Chit段经文记载以斯拉kah伊同行ê祭司、利未人lóng平安tńg到耶路撒冷。Á伊委托管理财物ê同工确实真忠心，hō͘保管ê金银等贵重器物lóng如数点交hō͘管理圣殿ê负责人。

第24到27节，以斯拉选出十二位祭司代表，然后kā波斯皇帝kah官员交hō͘伊ê金紫、银á，kah归还 ê圣殿器皿lóng经过磅秤kah点交hō͘ in保管。

第28到30节，以斯拉ài chit十二位祭司代表妥善保管chiah-ê圣殿ê物件，交带in来到耶路撒冷后，mā tio̍h像chit-má án-ne，一定tio̍h经过磅秤了后，转交hō͘祭司kah利未ê领袖，用chit种方式来表示非常忠心，都无贪婪ê念头。因为chiah-ê lóng是属tī上帝ê物件。

第31到34节，果然，上帝垂听以斯拉kah所有同行ê祭司、利未人ê祈祷，hō͘ in chit群回乡者lóng顺利平安tńg到耶路撒冷。歇困了三工了后，第四工，chiah-ê负责保管圣殿器物ê十二位祭司代表，就kā它经过磅秤了后，点交完成，并且详细记录数字。

第35到36节，为tio̍h beh感谢上帝，以斯拉mā带领in到耶路撒冷圣殿去进行献祭ê礼仪，伊mā同时kā皇帝hō͘伊ê诏书交hō͘河西省长kah官员，án-ne，波斯ê所在官员就清楚知影，tio̍h照皇帝ê命令，协助以色列人民敬拜上帝ê事务，表示bē-tàng koh再有任何干涉搅扰in ê事发生。