以赛亚书 27章1节 到 27章13节   背景资料  上一笔  下一笔
Chit章kah第十九章、第廿三章ê经文内容真接近。Chit章mā是tùi第廿四到廿七章chit段所谓「以赛亚式ê启示」之最后一章。Kui章koh重新tńg来到一个重要主题:以色列民族就是上帝所拣选ê族类,上帝beh透过chit-ê民族成做万国万民赐福ê媒介。M̄-koh tī chit chìn前,chit-ê民族一定tio̍h先洁净,成做真实ê圣洁民族。Koh讲,chia讲出这葡萄园有上帝看守,结果就是结出真chē果子。

第1节,chit节用「戾龙」、「古蛇」、「海怪」等动物,teh象徵欺压上帝子民ê国家、族群。Chia讲上帝beh用「刚硬锐利ê剑」,消灭chiah-ê专门teh欺压上帝子民邪恶怪诞ê气力。

第2节,chia提起上帝「所欢喜ê葡萄园」,原本葡萄园是teh代表以色列国,á是以色列民族。Á「欢喜」一词teh代表确实有结出果子。

第3到5节,chit节讲出有上帝保守看顾,必定会有美好ê成果出现。因为有上帝日瞑看守、保护tio̍h,而且「不断来灌ak」,koh kā园中ê「刺phè kah蒺藜」、「烧光」,án-ne,kui个葡萄园kah葡萄就会成长kah非常美好,果子累累。Bē hō͘「敌人」随便得tio̍h利益。

第6节,chit节回应了第3到4节所讲ê,有上帝亲自看守、保护kah灌ak ê葡萄园,必定会有真好ê结果出来。

第7节,上帝iáu-koh对以色列人民充满tio̍h爱怜,表面上看起来对以色列人民出手惩罚真重,其实,比起上帝惩罚其他民族是轻了真chē。Tī先知以赛亚ê观点中,这是kah「劫后余生」(参考以赛亚书十:20、廿四:14、廿八:5、三十七:31、32),á是「残存ê人民」(参考以赛亚书四:2、十:22、十一:16)有密切关系。因为上帝m̄是完全歼灭以色列,却是留落来忠实tī他ê子民。

第8节,chit节讲上帝用吹东风ê方式,kā以色列人民吹散伊去。Chit种描述ná亲像列王记下第十七章5到6节所记载ê,亚述帝国攻落撒马利亚城,俘虏了北国以色列人民。先知耶利米mā bat用类似ê语句teh形容巴比伦帝国ná亲像siōng强烈ê东风吹袭犹大,这是上帝对他子民惩罚ê方式。

第9节,chit节回应了第8节所提起ê,上帝会án-ne惩罚以色列民族,是因为in弃sak上帝,去拜偶像,chit点一直是上帝所无法度容忍ê事,若是koh koh再发生chit种事,上帝是绝对bē「赦免」in。

第10到11节,chia「设防ê城」可能是teh代表犹大境内真chē城市,chiah-ê城市荒废了,原因是沦陷tī敌人手中。无人khiā起ê所在,就会成做动物聚集之地。Chia用「牛tī hia倒食草」,「树枝枯干at断,众妇女去拾来当柴烧」等句话来形容城池已经陷落,koh khah án怎都无人khiā起,因为人民受掠伊去。chit-má只chhun牛羊等动物来chia倒、歇困。原本有上帝灌ak ê树,lóng会长大茂盛。Taⁿ因为会失去上帝ê灌ak、看守、整理修剪,结果ná亲像枯焦死ê树仝款,只有ē-tàng hông弃sak tī荒废ê所在,任人拾tńg去当柴烧。

第12节,当上帝拯救ê日子来临ê时,他会kā所有被东风吹散ê子民,tùi世界各地lóng召tńg来。Chia用「麦á kah糠秕分开」,这「分开」就是teh指上帝ê审判。

第13节,chit节koh一pái强调上帝beh召tńg来所有被东风吹散,流亡在世界各地ê子民tńg来。大家lóng聚集做伙tī耶路撒冷,同齐敬拜上帝。

重新查询 专卷研经 以赛亚书系列
错误回报,请联系comm[@]fhl.net