以赛亚书 20章1节 到 20章6节   背景资料  上一笔  下一笔
Chit章tùi文字上看起来,kah-ná是谈起非利士人ê城市亚实突会hō͘毁灭,m̄-koh实际上是继续tī预言有关埃及teh beh tú-tio̍h ê危机,因为án-ne,chit章mā ē-sái讲是第十八到十九章ê结语。

第1节,「亚述皇帝撒珥根」,mā就是「撒珥根二世」,是tī主前721到705年做王。Ē-sái讲是亚述siōng伟大ê王之一。Chit-ê王下命令ài伊ê元帅攻击「非利士ê亚实突城」。

非利人共计有五个城邦,除了亚实突外,iáu有亚实基伦、迦萨等chit三个城市,lóng是属tī沿海城市。另两个内陆城市,是用革伦、迦特等(参考撒母耳记上六:17)。主前713年,亚实突背叛亚述,无koh向亚述进贡,而且参与附近小国kah埃及联盟来对抗亚述。主前711年,亚述皇帝撒珥根攻落亚实突。

第2到3节,「这事件发生前三年」,这年代可能是tī主前714年。上帝ài先知以赛亚用肢体语言来表达上帝teh beh采取惩罚ê行动。上帝ài先知以赛亚「脱掉伊身上ê麻衣kah脚上ê鞋á」,chit种打扮,ná亲像被敌人俘虏ê战俘(参考以赛亚书四十七:2—3)。Tī圣经时代,这mā是一种惩罚战败ê军人ê方式。Koh讲,án-ne即使战俘想beh逃离,mā无法度逃得真远。其实,这mā teh说明亚实突人ê悲伤,已经被侮辱hō͘取代了。先知以赛亚听从上帝ê话,用「光tio̍h脚行走三年」,来teh代表一个「预兆」,预言tio̍h埃及会tú-tio̍h像亚实突仝款ê惨痛经历,m̄-koh显然伊chit种「预兆」,并无引起当时埃及ê执政者á是人民注意,当时ê人可能kā先知以赛亚看做是一个疯子。

Koh讲,「三」Chit-ê数字Tī圣经中mā真特别,亲像上帝ài摩西带领以色列人民出埃及行「三」天路程到旷野去敬拜(参考出埃及记三:18、五:3);约拿tī鱼ê腹肚里「三工三瞑」(参考约拿书一:17),尼尼微城需要行「三工」ê路程(参考约拿书 三:3);耶稣死后「三工」koh活(参考马可福音八:31、九:31、十:34)。

第4节,「剥光in ê衫裤」、「赤身露体」、「光tio̍h脚」等,chiah-ê动作lóng是当时侮辱俘虏ê方式。

第5节,chit节主要teh说明亚实突被亚述消灭ê事实,是对南国犹大一个重要ê警告。因为当时tī犹大国内有一股势力,要求kah埃及结盟,当时埃及iáu未被亚述占领。因为án-ne,chit节说明想beh听从埃及kah它结盟ê附近族群á是国家,lóng需要重新考虑外交政策。因为当亚述去攻打亚实突ê时,埃及并无履行kah亚实突所签订ê约,出兵支援受tio̍h攻击ê亚实突。

第6节,「tòa tī非利士沿海ê人」,这是teh指亚实基伦kah迦萨chit两个属tī非利士人ê城邦。意思是所有非利士人ê城市lóng发出仝款ê声音,就是当时siōng有能力抵抗亚述ê唯一大国埃及lóng m̄敢出兵,想beh去kah埃及联盟对抗亚述是无用ê。

重新查询 专卷研经 以赛亚书系列
错误回报,请联系comm[@]fhl.net