以赛亚书 28章1节 到 28章13节   背景资料  上一笔  下一笔
Tùi chit章开始一直到第三十五章止,chit段经文是用赛亚书真重要ê一个段落。因为Tī chit段经文中,探讨一个真重要ê主题:当敌国亚述继续强大,威胁tio̍h犹大国ê时,犹大国ê领导者到底tio̍h óa靠上帝?Á是是beh óa靠他国强大ê武力kah政治力量?若是beh óa靠上帝,伊就一定tio̍h tńg来到圣经ê教导,全心全意信靠上帝。其实,chit种问题m̄是只针对南国犹大,却是针对所有以色列人民。

Chit段经文有一个重要ê历史背景,就是tī亚述帝国皇帝西拿基立执政时代,国势非常强盛,所以当西拿基立派兵攻打耶路撒冷城ê时,伊ê大将以非常狂妄嚣张ê姿态对犹大国惹事(参考以赛亚书第三十六章)。其实,tī希西家王ê时代,宫廷中就有真chē参谋认为ē-tàng óa靠埃及ê军事援助,避免被亚述帝国并吞。希西家王听从了chiah-ê参谋ê建言,结果反来致使真chē城镇被亚述帝国占领,最后危kah首都耶路撒冷(参考以赛亚书三十六:1—2)。先知以赛亚就是Tī chit段经文中,责备当时宫廷幕僚主张去投靠埃及ê想法是错误ê。Á先知以赛亚则强烈建议希西家王一定tio̍h真心óa靠上帝ê带领,才能摆脱亚述ê侵犯(参考以赛亚书三十七章)。

Chit段经文是针对北国以色列所提出ê警告。先知以赛亚透过预言北国以色列ê灭亡,来警告南国犹大ê人民,beh tùi北国以色列所tú-tio̍h ê灾难,得tio̍h警诫,kah早悔改归向上帝。Tī chit段信息中mā同时清楚指出chiah-ê宗教众领袖ê低俗、bē-tàng,就ná亲像现代ê「神棍」一般,kan-taⁿ会欺骗人民,m̄知án怎忠实tī上帝ê话语,koh khah bē真实传达上帝ê信息。

第1节,chia提起第一个「受灾」ê预言。「光荣」、「花冠」、「香水」等用词是描述北国以色列首都撒马利亚chit-ê城市过去辉煌ê景况。然后用「lim得烂醉倒tī土脚」chit句话说明北国以色列ê领导者会失去明智ê心灵,致使kui个国家失去秩序,无法度khiā稳脚步。因为án-ne,chia用「倒tī土脚」,其实tú好teh表示国家将会灭亡。

第2到4节,chit段经文表明上帝ê忿怒,ná亲像「强风」、「暴雨」、「猛烈ê大水」,chiah-ê大自然ê气力lóng是人无法度抵挡ê,in ê威力会大到hō͘人胆战心惊。国家会面临chit种结果,是因为领导者ná亲像「lim醉了酒」仝款,思路不清,意识雾雾无清了。Chit种领导者只会hō͘敌人轻视,甚至hō͘人以对待奴隶ê轻蔑态度,逼in kah外族通婚(参考列王记下十七:5—6、十七:24)。

第5到6节,先知文献ê特色,就是描写上帝有惩罚,m̄-koh mā有救恩,而上帝ê救恩总会跟tòe上帝惩罚来到。Chit两节讲出chit种信息,kah头前第1到4节呈现出完全无仝ê结果。Chia出现「劫后余生ê子民」,表示chiah-ê人lóng是对上帝忠实,无去拜其他偶像神明ê子民,即使tī siōng艰困ê环境下,in iáu-koh坚守tio̍h kah上帝之间ê纯洁关系。上帝会kā他ê荣耀ná亲像花冠般,koh一pái「戴tī劫后余生ê子民」,恢复in原本属tī上帝拣选ê kiáⁿ民应该拥有ê荣耀。Koh讲,上帝mā会赏赐公义ê社会kah生活环境hō͘「劫后余生ê子民」。

第7到8节,「先知kah祭司」,前者是teh指上帝ê代言者(参考列王记上廿一:14);后者是teh指带领人民透过献祭敬拜上帝ê宗教师。Chia指出chit两种宗教领袖,mā是仝款「醉得东倒西歪」,表示in根本就「bē明白上帝kā in赐福ê异象」。看bē-tio̍h上帝hō͘ in ê「异象」,mā无能力thang「辨别是非」。Tùi第8节就thang看出kui个社会混乱ê状况。

第9到10节,chit两节讲出人民对chiah-ê宗教领袖传达ê信息不满。因为m̄知in到底「teh教kóa甚么」,只有ē-tàng亲像对婴á讲话仝款,用siōng简单ê语词。Chia用「一课一课、一阵一阵、一个字一个字地教导」,来形容众先知就是kā人民lóng当做甚么lóng m̄-bat、lóng bē ê孩童,mā反映出chiah-ê众先知根本就无认真看待上帝ê信息。

第11到13节,chit段经文已经讲出上帝ê审判,如果in iáu是「m̄听」上帝ê话,上帝ê审判就是会「打发外国人,用奇异ê语言来教导」in,这明白指出:拒绝听从上帝ê话语,等于自chhōe灭亡。因为chiah-ê外国人所讲ê话in完全听m̄-bat(参考以赛亚书三十三:19),tú好ē-tàng用来惩罚in悖逆上帝ê心。In会亲像幼儿tú学行路仝款,每「行一步」,就会「摔一跤」。

重新查询 专卷研经 以赛亚书系列
错误回报,请联系comm[@]fhl.net