以赛亚书 15章1节 到 15章9节   背景资料  上一笔  下一笔
第十五到十六章,chit两章lóng是提起有关「摩押」Chit族群teh beh面临ê惩罚。Mā ē-sái讲是一篇有关「摩押」ê哀歌。「摩押」人khiā起tī死海ê东边,祖先罗得是亚伯拉罕ê侄á,因为án-ne kah以色列民族有远亲ê关系。M̄-koh号名「摩押」是有含「淫乱」、「乱伦」ê意思(参考创世记十九:36—37)。

Chit章是有关摩押两个重要城市—亚珥城kah基珥城—ê灾难。

第1节,「亚珥城」,正确ê地点已经无法度thang考,摩西bat借用「亚珥城穿过摩押ê地区」(参考申命记二:18)。「基珥城」真可能就是第十六章7节所讲ê「吉珥・哈列设」ê另外一个名称。大概是设tī亚嫩河以南二十四公里远ê城市,有可能指ê就是摩押ê首府。

Chit两个大城lóng tī「一瞑之间毁灭了」。这真亲像所多玛kah蛾摩拉两座城市,上帝一伸手惩罚,就lóng完全毁灭,而且是tī瞬间毁灭消失,就算人想beh逃走mā措手不及,因为án-ne chiah会讲「死寂罩tiâu了」kui个国家。

第2到3节,「底本」,这是设tī亚嫩河以北约六公里ê所在。Tī约书亚时代,是分配给迦得支派管理(参考民数记三十二:34),属tī约旦河东岸ê地区。In tī山顶建造庙宇,m̄-koh tī灾难来临ê时,in tī「神庙里哀哭」,恳求in所敬奉ê神为in出力、救助。M̄-koh都无作用。Hō͘ in只有哀伤ê份。

「尼波」,这是亚嫩河以北,靠近尼波山ê所在。摩西就是tī这尼波山顶远眺迦南全地(参考申命记三十四:1)。

「米底巴」,这是设tī希实本以南大约十公里ê所在。

摩押人为tio̍h chiah-ê城市ê毁灭,m̄-nā「伤心啼哭」,而且iáu「剃光了头毛,刮掉了胡须」,而且「市民lóng穿麻衣」来表示悲伤、见笑至极。

第4节,chit节tī耶利米书第四十八章34节mā有仝款ê描述。

「希实本」,这是设tī死海北pêng约三十公里ê所在。Tī大卫王朝chìn前,chit-ê城是西宏王ê首都(参考民数记廿一:26)。

「以利亚利」,chit-ê城距离希实本真近,大约是tī北pêng约两公里ê所在。

Chit两个城市tī约书亚时代,lóng是分配给吕便支派ê城市(参考民数记三十二:37)。

「雅杂」,这是tī亚嫩河北pêng大约三十二公里ê所在,ē-sái讲是摩押siōng北pêng ê城市。

Chit节讲摩押人民ê哭声m̄-nā悲惨,而且嚎啕痛哭ê声音极大,传到极远ê北pêng城市「雅杂」。Mā可能是因为哭声siuⁿ过悲惨,因为án-ne,hō͘听tio̍h ê摩押士兵「lóng惊惶」,连军人应该有ê「勇气」mā lóng「丧失」了。

第5节,m̄-nā摩押士兵听tio̍h hiah-ê悲惨痛哭ê声音心生惊惶、不安,就连先知以赛亚mā生出怜悯ê心,为「摩押」ê毁灭而「悲痛」。

「琐珥」,这是靠近死海ê南端,亚伯拉罕ê侄á罗得teh逃离所多玛城ê时,就是请求上帝hō͘伊tī chia停留(参考创世记十九:21—23)。

「伊基拉・施利施亚」,地点已经不详。

「鲁希坡」kah「何罗念」,chit两个城市mā仝款地点不详。

第6节,「宁林」,这可能就是tī死海南端十六公里ê所在ê「南美拉溪谷」。Chia ê「小溪里无水」,teh逃亡ê时chūn tú-tio̍h chit种境遇,koh khah悲惨,hiah-ê人真紧to̍h会因嘴干来死去。因为连「溪边ê草」mā「枯干去」。

第7节,「柳溪谷」,大概设tī摩押kah以东ê边界。Chit节讲摩押人为tio̍h beh逃难,带厝里贵重ê细软财物逃离家园。 

第8节,就Tī顶面所讲ê边界ê所在,听tio̍h ê lóng是啼哭ê声音,连tòa tī「以基莲kah比珥・以琳」ê人mā听得tio̍h。Chit两个地方前者tī摩押北pêng,后者tī南边。Chit-ê意思就是kui个摩押全境lóng听tio̍h痛哭哀嚎ê声音。

第9节,「底们城」,chit-ê城真可能就是第2节所讲ê「底本」。Chia讲此城ê「河水lóng是血」,意思就是死亡ê情形惨重,因为「tùi摩押逃出来ê难民ta̍k个lóng会hō͘刣灭」仝款,无人ē-tàng存活落来。

重新查询 专卷研经 以赛亚书系列
错误回报,请联系comm[@]fhl.net