以赛亚书 30章19节 到 30章33节   背景资料  上一笔  下一笔
Tùi第19节开始,lóng是谈及上帝乃是恩典满满ê神,他对他子民ê疼,永远bē改变。Chit段经文讲述上帝伸出全能ê手,就ná仝一个位勇猛ê战士般,会hō͘威胁他子民ê气力瓦解,无koh出现。

第19到21节,chit段经文讲出「上主是慈爱ê」,chit句话讲出上帝ê本性。虽然有时上帝会hō͘他ê子民「忍饥iau饿」,m̄-koh这却是一种训练,ná亲像当年以色列人民出埃及ê时,上帝用iau饿来教导in,然后用吗哪来喂饱in,in m̄免四界去「chhōe」食物,就有来自天顶降落来ê食物kā in赐福。为tio̍h是beh「教导」in学习听从上帝ê话(参考申命记八:3)。上帝会差派他忠实ê奴仆随时随地指点in该选择ê正确之道。

第22到26节,kui本圣经ê一个中心主题,就是呼吁上帝ê子民一定tio̍h对上帝绝对忠实,bē-tàng弃sak上帝去拜偶像神明。因为án-ne,偏离上帝ê道,就是拒绝听从上帝ê话,去拜偶像。因为án-ne,「扔掉偶像」,kā它当做「垃圾」般看待chiah是对ê。Án-ne,必定会得tio̍h上帝ê保守、照顾。上帝必定会「降雨」灌ak in所掖种ê一切农作物,并照顾in ê家畜动物。换句话讲,上帝会赐福kā in赐福,hō͘ in ê生活安定、无虑。M̄-nā无任何敌人敢来攻击伤害忠实ê上帝子民,就算有人受伤tio̍h,上帝mā会亲自「包扎」、「医in」,ná亲像老母看顾、守护tio̍h gín-á,展现出无微不至ê疼。

第27到29节,chia提起「火kah烟」、「焰火」、「气」、「大水」等等chiah-ê用词,lóng是teh描述上帝ê威严,hō͘人听tio̍h、看见就会生出懔neh。Á「大能kah荣耀」,是teh表明上帝透过神迹奇事来显示他ê荣耀。先知以赛亚tī chia讲出一个重要ê信息:任何忠于上帝ê子民lóng ē-tàng看见上帝拯救ê荣耀,tī审判来临ê时,chiah-ê子民lóng会兴奋像个朝圣者,tī歌舞声中行向敬拜上帝ê圣殿去歌颂上帝。

第30到33节,chit段经文中,特别强调所有ê人lóng ē-tàng听见上帝「威严ê声音」,而且会看见上帝用「火焰、乌云、冰雹,kah豪雨」等景象,hō͘所有ê人lóng thang轻易看见,就算勇猛ê大国亚述「听见了上主ê声音就惊惶phi̍h-phi̍h-chhoah」。因为「上主beh亲自攻击亚述人」,「像硫磺火烧hit堆木材」,这说明上帝决定beh彻底消灭亚述。

重新查询 专卷研经 以赛亚书系列
错误回报,请联系comm[@]fhl.net