创世记 14章17节 到 14章24节   背景资料  上一笔  下一笔
Chit段经文真类似第十三章记载亚伯兰kah罗得分开ê情况,充分显示亚伯兰对钱财ê态度并无贪婪,而且拥有宽大ê胸襟。伊无想beh夺取别人ê财富,知影分享财物hō͘别人,kah怎样感谢祝福伊ê人。

Tī chit段经文中提供一个真重要ê资料,就是有关「麦基洗德」ê事。圣经中只有三处谈起麦基洗德,其一是chit所在,另外一是tī诗篇一一○篇4节,讲伊是「祭司」。另外是tī希伯来书第七章谈起麦基洗德,讲伊是「掖冷王,mā是至高上帝ê祭司」。

另外,chit段经文mā特别提起「十分之一」hō͘麦基洗德,原因是麦基洗德祝福亚伯兰。这十分之一数字,mā是当时人民缴交hō͘国王ê税金(参考撒母耳记上八:15—18),mā是后来摩西法律规定以色列人民需要缴交ê宗教税(参考利未记廿七:30—32)。

9.第十五章主要ê资料来源是由古老ê资料kah比较晚期ê(比「祭司文献」早一点)文献合编而成。Chit种资料称做「以罗伊文献」ê资料。包括第1到2节、5节、16节。Chit种资料ê特色,是上帝kah人对话时,无koh是直接ê,却是透过天使、梦,á是异象来启示人。

Tī chit-ê章经文中,主要谈起两个问题:一是上帝应允hō͘亚伯兰一大片土地;二是上帝应允hō͘亚伯兰有数不尽ê后裔。其实,tī亚伯兰ê族长史中,chit两个应允一直重复出现。
重新查询 专卷研经 创世记系列
错误回报,请联系comm[@]fhl.net