以赛亚书 26章1节 到 26章21节   背景资料  上一笔  下一笔
Chit章是另外一首o-ló ê诗歌,koh一pái teh表白上帝子民心内ê意念,mā ē-sái讲是teh向上帝告白,in全心信靠上帝。Chit首诗歌kah第廿五章1到5节ê诗歌真接近,lóng是teh表明看见上帝审判了后,所带来ê赦免kah拯救ê恩典。Tùi chit首诗歌mā thang看tio̍h上帝ê子民忠心地仰望kah óa靠上帝保守、带领。

第1节,诗人一开始就o-ló上帝会成做「犹大地」ê守护者,有上帝同在ê城池,必定会非常「坚固」。

第2节,tī上帝看守ê城池欢迎所有「正义ê国家」、「忠信ê人民」进入城内。换句话讲,tī上帝ê国度里是充满「正义ê」,ná国ê人民mā是「忠信」可靠ê。因为「正义」kah「忠信」lóng是上帝ê特徵。

第3节,chit节提起「完全ê平安」,teh表示「满足」、「丰富」、「安康」等意思。上帝会赏赐chit种平安hō͘「意志坚强ê人」,mā就是无论tī甚么境遇下,坚决bē改变心志,全心「信靠」上帝ê人。

第4节,先知以赛亚tī chia讲出真正信心,并m̄是一时、瞬间ê时刻,却是一生ê大事,是「永远」ê态度。只有tī chit条件之下,才能享受上帝「时刻保护」ê果子。

第5节,相对tī头前四节所提起ê,óa靠上帝、忠实tī上帝ê人,就是chiah-ê骄傲ê人。上帝使用ê方式,就是kā in自认真「坚固ê城」hō͘ in「摧毁」,并且hō͘ in认为「坚固ê城墙成做废墟」,chit时chūn,骄傲者chiah会发见家己ê能力是jōa-ni̍h-á有限、软弱,无法度抵挡上帝ê手惩罚所带来了后果。

第6节,kah第5节tú好呈现对照;tī第5节,上帝惩罚hiah-ê骄傲者。当上帝摧毁骄傲者所建造起来ê城池了后,过去hiah-ê被欺负、「压迫ê人」,kah hiah-ê「穷苦ê人」,in tio̍h用脚「践踏」tī chiah-ê废墟之上。

tī先知以赛亚ê信息中,压迫人ê终会被侮辱,chit种信息是一再出现,thang参考第四十九章24到26节、第五十一章22到23节。这说明上帝确实是一位会报应ê上帝,他一定会为受迫害者伸冤。

第7节,kui本圣经所绍介ê上帝是一个「公义ê上主」,因为án-ne,他拣选ê奴仆一定tio̍h mā是án-ne(参考创世记十八:19),án-ne才能显示上帝公义ê特性。Á「公平ê人」、「正直ê人」,lóng是上帝一定会照顾、保护ê对象。

第8节,chia ê「thèng候」、「愿望」等lóng teh表明心中ê祈愿。一个真实追随上帝ê人,无论环境jōa-ni̍h-á劣,伊iáu是祈求照上帝ê旨意而行。

第9节,chia只译出「瞑间」,《现代中文译本》kah中文《和合本》都无kā「清早」mā译出来,tī天主教《思高圣经学会版本》则清楚译出:「阮ê心灵tī夜间渴望你,阮ê心神tī清早chhōe你。」而《吕振中》教授ê译本mā有「瞑间」kah「早起」。Án-ne koh khah清楚,tùi「瞑间」到「清早」,这说明kui工、kui工、全天ê意思。一个忠心ê上帝子民,必定是随时lóng渴慕上帝ê旨意成全,mā愿意一生lóng tòe-tiâu上帝ê旨意而行。而且当上帝ê子民看tio̍h上帝teh进行审判ê时,就会发见上帝确实是公义ê审判者。

第10节,chit节指出邪恶者永远学bē甚么是「仁慈」,mā拒绝学习。因为in ê心中存骄傲,无认为上帝会审判,mā m̄相信上帝有能力ē-tàng审判in,chiah胆敢tī上帝ê土地顶面「为非作pháiⁿ」。

第11节,chit节讲出审判来临ê时,chiah-ê骄傲ê作恶者,会看tio̍h遵行上帝旨意ê子民得tio̍h恩典,kah in ê落场差别真大。

第12到15节,chit段诗歌lóng谈起上帝拯救ê恩典。上帝ê恩典是丰富ê,而且是hō͘ in够额ê性命力。因为有上帝ê疼kah拯救,因为án-ne,就算是tī伊人「辖制」之下,mā bē孤独,因为知影真正ē-tàng óa靠ê是上帝,并且相信公义ê上帝,一定会「惩罚」、「消灭」hiah-ê眼中无上帝ê人、社会、国家,hō͘ in「无法度复生」,永远沉沦tī深渊中。Án-ne,所有óa靠上帝救助ê人、国家、族群,就会到四界传颂上帝ê名。

第16到18节,chit段诗歌提起过去hō͘上帝惩罚ê经验,m̄-nā国势不振,人ê性命力mā lian去,包括无koh活ê期待。In所体验tio̍h ê痛苦,ná亲像产妇临盆ê痛苦仝款,只有ē-tàng用「呼叫」、「haiⁿ-haiⁿ叫」来表示性命痛苦至极之态。

诗人tī chia特别提起chit句「无造福别人」,原本上帝ê拣选,是为tio̍h beh hō͘万国万民因为上帝子民ê缘故蒙福(参考创世记十二:1—3)。Á弃sak上帝ê子民,无法度为别人带来福气,因为in本身会受tio̍h上帝严厉ê惩罚。

第19节,chit节ê经文thang参考以西结书第三十七章1到14节,以及但以理书第十二章2节所提起ê koh活信息。性命ê ǹg望是tī「koh活」,这ē-sái讲是基督教信仰siōng重要ê内含。苦难固然带来性命ê死亡,m̄-koh上帝有大能力,会因为他拯救ê恩典,hō͘已死ê性命,重新koh再造。

第20到21节,chit两节是chit首诗歌ê结尾,谈起最后ê审判,是tùi上帝来ê审判,这审判是非常严厉ê。Ná亲像当年出埃及chìn前ê Pôaⁿ过节情景,上帝ê天使pôaⁿ过了以色列人民ê厝,in一定tio̍h进入厝内,而且关密了门(参考出埃及记十二:22—23)。因为上帝严厉ê审判就beh来到。大家tī厝内停留到「上帝ê受气消失」,因为上帝bē永怀忿怒。Koh讲,tio̍h趁chit-ê机会真心悔改,上帝就会改变本来tio̍h执行ê惩罚之计画。若不如此,当上帝惩罚来临ê时,无任何人ē-tàng隐藏所犯ê过错,一切lóng会暴露出来,像希伯来书第四章13节作者所讲ê,每一个人lóng tio̍h「赤the̍h-the̍h暴露」tī上帝目睭前,接受上帝ê审判。

重新查询 专卷研经 以赛亚书系列
错误回报,请联系comm[@]fhl.net