以赛亚书 34章1节 到 34章17节   背景资料  上一笔  下一笔
Chit章kah第三十五章通常hông称做「以赛亚ê启示」,ná亲像第廿四到廿七章仝款。第三十四章主要内容是谈及有关上帝ê审判,并且是针对「以东」Chit-ê族群。若án-ne,则背景kah主前586年耶路撒冷被摧毁ê事件有关,hit时当巴比伦帝国围攻犹大ê耶路撒冷ê时,以东人并无出手协助,却是tī边á观战,iáu存幸灾乐祸ê心,koh khah恶质ê行为是in参与巴比伦帝国ê掠夺,这致使南国犹大人民对以东人ê仇恨koh khah恶化。因为án-ne,第三十四到三十五章,真可能就是以色列人tùi巴比伦tńg来国内了后ê作品。

先知文献中有一个特色,就是用上帝ê审判做主要题材,然后必定会强调上帝慈悲怜悯ê救恩近óa跟tòe tī审判了后。Chit章就提起上帝怎样进行他公义ê审判,他ê审判有一个特色,就是并且严厉,一点mā不含糊。以赛亚书ê作者用chit种笔法teh提醒所有读者:m̄-thang tī性命ê旅途中疏忽上帝ê审判。无论是位居高官ê统治者,á是一般平民人民,lóng tio̍h注意上帝chiah是真正审判ê主。对tī hiah-ê为非作pháiⁿ,特别是残害无辜者性命ê人,上帝绝对bē宽待。因为án-ne,tī阅读chit章经文ê时,一定tio̍h了解:上帝是公义ê,绝对bē放任hiah-ê作恶多端,欺压苦难者ê人继续逍遥,上帝ê手tī拯救受难ê子民ê时,他对惩罚做chiah-ê邪恶ê tāi-chì ê人是绝对bē手软ê。用chit种观点来看世事,就比较khah容易进入状况。

第1节,chit节mā是teh回应第三十三章14到16节,当人想出所有ê办法tio̍h逃避上帝ê审判ê时,先知以赛亚提出上帝忿怒ê审判出现。伊讲上帝chit-má就beh开庭审判,m̄是秘密开庭,却是公开审判,beh hō͘所有ê人lóng听得tio̍h上帝ê审判。

Koh讲,chia讲「万国ê人民」,是teh kí上帝ê审判,并m̄是只针对某一kóa对象,却是针对所有ê族群、国家,无例外,大家lóng beh来注意听上帝ê审判。

第2到4节,chia真清楚讲出上帝ê审判,是针对「各国kah各国ê军队」,意思是teh指无任何一个国家ē-tàng免除审判,而chia所提起审判ê结果是非常「彻底」,是「彻底歼灭」ê状态,连天顶ê日月星辰看见lóng会惊惶失色,mā tùi chia thang看tio̍h chiah-ê受惩罚ê对象,in过去所犯ê罪,是jōa-ni̍h-á严重。

第5到8节,chia真清楚讲出上帝beh惩罚ê对象,就是「以东人」。「以东」,这有一个意思是teh代表「对敌上帝子民ê对象」。Chia提起上帝惩罚ê速度非常紧,ná亲像teh献祭ê时宰杀cheng-seⁿ仝款,手路清气俐落。

Chia所谓ê「波斯拉」,这是古代以东ê首都,盛产铜矿。为守护国家,以东历代ê统治者tī建造防御工事ê时lóng真严密。M̄-koh即使防御工程非常严密,上帝决意beh惩罚以东石,伊ê敌人会真紧进入以东,并且进行残酷ê杀害,逼kah以东lóng无招架余力,只有ē-tàng任敌人痛宰。这mā是上帝惩罚以东ê一种方式。

第9到10节,chit两节真清楚指出,以东会彻底毁灭,甚至连原本khiā起ê所在lóng会变成荒凉ê废墟,ná亲像所多玛kah蛾摩拉仝款(参考耶利米书四十九:17—18)。

第11到15节,chit段经文所提起ê飞禽、动物等,lóng是属tī无清气ê族类(参考利未记十一:13—19,申命记十四:12—18)。就亲像上帝惩罚巴比伦仝款(参考以赛亚书十三:21—22),taⁿ惩罚以东mā是án-ne,hō͘伊成做废墟,只chhun chiah-ê无清气ê飞禽行兽盘踞,m̄是人thang khiā起ê所在。比较khah特别ê所在,作者讲惩罚ê严重ná亲像tńg来到「空虚浑沌,像tī创世以前仝款」,就是tńg来到上帝创造万物chìn前,一切lóng呈现出「大地混沌」ê样式(参考创世记一:2)。表示人过去所有ê努力lóng会成做泡影,人mā无koh存在。因为环境已经无koh适合人khiā起。作者用「无王,mā无长官治理in」,chit句话表示两种意义:其一是tńg来到原点。是teh指一个无人khiā起ê所在,就算有君王、长官,koh有甚么用?Á是讲,人口非常稀少,根本就免得国王,á是有甚么高官贵族ê管理。其二是真混乱,ná亲像「浑沌」仝款。甚么人mā m̄听甚么人,大家各自为政。触目所及ê,就是一片废墟、混乱而已,真亲像无整理过ê丛林。

第16到17节,「去查考上主ê册」,表示chit-má所讲ê,lóng是过去已经提起过ê事。M̄-koh人并无注意,á是根本就m̄-chhap上帝ê话,chiah致使今á日ê结果出现。M̄-koh chia并无特别指明是toh一kóa册,m̄-koh tī耶利米书第四十九章7到22节;以西结书第三十五章;阿摩司书第一章11到12节,以及俄巴底亚书等lóng有记载关系上帝beh惩罚以东ê记事。因为án-ne,上帝透过他ê奴仆先知ê预言中,有关恶行嚣张ê以东必定会受tio̍h上帝严厉ê惩罚。

重新查询 专卷研经 以赛亚书系列
错误回报,请联系comm[@]fhl.net