西家王所讲ê写phoe去靠上帝。

第14到16节,Tī chit段经文中,chit位大将一再强调「希西家ê欺骗,希西家无法度救」犹大人民脱离亚述攻打了后所带来ê灾难。伊会án-ne讲,就是beh煽动城内ê犹大人民,背叛希西家王。M̄-koh伊bē记得并m̄是希西家有能力救伊ê人民,却是希西家所óa靠ê上帝。伊ài城内ê犹大人民只要出来投降,就ē-tàng有得食、lim,甚至「有饼和美酒」。Chia所谓「照旧食家己ê葡萄、家己ê无花果,lim家己井里ê水」,意思就是hō͘ in保有原本ê产业,m̄-koh条件就是ài in「出来投降」。

第17节,m̄-koh chit节soah讲出伊tī第16节所讲ê应允是白贼,因为chit句「迁到另一个所在,kah lín ê本土略约仝款」,已经真清楚泄露了真相,mā就是当犹大人民投降了后,就会hō͘ in俘虏送到外地去,in必定会放弃现有ê产业。Kah头前第16节所讲ê「照旧食家己ê葡萄、家己ê无花果,lim家己井里ê水」,是完全无仝款。当伊讲「略约仝款」chit句话ê时,已经忽略当年上帝应允hō͘以色列人民ê chit片迦南地,乃是siōng肥、流奶kah蜜之地,无别ê所在thang比并。

第18到20节,chit三节清楚看tio̍h chit位亚述大将所讲ê话,已经kā耶和华上帝kah其他ê神明khǹg tī仝一个平台顶看待,这mā是亵渎上帝ê神圣。Chit位亚述大将kā皇帝西拿基立当做「至高」ê神明看待。伊teh kā犹大人民讲,in所信靠ê耶和华上帝,mā仝款无能力救in脱离亚述ê攻击,ná亲像当年亚述人ê祖先攻落撒马利亚城ê时,上帝mā无伸手救助是仝款ê。

Chia提起「哈马ê神」,这是设tī所罗门王统治区内siōng北pêng ê城镇(参考历代志下八:3—4)。「亚珥拔」,是靠近「哈马」ê一座城市,以上两座城市,lóng tī主前717年chìn前,被亚述帝国所占领。「西法瓦音」ê详细地点chit-má已经无清楚了。Chit位亚述大将提起头前chiah-ê神明ê事,主要teh强调亚述帝国ê大军,ē-tàng摧毁所有国家ê神明,包括耶路撒冷ê犹大人民所敬拜ê耶和华上帝。

第21节,「人民lóng m̄作声」,因为in lóng「遵照希西家王ê命令」。这mā显示了chit三位外交使节代表已经无言thang对,chit对外交官员来讲是非常痛苦ê一件事。

第22节,chit节讲chit三位代表「悲痛地拆裂衫裤」,真痛苦地「tńg去kā kā亚述大将ê话向希西家报告」,并kā皇帝西拿基立所写ê信带tńg来hō͘希西家王看。


重新查询 专卷研经 以赛亚书系列
错误回报,请联系comm[@]fhl.net